شباب و بنات أي استفسار في القبولات لجميع المراحل و التأشيرات !!

لو في أي أحد عنده أي استفسار بخصوص القبولات لجميع المراحل و الاجراءات الخاصه بالتأشيرات.

بالتوفيق للجميع

وانا بعد بساعدك اللي عنده استفسار يسال

الله يعطيكم العافيه

انا ابغى كيفيه الحصول علي قبول ماستر قانون في جامعه بسياتل

وانا لغتي الانجليزيه زيرو

وودي يكون معاي قبول ماستر قبل ماروح ادرس لغه لاني خايفه اروح ماعرف اراسل جامعات او تكون اوراقي ناقصه

انا احب كل اموري كامله عشان يرتاح بالي فكرت اخلي مكتب يجيبلي قبول وغيرت رايي

الله يسعدك و يكتبها في ميزان حسناتك أنا عندي استفسار بسيط اللي هو أنا أبغا جامعات و لايه تكساس بس كلها مغلقه انتظر حتي تفتح و لا اسجل خصوصا أنا مو مرة مستعجل ع البعثة

بالنسبه للأخت منى هي في الأغلب قبولات القانون صعبه شوي بس هل عندك جامعه معينه أو على الأقل ولايه و لا ما تفرق معاك ؟

هلا أختي .. هي ما تفرق كثير .. ايش تخصصك و تاريخ بداية الدراسه و هل تبغي قبول لغه

ماتفرق معاي اخوي لكن اذا حصلت ولايه واشنطن مدينه سياتل يكون افضل لاني بدرس اللغه فيها

وعندي سوال هل ممكن ادرس ماستر اداره عامه والا مو مسموح نطلع من التخصصات الموصي بها من قبل الوزاره

الأساس ما تطلعي من التخصصات اللي محدده بالوزارة لأنه المجالات اللي تحتاجه الدولة, أما اذا مصره لازم تأخذي الاذن بالتغيير من الملحقية أو الوزارة

بالتوفيق

اقتباس:

---

المشاركة الأصلية كتبت بواسطة mona.a.m

الله يعطيكم العافيه

انا ابغى كيفيه الحصول علي قبول ماستر قانون في جامعه بسياتل

وانا لغتي الانجليزيه زيرو

وودي يكون معاي قبول ماستر قبل ماروح ادرس لغه لاني خايفه اروح ماعرف اراسل جامعات او تكون اوراقي ناقصه

انا احب كل اموري كامله عشان يرتاح بالي فكرت اخلي مكتب يجيبلي قبول وغيرت رايي

---

اولاً اختي انتي بتدرسين على حسابك الخاص او على حساب برنامج الابتعاث.

في شي اسمه قبول مشروط و هذا اتوقع اللي انتي تبينه، يعني يجيك قبول ماستر بشرط انك تنهين دراسة اللغة.

اذا هذا الخيار ما ضبط، انا اقترح انك تجيبي قبول لغة اول و تسافرين و صدقيني هناك لغتك تقوى و تصيرين تراسلين بنفسك. بس هذا خلي نقول اخر خيار.

انتظر ردك

اقتباس:

---

المشاركة الأصلية كتبت بواسطة طموحي عال

الله يسعدك و يكتبها في ميزان حسناتك أنا عندي استفسار بسيط اللي هو أنا أبغا جامعات و لايه تكساس بس كلها مغلقه انتظر حتي تفتح و لا اسجل خصوصا أنا مو مرة مستعجل ع البعثة

---

اخوي حدد انت تبي قبول لغة او ماستر او ايش؟