استفسار الليلة رحلتي على دنفر ، سؤوالين ع الطاير ، ممكن ؟

هذا من حظّك ، ما شاء الله
ما كانت في رحلات مباشرة على دنفر ، وبصراحة ما سمعت أحد راح من السعودية على مدينته مباشرة تقريباً كل اللي أعرفهم وقفوا بواشنطن
كنت أتمنى تكون رحلتي مباشرة ، فعلاً كانت الرحلة متعبة خصوصاً إني من المدينة إلى جدة بعدين ٦ ساعات انتظار بجدة بعدين الى واشنطن بعدين دينفر
بصراحة إنهلكت !
لكن الحمد لله على كل حال

بالضبط كل شيء اونلاين الآن ، لما دخلت مطار واشنطن " إنبرش" علي واحد مصري الله يسعده وقلنا إنتوا طلاب مبتعثين لبرنامج خادم الحرمين الشريفين ، قلنا له ايوا ، جاء عندنا وأعطانا سيديهات وأوراق تعريفية
وقلي بتبقى بواشنطن أو عندك رحلة ، قلنا له عندنا رحله فـ دلنا على الطريق داخل المطار فين نروح ، ما قصّر والله ، ورجع ينتظر الطلاب الباقين

من زمان عنك عزيزي طالب !

أتمنى تكون بخير ..

عزيزي انا دراستي في ٢ ابريل ..

والمعهد " بريدج" قالي مافيه عوايل متوفرة حاليا !

فياليت اذا تشوف لي عائلة أو مجمع سكني وأكون لك من الشاكرين

تحياتي

الله يخليك يا رب ، ابشرك بخير ونعمة يا رب لك الحمد ،

حيّاك الله بدنفر وألف مبروك إنهاء الإجراءات و توصل بالسلامة يا رب ،
بالضبط ، أزمة عوائل وأحنا بالأخير قررنا نسكن بشقة لحالنا أنا وأختي بسبب أزمة العوائل وكمان بسبب الغلا ، العائلة اللي عن طريق المعهد تسكن عندها بـ ٨٦٠ دولار للشخص ،

ما أدري إنت لحالك أو معاك أهلك ؟
إذا معاك أهلك ، أذكر فيه في المبنى اللي أنا ساكن فيه شقة جنبي كانت فاضية لما جيت سكنت ، وإلى الآن أعتقد إنها فاضية ما شفت ناس سكنت فيها بس ماني متأكد لازم أروح أسأل عنها
عبارة عن غرفتين وصالة ومطبخ وحمام ، نظيفة جداً والمجمع اللي أنا فيه أكثر من ممتاز ، وبالمقارنة مع الشباب اللي ساكنين جنبنا يمكن أفضل مجمع هو المجمع اللي أنا ساكن فيه ، توفقت كثير فيه الحمد لله
سيكورتي ، مواقف ، مسبح ، انترنت سريع مجاني ، نظيف ، هااادئ ، مكان للشوي (أمس شوينا فيه (: ) والأهم من هذا كله إنه كل اللي ساكنين معايا إمريكان ، عكس بعض الشباب اللي ساكنين معاهم مكسيكيين
بس قولي تبغى غرفة أو غرفتين ، وأنا هاليومين أروح المكتب اللي إستأجرت منه وأشوف إذا عندهم شقق فاضية أو لا ،
طبعاً أنا لسه ما معاي سيارة وأموري لسه ما ترتبت فما أقدر أوعدك كثير ، بأروح المكاتب اللي جنبي اللي أقدر أروح لها على رجولي ،
وان شاء الله بأسوي اللي أقدر عليه ، بس إنت قولي كم غرفة تبغى وكم السعر النهائي اللي تقدر تدفعه للأجار الشهري
حيّاك ،

ياشيخ روح الله ييسر أمورك ..

انا ياسيدي لوحدي ..

يعني شوف لي غرفة ..

بس ما قلت لي هل الشقق مؤثثة وهيك ..

وكم اسعار هالمجمع ؟

وهل بإمكاني احجز وانا هنا بدال شحططة الفنادق ومدري شو ..

واخيراً موقع المجمع ان شاءةالله قريب من المعهد لاني مانويت اشتري سيارة ذالفترة !

وارجع واكرر ما قصرت وبيض الله وجهك .. والله يسهل امورك وييسرها

اخوي طالب حلم كم الاجار؟

وهل الكهرباء والمويا على المجمع !

حيّاك الله أخوي ،
الله يخليك يا رب ،وإيّأك إن شاء الله

الشقة اللي كانت فاضية بالمبنى حقي غرفتين ، بس بكرى بإذن الله بعد الدوام أروح المكتب وأشوف لك شقة بغرفة واحده ، وإذا قدرت أصورها وأرسل لك الصور قبل ما أتفق نهائي معاه بيكون أحسن
بالنسبة للأثاث اللي موجود بالشقة عبارة عن : مطبخ جاهز (فرن ،ثلاجة،مكروييف،غسالة الصحون) - بساط كامل الشقة ، خزانات ، مكيف بالصالة ، وهيتر بكامل الشقة (هذا الهيتر مركزي إلى الآن عشان الأجواء باردة كل اللي يطلع منه حرارة ، بس ما أدري إذا كمان يشتغل كـ مكيف بارد ، لإن بالمفتاح حقه مكتوب حار وبارد ، وبصراحة إلى الآن ما جربت البارد !)
الشقة حقتي غرفتين سعرها إذا العقد سنوي ( ٨٦٠ دولار بالشهر ) واذا العقد ٦ شهور يصير (٩٤٠ دولار) ، الانترنت مجاني ، بس الكهرباء والموية أعتقد عليك
غرفة واحدة أكيد أرخص ، والمجمعات تختلف

بالنسبة إنك تحجزها من هنا أعتقد إنه عادي إذا دفعت لهم ،
يعني تحجزها وتدفع حق الشهر الأول + الديبوست ( اللي هو التأمين) سعر التأمين يختلف ، بالنسبة للمجمع حقي التأمين (٢٥٠ دولار ) بعض المجمعات ٥٠٠ أو ٧٠٠ دولار تدفع مرة واحدة وتآخذها لما تسلم الشقة إذا كانت نظيفة ومافيها خرابات بسببك
ح أشوف كيف إجراءات حجزها بكرى ، وأفضل لك كثير من الفنادق ، والله خسرتنا كل يوم ٧٠ دولار بدون مصاريف الأكل والمواصلات ،،،

بالنسبة لمكانها ، قرريبة من معهد بريدج ، نروح مشي المعهد مسافة ١٥ دقيقة مشي
طبعا المنطقة حقت المعهد ممتازة فيه كل شيء تقريباً جنبك ، والبقالة العربية على نفس الشارع لكن تروح لها بالباص مسافة ١٥-٢٠ دقيقة

حيّأك الله ،

تختلف الأسعار ،
لكن تقريباً ، شقة بغرفة وصالة ومطبخ وحمام : من ٧٠٠ دولار أو أقل شويه إلى ما شاء الله حسب المجمع
وغرفتين تبدأ من ٨٠٠ دولار وأحيان تلقى أقل من ٨٠٠ بس مو بذيك النظافة ، وإنت طالع حسب نظافة المجمع والخدمات التابعة له

يعني يا عقد سنوي او ٦ شهور !

اخطط على شهر بس .. لينةالواحد يأكد من ان الشقة مناسبة أو لا !


عموما ماقصررت ياسيدي وياليت لو تقولي اسم المجمع

والف الف شكر

بالضبط ، مافي شيء إسمه شهر ، يا عقد سنوي أو ٦ شهور بس الدفع شهري
وبعض المجمعات ما تقبل إلا سنوي ،
عموماً في مبلغ حسب المجمع تدفعه إذا تبغى تطلع من الشقة حق كسر العقد ، وهذا يختلف كمان اللي أعرفه بحدود ١٥٠٠ دولار عشان تكسر العقد وتطلع بأي وقت
والله للأسف المجمع اللي أنا فيه ماني عارف إيش إسمه بالضبط ، بس هذا الموقع حقهم وعندهم أكثر من مجمع واحد ، ما أدري هم مكتب عقار والا أصحاب هذه المجمعات
أنا مستأجر بالضبط بهذا المبنى وشوف صور الشقة ( طبعاً الشقة بدون أثاث ) والصور هنا مؤثثة
Blueline
وهنا الشقق المتاحة الآن عن طريق موقعهم موضحه عليها الأسعار :
Availability
لو تلاحظ أو ثلاث شقق هذه في المجمع حقي وهو اللي أقولك عليه ممتاز جدا
الباقي ما أعرف عنها شيء

حيّاك الله ، وموفّق يا رب