تجمع طالبات وطلاب اوهايو ..كولومبوس ..مع بعض كل شي بيكون اسهل

السلام عليكم ورحمه الله وبركاااته



يسعد صبااحكم ومساااكم

اليوم مشاااركتي عبارة عن شكر وتقدير ومعلومات ع شكل اسئله واجوبه لكل الا طالعين ع اوهايو كولومبوس

اولاً: كل الشكر والتقدير للأخ محمد (مخروش) اللي موجود حالين بـ كولومبوس وعرض مسااعدته مقابل دعوه صاادقه
وماااقصر في الاجابه ع كل الا سئله الا طرحها الاعضاء او طرحتها انا









ثانياُ: المعلومات الا قلت لكم عليها هي اجابات الاخ محمد على مجموعه اسئله ارسلتها له في رساله خاصه ع المنتدى



وهذا نص الرساله




يعطيك الف عااافيه اخووووي محمد ماااقصرت
احسن انا راح نثقل عليك بالاسئله بس اعذرنا انت بالنسبه لنا الحين المرجع الموثوق ^_^
يعني صار لك 3 شهور بيانات كلها حديثه ومحدثه كمان ^_^
وعشان نختصر عليك الموضوع وبدل ما تكتب لنا تقرير عن رحلتك بسالك اسئله والله يعينك واتمنى اني اكون حصرت اغلب لاسئله بالنسبه لـ اعضاء القروب
طبعا بعد ما تجاوبني ع الاسئله راح انزلها بالقروب بصورة مرتبه وملونه عشان تكون واااضحه ويستفيد الكل منها




1- بالنسبه للشنط كثرت اللاسئله عنها وعن ورزنها وقياسها فـ ياريت تفيدنا بخصوص هالشي


الشنط على حسب الخطوط اذا على السعودية شنطتين و 32 كيلو لكن بامريكا بيتورط الواحد لانها تقريبا حدود 25 كيلو للواحد و اذا شنطتين اللي معاك فتدفع حدود 20 دولار تقريبا


قريت كثير وسمعت ان الشنط لهم حجم معين طول وارتفاع وعرض كله 157 هل هذا صحيح والا فلسفه بس ؟

لا الكلام مجرد فلسفة



2- وش تنصحنا فيه من حيث الاكل الا ناخذه معنا من هنا (يعني صعب يتوفرهناك واذا توفر غاااالي)


الاكل بهارات الكبسة و بهارات القهوة و التمر و الباقي موجود في البقالات العربية


3- بالنسبه للجو اذا هو نهاية البرد وانت طالع بصيفي ): فهو مشكله بالنسبه لي لاني جهزت شتوي كثير يعني تنصح ما اكثر شتوي ؟


لا تكثرين شتوي لان ابتداء من مارس يبداء الربيع بعدين الصيفي شهر مارس الجو متضارب مرة برد ومرة حررر زي اليوم انواع الحر


4- اسعار الملابس والاثاث والاجهزة الكهربائية والالكترونيه كيف ؟


اسعار الملابس على حسب انا ودوني العايلة معاهم لم سوق وتقضيت ضعف الملابس اللي اخذتها من الرياض بنص السعر و الاثاث ماعندي خبرة لاني عايش مع عايلة لكن الكنب بحدود 200 الى 500 دولار و نفسها السرير مع التوصيل الاجهزة هينا حلو سعرها ارخص من السعودية


5- المواصلات وش وضعها هناك ؟


المواصلات ما فية ذيك المواصلات فيه كم باص يودي لم الهاي ستريت


6-المساجد والمراكز الاسلاميه قريب من المساكن القريبه من المهاهد؟


ايه المدينة مليانة مساجد ولله الحمد


7-بالنسبه للأتصالات والشرايح وش افضل الشركات من وجهه نظرك ومن خلال النصايح الا تقدمت لك ؟


كلها حلوه انا معاي تي موبيل و مفعل فيها خدمة البلاك بيري اكلم لين اطفش مع الخدمة ب 60 دولار شهريا


8-البنوك وفتح الحسااابات ,,وش افضلها من حيث انتشار الصرفااات بـ اغلب الولايات من وجهه نظرك ومن خلال النصايح الا تقدمت لك ؟


افضل البنوك بنك تشيز و هذي ان شاء الله اذا احد جاء وقالنا فحنا بناخذه يفتح حساب لانها من اهم الخطوات عشان تنزل المكافأة عليه



9-نصيحه تقدمها للمبتعثين الا سفرهم قرب ؟


نصيحتي لاتخاوفون الوضع كله تساهيل باذن الله مافيه اي شي يخوف الناس هينا حبيبين قوووة و يساعدونكم طبعا فيه كلام انهم يمرمطونك بالتفتيش هذا نادر ما يسونه انا ما اعرف الا واحد مرمطوة اما انا ما جلست الا ربع ساعة بمطار واشنطن و الكمبيوتر لا تحط فيه افلام و اشياء لانهم ايام يفتشونه و حط معاك صورة للاي 94 مترجم بالابتوب عشان تعرف تجاوب و نصيحة لا تنام قبل السفرة عشان تصكها نومة بالطيارة


10-كلمة تحب تقولها للمبتعثين الا سفرهم قرب؟


كلن يحرص على رضى امة قبل لايمشي و اذا حصل علموها على السكايبي عشان تكلمكم فيه انا الحمدلله معلمها ويوميا اكلمها فيه

ارجو اني افادتكم و اي سؤال انا حاضر و زي ما قلت لكم قبل اللي خايف او شي و اللي ماعنده لغة كل اللي عليه يكلمني على الخاص بموعد وصله و حنا نطلع ناخذة و نوديه فندق و اذا يبي سيارة نساعده و نفتح له حساب بالبنك و نستاجر له شقة اذا ما كان مستاجر مقابل دعوة منه فقط لا غير


شكرا لك اخي محمد وماقصرت فعلاً
وجزاك الله الف خير



ادري ما انعطى وجه ^___^
......


سؤال خاص فيني



انا راح ادرس بمعهد اي ال سي وابي سكن قريب من المعهد بحيث اني اقدر اروحه مشي وبنفس الوقت يكون مجمع سكني وفيه سكيرتي وبه عوايل سعوديه

بنسبه لسؤالك حياك الله عندنا لكن لا والله مافيه شي قريب الى هالدرجة لكن فيه واحد يبعد 5 - 10 دقايق بالسيارة قريب للكمباوند هذا امن قوة و فيه عوايل سعودية و اتوقع انه فيه مرافق لك ؟؟
يشتري اي سيارة بحدود 20الف ريال يوديك و يجيبك و الافضل لا يضيع وقته ويسجل بالمعهد عندنا كثيييير مرافقين كذا


.........

اعتذر عن الإطاله