تقرير عن رحلة دراستي الى فانكوفر. البرنامج السابع..

السلام عليكم ورحمة الله وبركاته. هذا تقرير عن تجربتي في كل مراحل البرنامج السابع الين وصلت مقر الدراسه
طبعا مثل ما انتو عملتو في البدايه قدمت على المرحله السابعه في شهر 8 -2011 ومقابله وحوسه وملتقى. طبعا انا بعد ما قبلوني في البرنامج ما سويت أي شي يعني ما قدمت لا على معهد ولا على جامعه. قلت اخذ الامور ببساطه وسهوله وعلى قولتهم (البساطه اجمل) المهم في اخر يوم للملتقى قابلت واحد اسمه وليد حرب هذا اردني وله مكتب في كندا –فانكوفر- الصراحه انا ارتحت للادمي هذا خدوم جدا ويذبح نفسه الين يوصل المعلومه لك. المهم سألته عن افضل معهد قالي في المعاهد كتير في فانكوفر بس انت وش تبي بالضبط قلتله بدي اتعلم لغه انجليزيه من البدايه. ونصحني بمعهد حلو. اسمه ppc.
المهم سجلت المعهد هذا في ورقه وعطيته الموظف اللي في الملتقى وارسلي الضمان في خلال ساعه على ايميلي. (والله مشكورين على جهودهم). خلصت كل شي بقي الفيزا. وهذا المرحله الثانيه.
طبعا على قولة اخوانا في جده انا مدري وش الهرجه. كيف اقدم على الفيزا ولا عندي أي خلفيه عن الموضوع. طبعا دخلت المنتديات وصدقوني ما يضيع الواحد الا لما يدخل المنتدى . كل واحد يعطي معلومه غير عن الثاني.
المهم فيه واحد اسمه بندر بابارود من مكتب اسمه إديكون. الله يجزاه الف الف خير. جلس معي وفهمني على الهرجه كامله. وقال اعطيني اوراقك انت وزوجتك وانا بعبي لكم الابلكيشن وانت ارسلها. ولا تروح لمكتب الفيفا وتدفع فلوس على موضوع زي هذا ولا شي. جزاه الله الف خير عبا لي الابلكيشسنات. وارسلتها في تاريخ 21-12-2011 وخلال ثلاثه ايام رجعو اوراقي قالو فيه ابلكيشن ناقص . اللي هو حق الفاميلي.. وعلى طول عبيته واعدت ارسال الاوراق في تاريخ 26-12-2011 .طبعا انتظرت وكنت على اعصابي لا يرفضون او يرجعون اوراقي لكن الحمد لله بعد 31 يوم اتصلو على ارامكس وقالو تعال خذ الفيزا يا حلو.
رحت واخذت الفيزا . وفي اليوم الثاني كملت كل الاوراق ووديتها الى الوزاره وعلى طووووول عطوني قرار الابتعاث(شكلهم يبون الفكه ) وفي نفس المكان رحت للطيار وعطيته قرار الابتعاث . وسألني من وين تبي تروح واعطاني كم خيار بس شفت ان خيار الرياض - فرانكفورت – فانكوفر. هو الافضل. والله وعطاني التذاكر وحبيت على راسه.
هالحين بقي السفر و مشكلة شنطة السفر وش اخذ وش اخلي و و و و ؟
سألت واستفسرت عن الاجواء قالو برد وسألت عن اسعار اللبس قالو رخيصه. فقررت ما اخذ معي ملابس كثيره شنطه وحده بس...
مهم جدا.. رحت لمكتب اسمه مكتب الساحل الذهبي في الرياض حق حجز فنادق وحجزت من عندهم في فندق الهوليدي ان اللي في الداون تاون لمدة اسبوعين ب اربعه الاف ريال. رخيص بس من الضروري تأمن سكن. لانك راح تتورط اذا ما كان عندك احد تعرفه مثل حلاتي ما اعرف احد هون.
قرب موعد السفر رحلتي الساعه 1 فجرا. وصلت المطار الساعه 8.30 وفتح الكونتر الساعه 9.30 وكنت اول واحد. تعرفون ليش ؟ علشان اختار مقعد وسيع لان الرحله طويله .طبعا على خطوط لفتهانزا.
والله كانت مواعيدهم دقيقه مره . ركبنا الطياره وخذنا في الجو 5 ساعات الى فرانكفورت(المانيا) وصلنا الساعه 6 صباحا ورحت على طول للبوابه الثانيه وكنت جالس مسنتر عند الكونتر –تعرفون اخوكم في الله ولا حرف انجليزي- ما غير بالاشاره. كنت خايف تروح على الرحله ولا يكون البوابه غلط. والله ورحت اسئل وقابلت واحد لبناني يشتغل في محل في المطار ووريته التكت وقالي ايوه هذي بوابتك. واعطاني جرايد عربيه وجلست اتسلى عليها الين فتحت البوابه وركبنا الطياره. واقلعنا الى فانكوفر. وجلسنا 9 ساعات في الجو وكان جنبي واحد كندي رهيب .ما غير يسولفلي عن زوجته ويوريني صورها وقلت يور بيوتيفول. وزعل علي – ومدري ليش زعل. المهم سألني اللي فهمته من سؤاله وش تبي في كندا؟. قلتله أي استيوبد يعني انا ادرس. وجلس يضحك ساعه.
والله وعطاني رقمه شكله يقول انت تحفه .ووصلنا بعد عناء مرير الى فانكوفر.
نزلنا المطار. وختمت الجواز ودلتني على مكان في المطار اكتشفت انو لازم أي واحد ينزل جديد الى كندا لازم يمره. ورحت لهذا المكان وطابور طويل الين وصلت لموظف الكونتر. وعرف من وجهي اني من جنبها ولا حرف اجليزي وقلت له أي كمينق هير ذا ليرننق انجلش بت أي دونت سبيق انجلش ناو.بليز كوكلي. قسم بالله جلس يضحك وفيه ثنين سعوديين وراي انواع الضحك . المهم شكله يقول في نفسه وش هالحفله اللي جاي عندنا وما قصر ولا سئلني أي سؤال بس قالي وهو يضحك ورز بيبر كولج. احسبه يقول وين حلقت. كنت احسب ان معنى حلاقه بيبر. قلت ان ذا سوديا اريبيا . والله وجاني واحد من السعوديين وقالي الرجال يسئلك عن اوراق المعهد. يخرب بيت التخبيص معي. وعطيته اوراق المعهد المهم خلصني على طول وحرم يسئلني أي سؤال. واللي فهمته منه انو ممنوع تشتغل وعطاني ورقه اللي هي تأشيرة الدراسه.- يعني صار عندي تأشيرتين وحده من السفاره والثانيه ورقه من المطار كلها مهمه علشان المعهد والجامعه.
طلعت من المطار وكان الجو مطر وركبت تكسي ولحسن الحظ كان هندي. بغيت احب راسه. تذكرت السعوديه. المهم عطيته اوراق الفندق ووصلني ب 35 دولار.
ورحت الفندق وريحت.
هالحين ارتحت وبقي عندي كم شغله.اول شي افتح حساب في بنك cibc لاني سئلت الطلاب وقالولي مره ممتاز.
والشي الثاني افتح ملف في بوابة الطالب المبتعث.
مهم جدا. صور جميع اوراقك سكانر وحطها في فلاش . مهمه جدا جدا جدا جدا
والله ورحت للشخص اللي قابلني في الملتقي حق البرنامج السابع في الرياض اللي اسمه وليد حرب صاحب مكتب بوابة المستقبل لخدمة الطلاب وربي ما قصر. وفتح لي حساب.. وصورة جميع اوراقي سكانر ووقعني على تعهدات حقت الوزاره وارسلي اياها ايميل وعطاني اياها في فلاش. ورجعت الفندق وفتحت ملف في بوابة المبتعثين وحملت كل الطلبات وعبيت كل البيانات وارسلتها.
ورحت للمعهد وشفته وكان مره جميل . اصلا البلد ممتازه جدا جدا.
طبعا انا ما افكر في الجامعه هالحين نهائيا نهائيا الا بعد اربعه شهور من المعهد والين اتمكن في اللغه
بقي عندي شغله مهمه وهي السكن. لازم أي واحد يجي هنا فانكوفر يحجز في فندق لمدة اسبوعين علشان يكون معه وقت يضبط اموره كمان انصحكم تجون قبل موعد الدراسه بثلاث اسابيع او شهر علشان تتعرفون على البلد كويس.
انا صارلي فيها يومين بس فريتها شارع شارع .
اعذروني على الاطاله. اي جديد راح ابلغكم

بس نصائح مجرب.
1- تعال قبل دراستك باسبوعين او ثلاثه
2-احجز على خطوط لفتهانزا واختار مقعد وسيع علشان ما تتعب من الجلوس
3- صور كل اوراقك في فلاش مومري
4- احجز في فندق من مكتب سياحه لان اسعاره راح تكون رخيصه مره
5- لا تخاف من شي .تكلم وتحدث ولا تحتك في عرب
6- اول ما توصل شفلك واحد يساعدك في فتح حساب

اي واحد حاب يستفسر انا في تحت امركم

تقرير جميل ومفيد
واللي اعجبني ان التاكسي هندي وبغيت تحب رأسه وتذكرت السعوديه ههههههههههههااااي
حلووووووووه والله اني حااااس فيك ....

ان شاء الله يستفيدوون من التقرير مبتعثين كندا .....

تحياتي لك

صراااااااحه رووووووووووووووووعه اي ستيوبد
باااقي دوري اخبص مثلك هههههههههههه
بالتووفيق طرحك للموضوع رائع جدا

هههههههههههه

تقرير روووعه

طيب كيف تعارفت على الاخ اللي فتح لك ملف

هو تبع مكتب ؟؟؟

ايوه والصور حقت الاوراق كم حجمها يكوووون

افكر اصور اوراقي واخليها بعضها هنا مااجيبها معاي

الحمد لله على سلامتك والله يوفقك

اقتباس:

---

5- لا تخاف من شي .تكلم وتحدث ولا تحتك في عرب

---

بس لو تلاحظ أن كل اللي ساعدوك اخواننا العرب!!

^
^
قوية مرره

عندي ملاحظة .,.
1- تعال قبل دراستك باسبوعين او ثلاثه ,, ماتحس إنه مرره كثير ,, أسبوعين ,,
تعال قبل دراستك , بـ 10 أيام , أو 12 يوم ,, بالكثير ويمديك تخلص هالأمور ,,

ههههههههههههههههههههههههههههههههههههههه .. بعذرة الكندي عطاك رقمة والله خفة دم حلوووة ..

الله يوفقنا وياك .. انت تقول صوروا كل الاوراق وش الاوراق اللي تقصدها وتطلبها البوابة ؟؟

موفق يالغالي

هههههههههه تقرير رهيييييييب ومفيد
الله يعطيك العافيه...
موفق اخوي

هههههههههههههههه الله يسعععدكك ضحكتني >> وصول موفق و العقبةة للبآقيييين و انآ منهمُ ~ :p
طييب بسسسسألك : اولآ / كآن فيه اي صعوبةة من انك تفتح الملف و انته هنآك يعني نو بروبلم او افتحه هنآ و اكمل بااقي اورااقي هنآآك لاني متوتترة من هـ النقطةةة ؟! ~
و ثآنيآ / ختم الدخول هو نفسسسسسسه تصريح الدرااسه و لا يختلف لان نااس تقول نفسه و نآس تقول يختلف و الاثننين مطلوبين في ارفااقهم بااوراقك ب الملحقيةة ؟! ~
^^
ثآنكسس و موفق خيوو لو تذكرت شئ برجع اسألكك بس ي ليييت تكون موجود ~ :o

اقتباس:

---

المشاركة الأصلية كتبت بواسطة Bsoool

^
^
قوية مرره

عندي ملاحظة .,.
1- تعال قبل دراستك باسبوعين او ثلاثه ,, ماتحس إنه مرره كثير ,, أسبوعين ,,
تعال قبل دراستك , بـ 10 أيام , أو 12 يوم ,, بالكثير ويمديك تخلص هالأمور ,,

---

صح اواافققك الرأي امممم احس قبلهآ بشهر كثييييير او اقل من شهر هياا من بين 10 - 5 ايآم = انسب شئ َ :p
وجهةةة نظر >_<