مبتعثه جديده ومضيعه مرآآآ
السلام عليكم ورحمة الله وبركاته
انا طالبه مرشحه للابتعاث من المرحلة السابعة
وصلني الضمان المالي على معهد في مدينه صعب اني اروح فيها ظروفي ماتسمح , لازم اكون بولاية اوهايو بمدينة دايتون لان عندي اقارب فيها راسلت الوزارة وقالولي جيبي قبول مبدئي مشروط اذا كان المعهد اللي تبينه
معتمد وقدميه للوزارة مع خطاب تشرحي فيه ظروفك وراح نعطيك ضمان مالي جديد , هذا اللي راح اسويه بس المشكله انه حصولي على قبول مبدئي مشروط بولاية اوهايو بمدينة دايتون يجي بمايو
واخر موعد بالسفارة بيكون بابريل
ياليت تقولولي وش السوات انا تايه ولا اني فاهمه شيء
ابي اعرف هل قرار ابتعاثي مثلا بنتهي بابريل يعني ولا كيف ؟؟ وهل ينفع انه اقدم طلب فيزا قبل الحصول على قبول ؟؟
ثانياً : في قرار يقول اذا صارت ظروف للطالب واتأخر يقدر بعد انتهاء قرار الابتعاث ان يجدد البعثه لمدة ثلاث اشهر ممكن احد يشرح لي الموضوع بالتفصيل لطفأ
رد: مبتعثه جديده ومضيعه مرآآآ
السلام عليكم
الموضوع غاية في البساطة
كاتبي السفارة بتغيير موعدك اللي بابريل الي موعد في اخر مايو
طالما واثقة من حصولك علي قبول من جامعة اوهايو
موفقة يارب
رد: مبتعثه جديده ومضيعه مرآآآ
اقتباس:
المشاركة الأصلية كتبت بواسطة منصووووور
السلام عليكم
الموضوع غاية في البساطة
كاتبي السفارة بتغيير موعدك اللي بابريل الي موعد في اخر مايو
طالما واثقة من حصولك علي قبول من جامعة اوهايو
موفقة يارب
طيب يجي اختار اخر موعد بالسفارة اللي راح يكون بابريل و اجرب اروح واقولهم انه لسا قبولي ماجاء اول مايجي راح ارسله لكم
لانو انا سمعت انه بعد ابريل ماكو احد يسافر ولا اقدر اخد موعد بالسفارة هالكلام صح لو لا
وقبول جامعة اوهايو ان شاء الله يجيني بس المشكله اخاف الوزارة ترفضه لانه متكدس بس انا لازم اكون هناك عندي ظروف :(
مشكور منصور :)
رد: مبتعثه جديده ومضيعه مرآآآ
يمديك تروحي السفارة من غير القبول و بعدين لما يوصلك ترسليه + الجواز للسفارة
اما ما تقدري تاخذي موعد في السفارة بعد شهر 4 خير من قال .. هالكلام أبدا مو صحيح !
رد: مبتعثه جديده ومضيعه مرآآآ
ممكن تروحي موعد ابريل وتقولي للسفارة شفويا
ويمكن يكون كمان جاءك القبول من اوهايو انشاءالله
بعد ابريل مااحد يسافر ؟؟ من قال كذا ؟
لعلمك الخاص برنامج خادم الحرمين المرحلة السادسة فيه منهم لازالوا باللمملكة
واحنا موعد دراسة بناتي في اخر مايو
يعني نسافر اول مايو انشاءالله
اصبري شوي ولا خاب من استشار
بالتوفيق يارب