عرض للطباعة
السلام عليكم يا معشر المبتعثين
انا بصراحه في شي محيرني بخصوص تسديد رسوم تسجيل المعهد
عن كيفية ارسال الرسوم سواء بشيك او بتحويل بالفيزا كارد
كيف احولهم على اي حساب ؟
لاني سالتهم عن حسابهم ما ردوا عليه ( حسيت انو سؤالي تافه بالنسبه لهم )
و ذا كان شيك هل ارسلها مع باقي الاوراق داخل الضرف او لا
اتمنى من اللي يعرف يفصلي الموضوع لاني شوي متلخبط فيه
الشي الثاني انا براسل معهدين هل كلهم احولهم و لا لا ؟
وعليكم السلام ..
شوف يا سيدي :
إذا كنت تبغا ترسلهم المبلغ عن طريق شيك ، تروح لتحويلات الراجحي وتقلهم أبغا أرسل شيك بالمبلغ الفلاني
لأمريكا بالدولار طبعاً ، وأهم شي يكون اسمك واسم المعهد على الشيك .
بعدين تاخد الشيك وتروح لفيديكس أو دي اتش ال .... وتحط الشيك مع الأوراق اللي تبغا ترسلها في ظرف وتعطيهم عنوان المعهد
وتقلهم ارسلولي هوا ع العنوان هدا .
وبالتوفيق ..
اقتباس:
المشاركة الأصلية كتبت بواسطة طموحي عال
شوف ياطويل العمر أنا بس تشجعت أرد عليك وأقولك شئ أخي الكريم لا تستقل نفسك أمام غيرك وبخاصة أهل الغرب ومن حقك تسأل عن كل شئ قبل تروح المعهد وإذا هم ماوضحوا أرقام حساباتهم فالخطأ منهم فلا تستحي من السؤال والحياء والخجل خليه في السعودية لأنه في الغربة ماراح أحد يهتم لك إذا ماكنت مطالب بحقوقك وتعرف اللي لك واللي عليك والناس في الغرب يحبوا الواثق واللي شخصيته قوية وهالكلام أقوله لك من واقع تجربة من سنوات في الغربة.
وبالنسبة للتحويل أفضل الفيزا لسببين عن الشيك:
1- إنها تدخل في حسابهم مباشرة ويكون عندك إثبات بالدفع لحسابهم عكس الشيك اللي ماتدري يطيح في يد أي واحد أو ممكن يضيع فما فيه طريقة تتأكد أن الشيك دخل في حسابهم وإضافة إلى عامل الوقت مهم فالفيزا في دقيقة تدخل في الحساب بينما الشيك يحتاج أيام حتى يصل للمعهد.
2- إنك تقدر تطالب بفلوسك لو مارحت المعهد في المستقبل (وهذا يكون عن طريق الفيزا أو الماستر كارد) وترجع لك كاملة مكملة.
وأما تحويل الدراهم لا أنصحك بذلك لأنه ممكن تحولهم وتبلش في ترجيع فلوسك فإذا وصلك قبول مبدئي من المعهدين إستخير وإختار واحد وحولهم دراهمك.
بالتوفيق.