تكفون ساعدوني طمنوني تكفون سؤال مهم
السلام عليكم
انا طالب مبتعث في بولندا
كانت رغبتي الاولى هولندا بس تحولت الى بولندا لاني ما سلمت شهادة الايلتس في الوقت المحدد بس معي الايلتس
انا حاليا في بولندا و البلد هذا ما اعرف وش اقول والله العظيم ان الهند احلى منه و ما توقعتها تكون كذا
و ادرس لغة حاليا مع ان معي الايلتس
سؤالي المهم هو اقدر احول لبلد ثاني و ايش الاجراءات بالضبط ؟
انا دخلت في موضوع مثبت في ملتقى خدمات الطلاب بس قديم الموضوع
انا معي الايلتس و ما عندي مشكلة احاول اجيب قبول جامعي للمكان الي ابيه
بس هل اقدر احول او ما اقدر ؟
تكفون طمنوني والله اني مهموم و شايل هموم و مو قادر افكر او اسوي اي شي و مصدوم
تفكون حد يطمنني
اقدر احول خلال الخمس شهور القادمة ؟
تكفون ردوا علي و دعواتكم دعواتكم دعواتكم
ادعولي اطلع من هذا البلد تكفون و لو ارجع الرياض حتى بس تكفون ادعولي اطلع منها و اروح مكان ثاني احسن
مشكورين
رد: تكفون ساعدوني طمنوني تكفون سؤال مهم
ماعندي معلومات افيدك فيها للاسف
بس الله يسهل عليك وييسر امورك
تتيسر ان شاءالله من رب العالمين
رد: تكفون ساعدوني طمنوني تكفون سؤال مهم
والله يا أخوي أنا ماعندي الخبرة الكافية لحل مشكلتك !!
لكن اللي سمعته إذا جبت قبول جامعة من دولة من الدول اللي مازال الإبتعاث فيها المفتوح ..وقدمته للملحفية تبعك ودعمت قبولك بخطاب تشرح فيه الإسباب تقدر تحول !! يعني بريطانيا مافيه لأن الإبتعاث فيها موقف
أنا سمعت خبر بس موووأكيد ؟؟
إنك لازم تقدم مع القبول والخطاب: إنك قدمت ع عدد من الجامعات في دولتك ومالقيت قبوول = بس هذي المعلومة لا بد تتأكد منها ؟؟
@ ع ما أعتقد إن دول الإبتعاث ليها تصنيف وأرقام فئة A وفئة B وكذا ؟؟ لو بتحول من الأقل للأعلى بيكون فيه تساهل حتى ولو صح الشرط : إنك لازم إنك ماحصلت قبول في دولتك اللي أنت فيها
إما التحويل من الأعلى للأقل بيكون فيه تعقيد ف الشروط .. والظاهر إن امريكا وكندا من فئة A أنا كنت حفظت موضوع ف المفضلة عندي حول موضوعك وقرأته ع عجل في وقتها ؟؟ ودوررته ومالقيته للآسف !!
والكلام اللي كتبته لك معتمد فيه ع ما سبق قرأت يحتاج تتأكد ؟؟
وحبيت أرفع لك الموضوع <<
رد: تكفون ساعدوني طمنوني تكفون سؤال مهم
مشكورين على الردود تكفون اذا حد عنده معلومة او حول من قبل يفيد والله مهموووووم و مو عارف وش اسوي