رد: خايفه مررهـ وعايشهـ برعب
يالله انتي قلق اسف بس احس انك تفكرين كثير كثير
سؤال عن اخوك طبعا هو ما معه الا ثانوي لان باختصار ما حصل على الجامعة
اما شؤؤن السفاره والخرابيط هذه ما ادري عنها ما اقدر افتيك فيها
بالنسبة الى روحتك للرياض علشان الفيزا نصيحه روحي قبل موعدك بالسفاره بـ 4 ساعات على الاقل يعني تطلعين من الشقه الى السفاراه على ما تاصلين الى السفاره يمكن تكفيك 4 ساعات
جلوسك في الرياض والله ما عندي خلفيه بس اذا هم برسلون الفيزا على الفيدكس والله ما اجلس في الرياض ارجع لديرتي ابرك خصوصا ان اصدار القرار عن طريق الاميل الحين يعني مو لازم روح ثانية
اتمنى ان يفيدك احد في الشي الخاص بالسفاره لاني بصراحه ما قدمت عليها الى الان
بالتوفيق
نصيحه اخذي الامور بروقان ولا تفكرين كثير ترا بيضرب عقلك شوط
رد: خايفه مررهـ وعايشهـ برعب
ماعندي فكرة
وكلي امرك لربك
الله ييسرلك وبالتوفيق يااارب
رد: خايفه مررهـ وعايشهـ برعب
اقتباس:
المشاركة الأصلية كتبت بواسطة sokarh
السلام عليكم ورحمة الله وبركاته ...
يمكن خفتوو شوي اول ماقريتو الموضوع ... بس ان شاءالله بيروح الرعب والخوف مني لو بس كذا ساعدتوني وجاوبتي على اسألتي لأنه انا اثق بأراكم كثير .. أتمنى مأثقل عليكم :blush-anim-cl:
انا بقولكم السالفه ياطويلين العمر ...
الله يسلمكم ... أن شاءالله بيكون موعدي بالسفاره بعد كم يووم بس ... والله خايفه ومرعووبه من كم شغله :sweatingbullets:
واتمنى ماتخيبوني وتردو على اسئلتي الي مالها نهاايهـ ...
طبعا انا عبيت نموذج السفاره (ds-160 ) لي ولأخوي بس كتبت في خانة المسئول عن الرحله لأخوي برنامج الملك عبدالله للابتعاث ( وهو مامعه ضمان ) هل هذا الشي يعتبر غلط ؟؟ وكمان بمعلوماته حطيت انه درس الثانويه بس على العلم انه درس سنه وحده بالجامعه والحين مفصول عشاان المعدل .. الله يهديك ياخووي ...:lac:
وطبعا انا اكدت المعلومات الي بالنموذج اورسولها لي بالايميل مدري اذا في مجال للتغيير والمشكله حتى الموعد حجزته على رقم النموذج الي حفظته ...
وبعد حاجه أنا جبت له قبول من المعهد الي انا فيه عن طريق الشهادة البنكيه للوالد الله يحفظه :heart: (سؤالي يقول ...؟؟ بالسفاره هل يكتفون بالشهادة البنكية وكشف الحساب ؟؟؟ ولا لازم خطاب من الوالد انه مسئول عنى دراستي اخوي ..
والشي الثاني شهادة الثانويه الاصل لأخوي لسى بالجامعه ماسحب ملفه ... هل السفارة تقبل شهادة الثانوية طبق الاصل ولا لازم نجيب لهم الاصليه ... وهل يحتاج ورقة تثبت انه مايدرس او انه مو على قيد العمل ومن وين يجيبها ...( ماتلاحظون اسألتي كلها عن اخوي :p ) ...
خليكم معي شوي بعد فيه استفسارات بخصوصي .. ساعدوني بهالموقف الصعب أدري ثقلت عليكم ...
انا الحين مو من اهل الرياض بس بروح قبل موعد السفاره بيوم وبجلس اسبوع بعد الموعد بالسفاره... بتسالوني ليه انتظر انا اقولكم
بنتظر الفيزا تطلع عشان اروح للوزاره مره وحده واطلع قرار الابتعاث وامر الاركاب احسن مارجع للرياض مره ثانيه .. بس خايفه الفيزاء تطول وماستفيد شي من جلستي بالرياض المشكله ماعندنا احد بالرياض يعني الفنادق بتكلف والتكاسي بتكلف كثير :(
سؤالي ؟؟ تتوقعون الفيزا تطلع بيومين او ثلاث ولا لا وقولو لي تجاربكم بالسفاراه ومتى طلعت لكم الفيزاء ....
وتنصحوني انتظر الفيزا ولا ارجع مدينتي على طول واخليهم يرسلونها فيدكس على مدينتي ؟؟ ( وبعد سمعت انه قرار الابتعاث ممكن اجيبه عن طريق الايميل بس اخاف بيكون زحمه ويطولون مايردو على الايميلات .... وانا موعد دراستي قريب مره بعد شهر وكم اسبوع بس ) ... شي يحير صراحه :rolleyes2:
أعطووني اراااااكم ... :heart:
بسم الله الرحمن الرحيم
السفاره يهمها التالي ورقة تاكيد الموعد لك ولاخوك نموذج القبول من المعهد لك ولاخوك نموذج ds 160 ,i20 ايصال التاشيره رسوم السيفيز الضمان المالي لكي او بطاقة حظور الملتقى وكشف الحساب لاخوك
اعتقد امورك بالسليم لان اوراقكم جاهزه
انا اخذت موعد في السفاره السبت الماضي ودقو علي فيدكس يوم الاثنين الصباح وصلتني الفيزا بالخرج
انشاءالله بكره او بعد بكره بطلع قرار الابتعاث وتذاكر السفر
رد: خايفه مررهـ وعايشهـ برعب
مدرري ايش اقول بس يحق لي اخااف لانه انا سويت كل شي بنفسي واول مره اسويه يعني عبيت نموذج ds160 وخايفه يكون فيه اخطاء ممكن تاخر الفيزا او تمنعها
مثلا حطيت المسئول عن دراسة اخوي برنامج الملك عبدالله للابتعاث ..؟؟؟ وهو مامعه ضمان بس معه شهادة بنكيه
تتوقعون عادي ولا لازم اعيد النموذج ... ولو سويت له نموذج جديد عادي ولا لا
ويسلموو لكل الي شاركوني باالموضوع
رد: خايفه مررهـ وعايشهـ برعب
انا مثلك متوتر قبل المقابله من ds160 لان كل شيء سويته بنفسي امورك ماشيه بالسليم
بالنسبه لاخوك سويله نموذج جديد وعدليه عن الشكه ماياخذ وقت
بس تاكدي من اسم الحي الي ساكنته عشان يدقون عليكم فيدكس باليوم الثاني
في الخدمه ربي يسلمك
رد: خايفه مررهـ وعايشهـ برعب
ياربيه نفس الحالة، من الذكاء الزايد حطيت ان المسؤول عن دراستي "انا" ماكتبت برنامج الملك عبدالله للابتعاث :p
واخاف اسوي واحد جديد ويصير القديم مسجل عندهم وتتلخبط الدنيا :(
افكر اسأل السفارة اريح واضمن :help:
رد: خايفه مررهـ وعايشهـ برعب
بليز احد يجاوبنا ونفس استفسار الاخت - المرافق يكتب من المتكفل بدراسته في الابلكيشن self ام الوزااره ؟ وكم يودع في حسابه اقل شي ؟
رد: خايفه مررهـ وعايشهـ برعب
نفس السؤال عندي ...
بادور على الاجابة وان شاء الله افيدكم بيها ....
رد: خايفه مررهـ وعايشهـ برعب
اقتباس:
المشاركة الأصلية كتبت بواسطة ابن مكه
بليز احد يجاوبنا ونفس استفسار الاخت - المرافق يكتب من المتكفل بدراسته في الابلكيشن self ام الوزااره ؟ وكم يودع في حسابه اقل شي ؟
طبعا الوزارة هي المتكفلة بذلك
الايداع في الحساب لا علم لي
