عائلة - روميت ـ سكن خاص .. نبي آرااائكم وخبراااتكم

السلام عليكم ورحمة الله وبركاته ..

ومع تقارب الزمن واقتراب مواعيد السفر للمبتعثين، وانشغال المبتعث في الوقت الحالي في البحث عن سكن مع عائلة أو روميت مشترك أو السكن في سكن الجامعة أو سكن خاص !
كل واحد فيكم له ميول ورغبته الخاصة
وكل واحد فيكم توصّل إلى نتيجة مرضية ومقتنع فيها
وكل واحد فيكم يشوف الأفضل له من خلال سؤاله وبحثه

نبيييييكم الآن تصوتون فوووق وتشاركون معنا في الميزات التي جعلتك تختار السكن المفضّل لك وعلى أي أساس أخترررررت ..... ؟

السؤال المطروح :
ماذا تختار في سكنك المفضّل: عائلة ـ روميت مشترك ـ سكن جامعة ـ سكن خاص ؟ ولماذا اخترت نوع سكنك ؟

الاجابة النموذجية مثلا :
أصوّت على سكن الجامعة لأن فيه خدمات صحية وترفيهية ورياضية وقرب السكن أما العائلة فعيوبهم البعد وعدم الخصوصية وكذا وكذا
أصّوت على سكن العائلة لأن فيه أكثر راحة من ناحية الأكل والغسيل والاستفادة لغويا ...
أصوّت على سكن خاص لأن فيه خصوصية وراحة نفسية واستقلال وقرب أكثر لمقر الدراسة ....

# ولا مااااااانع من ذكر العيوب التي تراها في السكن أو المقااااارنة بين العائلة والخاص للإستفادة وتناقل الخبراااااات بيننا
# انتظر تفاااااااااعلكم اخواني وأخواتي

أبدأ ...

أصوّت عائلة لأنها
*تفيدني لغويا ما أمكن وتعرفني عن البلد وتساعدني في احتياجاتي
*سكن العوائل اشرح وأكبر من غيره
* ممكن استفيد منهم كاستشارات
* يريحوني في الأكل وكذا
* تحس إنك عايش في منظومة مسؤلة عنك نوعا ما " هذي نفسيا مريحة
* تقدر ترتبها وأنت في السعودية بحيث تكون أكثر استقرار نفسي قبل وصولك
* أكثر خصوصية في المداخل والمخارج وكذا

وأخاف من العائلة لأنه ممكن ما يكونون غير نظيفين أو يسكن معنا واحد صيني والا مش ولابد وبرضو أكلهم ممكن يكون مضروب

موضوع رااائع
أخوي من بعد اذنك قبل لا أصوت
عندي سؤالين/
1-شنو يعني روميت؟؟
2- المبتعثه مع محرمها يقدرون يسكنون مع عائله؟ والا هذا فقط للأولاد؟؟

روميت : يعني غرفة مشتركة مع شخص أو شقة مشتركة .
العائلة : متاح السكن للبنت مع محرمها وتطلبين غرفة مزدوجة أو تتفقون مع صاحبة المنزل ، وأعرف صديقي هو وزوجته مع عجوز بلحالهم بفلة توسسسسع الصدر ماشاء الله
وفيه عوائل ما يستقبلون إلا بنات بس

انا بعد بستفسر من وين اختار الروميت ؟ اذا وصلت دولة الابتعاث
والا ممكن عن طريق النت , ماعرف

كذلك هل سكن الجامعه تستطيع الفتاه السكن فيه ؟


اصوت :
السكن مع روميت .. لان نتقاسم السكن ونضع ترتيب خاص لنا
مانتقيد في نظام عائله ع الاغلب غيرمناسبه للطلاب
ونتمتع بالهدوء اكثر من العوائل وزوارهم وحيواناتهم
نطبق سويا ماتعلمناه من لغه ..

تعاون ,

ايه الجامعة توفر سكن للفتيات وبعض الجامعات يكون سكن البنات مستقل عن العيال
لكن أنا ما يناسبني سكن جامعتي لأنه غالي وصخب وحفلات وخربطة وفيه قيود .. فما يناسبني

بالنسبة لإختيار الروميت فيه عن طريق شركات أو عن طريق المعهد اللي أنت بتروحين له أو عن طريق مواقع السكن وكثيرة على النت
* بإمكانك تنسيق السكن وأنت بالسعودية .. أو بعد وصولك تقومين بالسؤال والبحث

* معلومة مهمة للبنات : يوجد عوائل وروميتات خاصة بالبنات ولا يشترك معك رجال .. كذلك بإمكانك تنسقين مع البنات اللي تعرفينهم في نفس مدينتك وبلدك .

الف شكرر أسامه
تم التصويت بما اني مبتدئه باللغه مع عاائله طبعا
الموهيم نحسن الاختيار

ايمو الغامدي دائما متألقة ومتفاعلة .. أتمنى لك التوفيق

بانتظار تفاااااااااااعل باقي المبتعثين

موضوع مهم ،،، بالنسبة لي اول ثلاث شهور سكن الجامعه،، عقب اسكن لحالي

الروميت المشترك شي حلو..سواء روميت امريكية او سعودية او اي شي تاني..
منها عدم تقيد بانظمة معينة يعني انتو تقدرو تحطو اتفاقيات بينكم وتقدرو تشترطو انه مايكون فيه كلاب ..
-ايجار السكن ينقسم للنص والفواتير وكل شي..
-احيان تلاقي شخص امريكي عنده شقة مكونة من غرفتين وحمامين ويبغى شريك بالسكن تقوم انت تاخدل غرفتك الخاصة وحمامك الخاص..وتدفعلو نص الاجار وبكدا توفر على نفسك..
-تعلم اللغة بشكل اسرع لانك حتخالط امريكي في السكن
-بس الروميت لازم تحاول تختااره مزبوط يعني لما تروحو حاولو تشوفو كذا روميت مريح واخلاق وعنده غرفة كويسة ومريحة
-ممكن تختار روميت تكون شقته قريبة من معهدك او جامعتك وهدا شي كويس
-فيه حرية اكبر في التصرف مقارنة بالسكن مع عائلة
فيه موقعين حلوة لاختيار الروميت
craigslist: orlando classifieds for jobs, apartments, personals, for sale, services, community, and events
roommate search service, roommate finder, roommates wanted.
موفقين