تجمع طالبات وطلاب اوهايو ..كولومبوس ..مع بعض كل شي بيكون اسهل

الله يبارك فيك غاده ..وعقبال الجميع ان شاء الله ..

مبروووووك أخوي ناصر و عقبال الباقين , أنا رحلتي قبلك بأربعة أيام ع الخطوط السعودية , بالنسبة للوزن لك شنطتين ما تزيد عن 23 كيلو للواحده , و شنطة تشيلها معاك ف الطيارة ما تزيد عن 10 كيلو ... و بالتوفيق

الله يعططيك العافية أخوي نور وتاصل بالسلامه يارب .... بالنسبة للوزن فعلاً مثل ما قلت .. وأضيف على كلامك معلومه حلوه ومهمه ... اذا كنت من أعضاء الفرسان يـُــسمح لكـ بـ شنطتين لكل شنطه 40 كيلو ..

وعشان تصير أحد أعضاء الفرسان سهل جداً ومجاني .. عن طريق موقع الخطوط تدخل على الفرسان وتسجل بياناتك ورقم التذكره ثم يعطونكـ العضويه وفيها اسمك نفس اللي بالتذكره ... تطبعها وتاخذها معاك للمطار


بالسلامة والتوفيق للجميع ان شاء الله

يعطيك العافية أخوي ناصر على الإفادة بس هذا الوزن راح ندفع عليه مبلغ محترم في الرحلة الداخلية من واشنطن إلى كولومبس لأنو على كلام موظف مكتب الطيار إن الرحلة الداخلية لك وزن أقل بكثير

ممتاز عليك .. وعشان تتفادا الشي هذا .. احجز تذكره من واشنطن إلى كولومبوس من هنا عن طريق موقع اكسبيديا والدفع بالفيزا او مستر كارد .. انا حجزت سعرها 237 دولار ..

وأنت في مطار الرياض اذا وريتهم تذكره كولمبوس راح يحطون على أغراضك ستكر ان الشناط ذولي خالصين منهم ويستلمهم في كولمبوس ... حتى اذا وصلت مطار واشنطن ما تقعد تنقل شناطك معك لين تجي الرحله الثانيه .. لا .. هم ياخذون أغراضك دايركت وأنت على طول تستلمهم في كولومبوس .

أما اذا ما تبي تحجز رحلة ( واشنطن - كولمبوس ) من هنا فـ خل وزن شناطك 23
ان شاء الله تكون المعلومه وصلت .

الف مليون مبروك اخ ناصر وسامحوني على الغيبة لاني مشغوووووووووووول جداااااااااااااااااااااً
وحشتني اخبار القروب وساولفهم بصراحة احس لي سنه عنكم يالله الله ييسرها ............
ايش اخبار الي سافروا بدوا الدراسة والا بعد وهل فيه احد بدا في معهد alp يعطينا الاخبار ......
بصراحة مافي الا الاخت غادة متواصله والباقين

أخِ نــآإصـرِ أول شـيَ ألف مبـــــرِوِك وحيــــآكِ الله فــيَ كوِلـؤِمـــبــوسٍ

أنـآ بتكــلـم عن نفــسي سـآفرت من الرياض إلى جـده بعدين جـده وآشنطن على الخطوط السعودية ثم تميت في وـآشنـطـن 4 سـآعآت وبعدهـآ على طول على كــولـؤِمـبوس على خطوط UNITED

سآفرت لوحدي , يعني ماعندي مرافقين , من الرياض إليين وصلت كـؤلومـبوسِ وكـآن معي 3 شنط
الأولى كبيره وزنهآإ 30
والثآإنيه كمآإن كبيره و وزنهآإ كمـآن 30 : )
والثـآلثه كانت معي في الطياره وكآنت شنطة ظهـرِ يعني سهلة الحمـلِ

وإلين وصلت كؤلـومبـوسِ مآدفعت شي على العفش رغم إني توقعت إني رآح أدفع لأنه مره كثير لكن الي في جـده قآإلو لي معليك وضعك سليم ولآ رآح تدفع شي ,,, ولو في وآشنطن قآلو لك شي كلم المدير حقهم
ـآلـزِبده إني رحت هنآإك أول مآ وصلت وآشنطن خلصت إجرآئآت الجمرك وأخذت الشنط ورحت شحنتهآإ مره ثآنيه عند كونتر خطوط اليونآإيتد وبعدين رحت عند بوآبتي أنتظرهآإ تفتح
والحمـد لله كان كل شي سهل وميسر

أسأل الله العلي القدير أن يوفقِ الجمـيعِ

شكرآ ..

ملآحظة / الي عنـده سؤآل ضروري ومهم يرسل لي رسالة على الخاص لأني صراحه جدا مشغول ولا أقدر ادخل هنآإ إلى وقت الفرآغ وأنا كل وقتي مليان تقريبآ إلآ في الويكند
لذلك الي بيرسل لي رسالة على الخاص راح توصلني على إيميلي ورآح أفتحهآإ وأرد عليهآإ بإذن الله في أسرع وقت ..

الله يبارك بأيامكـ تركي .. ويسهل أمورك ان شاء الله قل آمين ..


أخوي عادل الله يبارك فيك وألف شكر على المعلومات وعرض مساعدتك لنـــا .. سفرتك ممتازه وسهله .. ويبدو اني أبمشي على خطاك بإذن الله ..

بس حبيت أسأل اذا فيه روم شير أو هومستاي متوفر في كولومبوس ؟ لأني أبجلس في فندق أول اسبوع وأخاف ما احصل سكن على طول ..


شاكر ومقدر .

مراحب ..

بسألكم قبل موعد دراستي بكم المفروض اني احجز ؟

وصحيح اذا رحنا واشنطن الفندق يكون على حساب الملحقيه ؟

قبل الموعد بـ 10 أيام مناسب ويمديك تخلصي أغراضك وتستقري قبل البدأ بالدراسه ..

في واشنطن الملحقيه تستقبل كل المبتعثيـــن .. وسمعت أنه إذا كان الانتظار أكثر من 10 ساعات الفندق على حسابهم .