تم اصدار قرار الابتعاث + امر الاركاب ..... ولكن !!!!؟
السلام عليكم ورحمة الله وبركاته
اخواني انا مرافق لزوجتي واصدرنا قرار الابتعاث وامورنا تمام
جيت اخذ اجازه استثنائيه من العمل ( معلم ) قالي الموظف عندنا عجز في تخصصك ما نقدر نعطيك اجازه وقبل يومين زميلك في المدرسه وفي نفس تخصصك طلب اجازه استثنائيه لعلاج ابنه
طيب الحين كيف الوضع يعني تعب نص سنه يروح كذا
هل من حق العمل رفض الاجازه بسبب العجز
او من حقي اخذ اجازه بدون راتب حتى لو كان عجز حسب النظام
المشكله ما بقي على رحلتي الا ثلاث اسابيع
وش السواه ياخوان والله متوهق
اشغلت مخنا ها السالفه
رد: تم اصدار قرار الابتعاث + امر الاركاب ..... ولكن !!!!؟
لا حول ولا قوة إلا بالله العلي العظيم
اخوي ( السؤال الأهم ) كيف علاقتك مع مدير مدرستك ؟
إذا اوكيه شغله لك واسطه
وإذا لا الله يكون في عونك
رد: تم اصدار قرار الابتعاث + امر الاركاب ..... ولكن !!!!؟
المدير اتوقع ما بيده شي
وش بسوي يعني
اذا اخذت انا الاجازه مارح يبقى عنده في نفس التخصص
رد: تم اصدار قرار الابتعاث + امر الاركاب ..... ولكن !!!!؟
أنا ماافتيك بس أنا اللي أعرفه في شي اسمه معلم بديل !!
لمثل هالحالات
أنا أقولك رأيي
أطلع لوزارة التعليم تبع منطقتك وقدّم أوراقك واثبات ترشيحك
ومستحيل يردونك
لكن مديرك ماله عذر يحرمك من البعثه عشان عنده عجز
حتى لو تاخذها بدون راتب المهم ماتروح عليك
بالتوفيق
رد: تم اصدار قرار الابتعاث + امر الاركاب ..... ولكن !!!!؟
ياخي الكريم ,,,,,,,, انا مثل وضعك تماما
بس حبيت اسالك من هو الموظف اللي قال هالكلام ؟
وبعدين ان شاء الله راح اقدم على الاجازة بعد اسبوعين ياليت نتواصل مع بعض حتى نفيد بعض
والله يكتب لنا ولك اللي فيه الخير
رد: تم اصدار قرار الابتعاث + امر الاركاب ..... ولكن !!!!؟
ما توقع في احد يمنعك من الاجازة الاستثنائية لانها حق من حقوقك ..
لكن لو حسيت انه الموضوع راح يطول انصحك انك تطلع لوزارة التربية والتعليم بالرياض فورا لانه التأخير ماهو في صالحك الوقت يمشي بسرعه
رد: تم اصدار قرار الابتعاث + امر الاركاب ..... ولكن !!!!؟
لا يحق لاحد منعك من هذه الاجازة
على حد علمي
اطلع الرياض ولا تضيع وقتك
وبين لهم سبب رفض رفع معاملة اجازتك
واتوقع الاجازة بدون راتب
والله اعلم
رد: تم اصدار قرار الابتعاث + امر الاركاب ..... ولكن !!!!؟
شوف الموضوع ممكن يفيدك بشي.
% تم اصدار قرار الابتعاث وامر الاركاب والاجازه الاستثنائية ( اي سوال انا حاضر )
http://www.mbt3th.us/vb/forum149/thread330389.html
رد: تم اصدار قرار الابتعاث + امر الاركاب ..... ولكن !!!!؟
تعطى اجازه استثنائيه بدون راتب ... حسب امر خادم الحرمين الشرفين ... الامر موجود لكافة الموظفين الحكوميين ...
رد: تم اصدار قرار الابتعاث + امر الاركاب ..... ولكن !!!!؟
ادارة شؤون المعلمين يقدرون يوجهون معلم اخر لمدرستك يكمل فيها الحصص مو معقول ولا تخش المخ ان مافي اي معلم يقدر يكمل في مدرستك
المدير هذا متنح مايبيك تروح تكمل بالعربي معقد واذا تقدر ادخل على مدير التعليم واشرح له ولا شؤون المعلمين
الله لايوفقهم بعضهم يوقف بطريق الناس وهو يقدر يمشيها بطريقة نظامية
انا كنت بيوم من الايام معلم والله لايعيدها من ايام افشل وزارة بالانظمة والتعامل
عليك بالدعاء اخر الليل وربي يفرجها عليك