نبغى نختم التوصيات ونقفل عليها خلاص, بس...
السلام عليكم ورحمة الله وبركاته
كيف حال الجميع ان شاءالله اجراءاتكم ماشية تمام؟
الله ييسر لنا جميعا ياحي ياقيوم
عارفة انه مرة مو وقت التوصيات والكلام دا دحين والكل مشغول بالفيز وقرار الابتعاث والتذاكر
بس ايش اسوي جامعتي الظاهر ماحتخليني أخلص من موضوع التوصيات دا وانا فيني بقية عقل :crying:
المهم حبايبي عندي استفسار, دحين أنا رحت خلاص أبغى احط التوصيات بظروف وأختمها من الجامعة
كنت ابغى احط كل توصية لحالها بظرف وأقفله ويختمو لي هوا
بس قالت لي المسؤولة في قسم الدراسات العليا انه في طريقتين:
1- كل توصية بظرف+نسخة من كشف درجات+نسخة من الوثيقة(يعني التوصية لحالها في ظرف ماينفع؟)
2- كل توصياتي الثلاثة بظرف واحد(وفي دي الحالة الكشف والوثيقة تكون بظرف تاني اختمه من عمادة القبول والتسجيل)
طيب استفساري هو هل صحيحه الطريقتين دي؟ ولا لازم كل توصية لحالها فقط في ظرف مختوم؟
رد: نبغى نختم التوصيات ونقفل عليها خلاص, بس...
حبيبتي خلي التوصيات الثلاثه فظرف والشهاده وكشف الدرجات فظرف وختميها بعدين حطي الظرفين فواحد كبير واختميه وسوي كذا واحد اقل شي خمسه ظروف كبيره عشان تكفيك.
رد: نبغى نختم التوصيات ونقفل عليها خلاص, بس...
انا حطيتها كلها سوا ..التوصيات التلاتة وصورة الوثيقة وصورة كشف الدرجات وحطيتهم في ظرف واحد وقفلت عليهم ...
لانه لو تموتي وتترججيهم مارح يعطوكي اظرف كتير ..فانتي تقدري تاخدي زيادة بدي الطريقة وبالتالي تقدري تقدمي على جامعات اكتر هناك ..بدل ماتتقيدي بس بخمسة اظرف لخمسة جامعات..
بالتوفيق
رد: نبغى نختم التوصيات ونقفل عليها خلاص, بس...
الأفضل أن تكون كل توصية في ظرف ونكون نسخة طبق الأصل
وأصول التوصيات تبقى لديك
أما أنهم يمنعون أن يعطوك ظرف لكل توصية فهذا ليس من حقهم وانشبي وراهم ولو عندك أخوك خليه يراجع قسم الرجال وينشب لهم
أو إذا تعريفين أحد أقاربك في الجامعة خلوه يجيب لكم ظروف من عندهم
رد: نبغى نختم التوصيات ونقفل عليها خلاص, بس...
السلام عليكم
وش سالفة الظروف يا أخواني؟
مايكفي الختم يلي على الشهاده الوثيقه والختم يلي موجود على كشف الدرجات؟
هل لازم اختم على الظرف يلي فيه التوصيات؟
ممكن تخبروني كيف طريقة ترتيبنا لاوراقنا والتوصيات؟
رد: نبغى نختم التوصيات ونقفل عليها خلاص, بس...
اقتباس:
المشاركة الأصلية كتبت بواسطة soso1231
حبيبتي خلي التوصيات الثلاثه فظرف والشهاده وكشف الدرجات فظرف وختميها بعدين حطي الظرفين فواحد كبير واختميه وسوي كذا واحد اقل شي خمسه ظروف كبيره عشان تكفيك.
حبيبتي سوسو
عندي استفسار بعد أذن صاحبة الموضوع
التوصيات الثلاث كلهم نسخ طبق الأصل تكون مختومه؟
رد: نبغى نختم التوصيات ونقفل عليها خلاص, بس...
انا رفضوا ان يختموا لي طبق الاصل اوراق التوصيااات ...
وايضا رفضوا يختموا لي الضررف ..
وش اسوي سفري بعد اسبوع..
وراح اسافر بدون ختم لاني تعبت من جامعتنا رفضت وتقول كل المبتعثات روحوا بدون ختم ..
ياناااس افيدونا ..
هل من الضروري الختم ع الملف من الخارج
وهل من الضروري ختم طبق الاصل للتوصيات المترجمه ..
رد: نبغى نختم التوصيات ونقفل عليها خلاص, بس...
الله يعين
انا بالقوه عطوني 6 اظرف بس أرسلت صديقتي تروح تأخذ أظرف ع أساس لها وهالأمور ماتجي الإ بالحيله ..
وع فكره ياصاحبة الموضوع أنآ دكاترتي نايمين ولآ ارسلو لي ولا توصيه
رد: نبغى نختم التوصيات ونقفل عليها خلاص, بس...
طيب استفسار الحين الظروف اجيبها معايا من برا وهما يختمونها ليا
ولا تكون عندهم ظروف
وايش الطريقه الصح نحط 3 توصيات بظرف ولا كل وحدة لحال
ولازم اضيف كشف الدرجات والوثيقه لها بالظرف
رد: نبغى نختم التوصيات ونقفل عليها خلاص, بس...
بلعكس هذا وقتها وانا كنت محتار مثلك،، وراح احط الكل طبق الاصل بظرف واحد واقفل عليهم،،، بس قالولي اذا بنقفل ونختم لازم احنا نرسلهم وادينا اسماء الجامعات