أفضل خطوط الطيران المتجهة إلى أمريكا...

طيب بسأل سؤال انا ابغى الخطوط السعودية عشان اروح من جدة على واشنطن ومن واشنطن على مطار هيوستن وبعد كدا اخد سيارة توديني على هنسفل لإنها قريبة من هيوستن. طيب هل الوزارة تدفع لي فلوس الرحلة من واشنطن على هيوستن؟ ياليت تفيدوني ومشكورين

طيب ليه تطلع على الخطوط السعوديه ومنها الى هيوستن !!

احجز على طيران الامارات ويكون خط السير ... من جده الى دبي ومنها الى هيوستن مباشره واطلع سياره منها افضل طيران توقف في دبي فقط ساعتين ونصف ومنها على هيوستن ... راحه وافضل خطوط .. ومنها اذا العفش زايد يمشونك زيادة 5 ك في الوزن على كل شنطه ... اذا طلعت على السعوديه على واشنطن تعب وبعدين طيران داخلي زفت هنا والوزن 20 ك فقط اي زياده ياخذو عليك قلوس ومنها تتعب بالمطار بواشنطن ...

مشكووووووووووووور اخويا جزاك الله خير نبهتني لإني ما كنت عارفة شيء بهذه الأمور ( اول مرة اركب طيارة خخخخخخخخخخ) المهم تشكر على النصيحة لإني فعلا كنت محتاجة احد يرشدني على افضل الخطوط إللي ممكن على هنسفل او على الأقل هيوستن

صحيح اللاماراتيه افضل خطوط طيران ولكن السعوديه تعتبر افضل لان الملحقية تكون باستقبالك هناك لان اخوي سال عن هالنقطه

لو انا مكانك ما ترددت .. الاماراتية اكيد وحاولي تبعدي عن الطيران الداخلي قد ما تقدري

يعني اذا اخر محطة لكي مطارها دولي شوفي اي خطوط تنزل فيها مباشرة بدون ما تنزلي في مطار ثاني وتاخذي ترانزيت داخللي اللي يعتبر جدا سيء

ما يحتاج تستقبلك الملحقية لانك ما حتروحي الملحقية كله بالنت

الالمانية كثير ما مدحوها في الترفيه على الطيراة خاصة انك طالع رحلة طويلة

هي من افضل الخطوط في العالم في الوجهات والرحلات فقط لكن داخل الطيارة عادي جدا

البريطانية اتوقع افضل وانا طالع عليها وما شفت احد يذمها

UP

عشان الكل يستفيد

ياحبايبي ياحلوين الأفضل شي و الأريح شي ثاني

لو جينا نتكلم عن الأفضل انا اشوف اتحاد الامارات جربتها من ناحية الخدمة و الكراسي و الوجبات

لاكن

لو جينا للأريح الفرسان السعودية ليش ؟ اقصد اريح لأنها دايركت ما تنزل ترانزيت جدة واشنطن او الرياض واشنطن ، خط سير واحد لأن ياحبايبي الرحلة طويلة لاتحتمل الوقوف 13 ساعة

من ناحية ثانية مو معقول انا مثلا سفري من الرياض اختار طيران الاتحاد ، الاتحاد ينزل لازم بابو ظبي 3 ساعات ، اروح من الرياض لأبو ظبي و بعدين ابو ظبي امريكا بتطول الرحلة مررررررة

شوف يالغالي باعطيك وجهة نظري انا

اولا الخطوط السعودية ممتازة للي دراسته في واشنطن او نيويورك لانه كذا بتكون رحلته دايركت .. بس اذا بينزل واشنطن وياخذ طيارة ثانية من الخطوط الداخلية جدا مو مريح .. بتدفع حق العفش وشوف العفش اللي بتجيبه معاك اول مرة

غير ان الاكل والشرب في بعض الطيران الداخلي بفلوس وممكن توصل مدة الرحلة 6 ساعات .. غير انك تضطر تاخذ ترانزيت طويل تحسبا لاي مشاكل مع الهجرة في الدخول

معلومة البعض ما يعرفها ان الاماراتية وغيرها متعاقدين مع خطوط داخلية معينة تكمل رحلتك عليها وبالتالي ما تدفع حق عفش لكن السعودية لا ترميك بواشنطن وانت دبر حالك مع الخطوط الثانية واعرف ناس دفعوا حول 700 ريال وهو لحاله عزوبي بدون عائلة

اتفق معاك ان الموضوع متععب تروح من جدة او الرياض لدبي وتنتظر هناك 3 ساعات وبعدين تسافر لكنه بيريحك كثير في امريكا افضل مليون مرة من السعودية

واختلف معاك ان الرحلة 13 ساعة ما تحتمل التوقف .. بالعكس 13 ساعة بتهد حيلك وحلو لو وقفت في مطار ونشطت نفسك شوي وحركت دمك .. طبعا اقصد هنا ترانزيت اوروبي

طيب بعد هـ الكلام كله وصلت لتقريبا انسب وافضل واسرع خطوط لمدينتي

طبعا اخر مطار بالنسبة لي انا في بوسطن فـ بيكون خط الرحلة جدة لندن 6 ساعات و50 دقيقة وبعدها انتظار 3 ساعات و40 دقيقة .. وبعدها 7 ساعات على بوسطن

جدا مريح وخفيف وكلها 17 ساعة وبوصل بوسطن في نفس اليوم على المغرب .. ولا احلى

وبقولكم معلومة عن البريطانية .. اللي حجزلي اسمه سجاد في فرع الطيار في الوزارة في الرياض اعطاني حجز على درجة اعلى من السياحية مدري ايش اسمها بالضبط بس الزبدة اقدر اطلع شنطتين بدال لا تكون وحدة والمقعد اكبر ب 18 سم

وما ادري اذا في ميزات جديدة او لا .. رمز الدرجة T .. لا تنسوا تسئلوا عنها لاني قرات قبل كذا وحدة من الاخوات دفعت حول 500 ريال للعفش لانه كان مسموح لها شنطة وحدة

ادري طولت وتحملوني .. بس حبيت اعطيكم كل اللي عندي وموفقين كلكم

طيب ايش تنصحون اللي رايحين من جدة على بورتلاند ؟

اللي أقصدو أروح على الخطوط السعودية لواشنطن ومن هناك داخلي ؟

والا فيه طريقة أفضل وأسهل ؟

خصوصا إنو معايا الأخت الكريمة ،


الأخ العزيز MeLoO ،


ياليت لو عندك خلفية عن الطيران الداخلي اللي متعاقدين معاهم طيران الإمارات أو غير الإمارات ؟


وشكرا على إثرائك لنا بمعلومات أول مرة أسمعها : )