رد: تجمع طالبات وطلاب اوهايو ..كولومبوس ..مع بعض كل شي بيكون اسهل
السلام عليكم جميعا
اتمني انكم تفيدوني في اوهايو مدينه دايتون بجامعه دايتون ابي اعرف كيف المعهد والجامعه انا بنقل لها حاليا انا في اكلاهوما مدينه نورمن
اللي حابه اعرفه كل شي عن مدينه دايتون واجوائها واذا في احد هناك يتواصل معي لاني ماعرف احد وابي اعرف كل شي عنها
الله يسعدكم لاتردوني الله يسهل اموركم
رد: تجمع طالبات وطلاب اوهايو ..كولومبوس ..مع بعض كل شي بيكون اسهل
الجامعه كويسه وكثير من الطلاب يمدحونها ،، بالنسبه للأجواء بارده واليوم نزل ثلج ،، الأسعار كويسه ومناسبه جداً
الله يوفقك
رد: تجمع طالبات وطلاب اوهايو ..كولومبوس ..مع بعض كل شي بيكون اسهل
سبحان الله الوقت يمر بسرعه والناس سحبو على الموضوع هذا ,, الصفحه الي قبلها كتبت رد الحين صارله بالضبط 3 شهور وكنت استفسر !!
الحين الي يبي شي او يستفسر عن شي انا حاضر ^__^
رد: تجمع طالبات وطلاب اوهايو ..كولومبوس ..مع بعض كل شي بيكون اسهل
اقتباس:
المشاركة الأصلية كتبت بواسطة قلم وسطور
السلام عليكم ..
أبسأل عن معهد جامعة أوهايو ستيت هل هو متكدس ؟؟وشنو اسمه بالضبط؟؟
لان أعتقد أن المعهد موجود ضمن قائمة المعاهد في موقع الملحقية في آخر تحديث لها بشهر سبتمبر
راسلت الملحقية بس مافيه رد !!!
أرجو الافادة جزاكم الجنة يارب
مافي ررررد ؟؟!!!
على الأقل شنو اسم المعهد بالضبط ؟؟
رد: تجمع طالبات وطلاب اوهايو ..كولومبوس ..مع بعض كل شي بيكون اسهل
المعهد اسمه ALP أو معهد جامعة اوهايو ستيت ،،
اللي أذكره انه شبه متكدس ، والحين تبي تجي الدفعه الثامنه أكيد انه يبي يصير فل ،، نسبه السعودييه فيه تتخطى ال ٧٠٪
الله يوفقكم
رد: تجمع طالبات وطلاب اوهايو ..كولومبوس ..مع بعض كل شي بيكون اسهل
يعطيك العافيهناصر علر الرد
بس ابي معلومات اكثر عن المعهد لو تعرف لي احد هناك كم اسعاره لاني على حسابي وابي اسكن مع عائله وهل هو صعب السكن معهم لو لا
ابي اتواصل مع احد هناك اذا تعرف ياليت تفيدني
او انت اخ قلم وسطور ياليت القي رد علي لاني بجد محتارة بالنقل وخاصه مع عفشي انا نازله السعوديه بالكرسمس فودي ارجع علي اوهايو على طوول لو سل الله لي اموري بمساعدتكم
رد: تجمع طالبات وطلاب اوهايو ..كولومبوس ..مع بعض كل شي بيكون اسهل
اللي يسال عن معهد اوهايو ستيت اسم المعهد ALP كن ما عندي معلومات عنه لان طلابه ما يختلطون في طلاب المعاهد الثانيه كثير
دمعة حلم جامعة ديتون جامعة ممتازة و قوية تقبل ايلتس 6.5 للبكالوريس بس ما عندي علم كم للماستر فيها معهد حق الجامعة نفسها بس ما اعرف سعره السكن مع عايله في ديتون اتوقع انه صعب لان في كولومبوس مو سهل تجد عايله فما بالك بديتون انا بستعلم لك من الشباب هناك و ان شاء الله ارد لك بكرة او بعده
رد: تجمع طالبات وطلاب اوهايو ..كولومبوس ..مع بعض كل شي بيكون اسهل
أسعار المعهد غاليه شوي ، ٦ آلاف دولار كل ٨ أسابيع
بالنسبه للسكن مع عائله ما عجبني كثير ،، أنا سكنت مع عائلتين وما عجبوني كثير ،،وطبقت طريقه ثانيه أنا اللي هو الروميت الامريكي ،، أفضل طريقه في كولومبوس هي أنك تاخذين بيت ثم تجيبين لك طالبه أمريكيه بسعر كويس ،لأنه أصلاً أسعار السكن هنا كويسه ، كذا بيتطور كلامك وتستفيدين منها كمعلومات وآكسنت ،
بس أهم شي يكون الروميت كويس ومو راعي خرابيط وتكتبين اسمه بالعقد ،،
رد: تجمع طالبات وطلاب اوهايو ..كولومبوس ..مع بعض كل شي بيكون اسهل
اقتباس:
المشاركة الأصلية كتبت بواسطة دمعه الحلم
يعطيك العافيهناصر علر الرد
بس ابي معلومات اكثر عن المعهد لو تعرف لي احد هناك كم اسعاره لاني على حسابي وابي اسكن مع عائله وهل هو صعب السكن معهم لو لا
ابي اتواصل مع احد هناك اذا تعرف ياليت تفيدني
او انت اخ قلم وسطور ياليت القي رد علي لاني بجد محتارة بالنقل وخاصه مع عفشي انا نازله السعوديه بالكرسمس فودي ارجع علي اوهايو على طوول لو سل الله لي اموري بمساعدتكم
شكرررا لك أخ ناصر ..
للأسف كنت مخططه على المعهد بس على هالحاله لازم أصرف نظر عنه...مع انو اسم الجامعه موجود في آخر تحديث للمعاهد بشهر سبتمبر
ننتظر قائمة المعاهد الجديدة ونشوف ...الله يكتب اللي فيه الخير
عفوا أختي دمعة حلم.. أنا أخت وليس أخ !!!
والله انا نفسك ماعندي معلومات كثييير عن المنطقة
بس أعتقد اخ ناصر فادك مثل ما قريت من قبل مو سهل تحصلين سكن مع عايله بكولومبوس
موفقه أختي
رد: تجمع طالبات وطلاب اوهايو ..كولومبوس ..مع بعض كل شي بيكون اسهل
يعطيك العافيه اختي قلم والمعذرة علي الالتباس اللي صار
لو في احد بمدينه دايتون يقدر يفيدني او احد يعرف اشخاص هناك يخليني اتواصل معهم انا ماعرف الرسائل الخاصه لو احد يقدر يفيدني ياليت وربي يسهل اموركم جميعا
وادعولي تنحل مشكل الملف مع الملحقيه لي خمسه شهور ولين الحين مافتحوا لي ملف بسبب المرافق ماعندي