رد: معلومات عن كندا (منقول)
شركات الجوال:
هناك أكثر من شركة جوال في كندا:
Rogers
www.rogers.com
Bell mobility
Bell Canada Mobile Cell Phones, Wireless Internet, Satellite TV, Home Phone
Telus
TELUS - High Speed Internet, Home Phone Service, Television, Bundles
شركة rogers هي الوحيدة اللي شبكتها GSM يعني زي السعودية..يعطونك شريحة و جهاز مجاني إذا سويت معاهم عقد، على حسب سنتين ، 3 سنين ، 4 سنين. و لو كان الجهاز اللي تبيه غير اللي عطوك...ممكن تدفع مبلغ زيادة، يعني بعضها 50 دولار أو مية بالكثير.
شركتي Telus & Bell هذول يعطونك جهاز مبرمج...بحيث الجهاز ما يشتغل إذا رحت للسعودية. و أسعارهم أرخص من Rogers
التلفزيون
أو الكايبل زي ما يقولون هنا. تاخذ ال package على كيفك. يعني في الباكيج العادي ولو تبي قنوات زيادة تدفع.
شركات الكيبل
Rogers
www.rogers.com
Shaw
Shaw — Your home for digital and high-definition TV, high-speed Internet and Home Phone - Shaw.ca
Telus
TELUS - High Speed Internet, Home Phone Service, Television, Bundles
بعض الشركات تعطيك تخفيض إذا صارت كل الخدمات منهم ( جوال – تليفون ثابت – كيبل)
الدش العربي...
نوعين..
النوع الأول: تدفع مرة وحدة و يركبون لك دش يجيب لك قنوات ( السعودية-قطر-الكويت – الجزيرة الانجليزي- السودان – أبوظبي الرياضية – العالم- سورية – العراقية)
النوع الثاني: تدفع أول مرة علشان تركيب الدش بعدين كل سنة تدفع 500 دولار كندي. يجيب لك القنوات الصاحية ( العربية – الجزيرة – دبي– المستقبل- LBC- ART- MBC) و كم قناة زيادة.
شراء سيارة
في كندا يقدرون السيارات اليابانية، و تمسك سعرها هنا إذا جيت تبيعها...عكس الأمريكية اللي مررررررررررررة يطيح سعرها لا جيت تبيعها. تويتا هنا ما فيه أغلى منها.
إذا كنت جالس ماكسمم 3-4 سنوات أقول لك اشتر سيارة مستعملة لكن انتبه لل interest rate لأنه يصير مرررة عالي أحيانا إذا صارت السيارة مستعملة و ممكن يجيب لك سعر جديدة. علشان كذا قارن و خذ وقتك قبل لا تشتري سيارة مستعملة.
إذا جالس أكثر من 4 سنوات...نصيحة اشتر جديدة، من تجارب ناس كثيييييرة...تخرب السيارة المستعملة عليهم قبل ما يسافرون بفترة قصيرة و يضطرون يشترون وحدة غيرها، هذاغير الصداع اللي يبي يسببه لك، غير إن التأمين بيصير أعلى للسيارة المستعملة.
الرخصة
أول ما توصل تروح لشي اسمه ال Registery Office و هذا امكتب يعادل لك رخصتك الدولية لكن لازم يسوون لك اختبار تحريري عن ال signs و قوانين السرعة و هالأشياء...و أحلى شيء في الموضوع إن 99% من الرجال السعوديين يرسبون في هذا الاختبار و حريمهم ينجحون، لأن الرجال ما يذاكرون له على أساس خبرة، بس نصيحتي لكم ذاكروا علشان ما تضطرون تعيدونه مرة ثانية
شركات التأمين
لا تصدقهم لما يقولون إن شركة التأمين هذي أسعارها حلوة، لأن معدل أو ال Rate للتأمين يجيهم من الحكومة...يعني تقريبا كل الشركات almost the same
وحدة من الشركات
TD Insurance
Car Insurance - Home Insurance - TD Insurance Meloche Monnex
السوبرماركت وأشهرهم في كندا
Real Canadian Superstore_
ويعتبر ارخص سوبرماركت في كندا
موقعهم على النت
Superstore - Select a store
Save on Foods
أسعاره فوق المتوسط
موقعهم على النت
Savonfoods.ca
Sobeys
أرخص من save on food لكن أغلى من superstore
موقعهم على النت
Sobeys - Choose-Store
Safeway
يعتبر الأغلى
موقعهم على النت
www.safways.ca
Costco
و هو سوبر ماركت بالجملة، لازم تدفع اشتراك 50 أو 100 دولار بالسنة، يقال إن أسعاره أرخص من الباقين، لكن يبيع بالجملة...يعني كميات مهولة، فيه ناس مجانين كوسكو. وجهة نظري أحس إنه يلعب على العالم...لا أرخص و لا ما يحزنون...أنا اشتركت سنة و كل هالسنة و أنا أقارن...ما حصلت فرق + يصلح لناس عندهم أكثر من طفلين أو أطفال بالمدرسة علشان ال snacks و هالأشياء.
موقعهم على النت
Costco.ca: Offering thousands of items you won’t find in your local Costco.
ميزة كندا إن محلاتها ما تقفل إلا الساعة 9 بالليل مو زي أوروبا الساعة 6....طبعا المولات تقفل على الساعة 6 يوم الأحد بس..
ما حبيت اتكلم عن التسوق و المولات ، لأن الأغلب جاي دراسة مو سياحة...يعني مو هذاك الأولوية...لكن لازم أقول لكم عن ال Boxing Day اللي هو26 ديسمبر من كل سنة و الأسعار فيه تنزل لبعض الأشياء ( خاصة الالكترونيات) 75% و الملابس و أغلب الأشياء 50% فتشوف هجوم على المولات...يعني لو بتشري هدايا خلها هذاك اليوم اوفر لجيبك.
الأثاث
ايكيا
موجود في كل مدينة كندية تقريبا نفس أسعار السعودية، بعض الناس يقولون الجودة هنا أحسن، عاد مدري هم صادقين و إلا عندهم عقدة كل شيء برا السعودية أصرف !
Home furnishings, kitchens, beds, sofas - IKEA
The Brick
هذا أكبر نصاب في الحياة...يعني شفت شركات نصابة لكن لهذي الدرجة ما شفت، كل ويك إند هو ويك إند التخفيضات اللي ما عمرها صارت...و ربي...بكمل 5 سنين بكندا كل ويك إند كل long week end كل أجازة آخر تخفيض...آخر عرض...هالإجازة هي العرض اللي ما يتفوت و من هالموال...و عاد يا ليتهم يستاهلون...محل عادي و غالي !
موقع ممتاز لمعرفة اوقات الصلاه و اماكن المساجد في اي مدينه في كندا فقط اختار اسم المدينه
IslamicFinder: Accurate Prayer Times, Athan (Azan), Mosques (Masjids), Islamic Center, Muslim Owned Businesses, Hijri Calendar, Islamic Directory worldwide.
بس حط ال zip code لبيتك أو شقتك و يطلع لك أوقات الصلاة، على فكرة..الأوقات مو مرة مضبوطة...يعني آخر 5 دقايق على الوقت اللي حاطينه...و الأفل تشتري التقويم الإسلامي من مسجد المدينة حقتك
وممكن تنزل البرنامج من الموقع في جهازك يأذن للصلاة اذا جاء وقتها
FREE Athan (Azan, Adhan, Salah) software ط¨ط±ظ†ط§ظ…ط¬ ط§ظ„ط£ط°ط§ظ† ط§ظ„ظ…ط¬ط§ظ†ظٹ to hear automatic Athan at the right prayer time five times a day. Hijri Islamic calendar, Prayer Times ط£ظˆظ‚ط§طھ ط§ظ„طµظ„ط§ط© , Qiblah, Qibla ط§طھط¬ط§ظ‡ ط§ظ„ظ‚ط¨ظ„ط©
شركات الطيران
أول كان فيه شركات طيران ممكن نسميها اقتصادية زي سما و ناس لكن الحين ال Air Canada صارت توفر هذا النوع من التذاكر بشرط ما تقدر تغير و لا شيء فيها...صح رخيصة لكن بلشة. علشان كذا نصيحتي لكم احجزا بوقت طوووووووووووووويل إذا ناوين تسافرون جوى كندا.
Air Canada
Air Canada - Official Site | Site Officiel - Flights, Airline Tickets | Vols, Billets d'avion
West jet
Airline Tickets, Airfare Deals, Seat Sales, Canada Flights - WestJet
United Airlines
www.united.ca
هذول خطوط طيران الفروض إنها رخيصة...لكن مو هذاك الفرق عن air Canada
و للمعلومية...ترى الوجبات لازم تدفع لها زيادة إذا تبي، لكن الأغلب يجيبون أكل معاهم . هذا نظام بس للرحلات الداخلية.
الوزن: لكل راكب قطعتين كل قطعة 50 باوند أو 23 كيلو ، طبعا على الدرجة السياحية
السينما
اول كان فيه شركتين للسينما الحين صار احتكار و الشركة الكبيرة Cineplex odeon شرت الشركة الأصغر منها Silver city
هذا موقع الشركة....حط اسم مدينتك و الولاية و تشوف وش أقرب سينما لسكنك
Cineplex Entertainment - Cineplex.com - Trailers - Movies - Theatres - Showtimes - Tickets
الجو
طبعا فيه ناس متخيلين كندا القطب الشمالي ، و هذا غير صحيح <<< قولي ق !
عندكم المدن : Winnipeg – Edmonton – Calgary تعتبر مدن باردة طبعا أبردها و أكثرها كآبة بلا منازع Winnipeg ، درجات الحرارة ممكن توصا -45 مع الريح...لكن ما تموتون لا تخافون...الكنديين جدا متكيفيين مع جوهم ، و راح تصير مثلهم من ثاني سنة...هي أول سنة اللي مريعة ثاني سنة تقول إذا قالوا لك درجة الحرارة -10 واااااو دفا !
اما المدن : Toronto – Ottawa- Montreal – Hamilton – London تعتبر متوسطة البرودة ، توصل درجة الحرارة ماكسمم -30 لكن أحيانا قليلة
المدن : St.John – Halifax – Vancouver – Victoria مدن ساحلية و لا عندها هذاك البرد...مير فانكوفر و فكتوريا ما يعرفون الثلج ..قلييييييييل يجيهم...و هاليفاكس مشكلتها إنها كئيبة + منفوحة + تجيها عواصف لأنها على الأطلسي
رد: معلومات عن كندا (منقول)
ماشاء الله شرح ممتاز وواقعي
وصح winnipeg عكس جهنم بالظبط وابرد مدينة في العالم عدد سكانها اكثر من نص مليون طبعا قيل الانتقال الى المدينة كنت في اونتاريو ونبهني بعض الاصدقاء على ان البرد قارس جدا فقلت في نفسي البرد هو نفسه في كل كندا وكنت غلطان بس الانسان يتأقلم في جميع الظروف
رد: معلومات عن كندا (منقول)
مشكووووووووووووور يعطيك الف عااافيه على المعلومات ..
كفيت ووفيت ..~
رد: معلومات عن كندا (منقول)
رد: معلومات عن كندا (منقول)
صرااااااااااااحه مررررررررررة استفدت منه
جزاك الله الف خييييييييييييير
رد: معلومات عن كندا (منقول)
الله يعطيك العافيه من جد
حفظت الموضوع بالمفضله بعد ما قراته كلللللللله مررره مفيد و اسلوبك جميل و رح ارجع للموضوع مره ثانيه اكيد
على فكره اسواق التميمي ( السوبر ماركت ) هي نفسها Safeway ^_*
رد: معلومات عن كندا (منقول)
مشكور ولاهنت على المعلومات القيمه ^^
رد: معلومات عن كندا (منقول)
الله يبارك فيكم اخواني
ماسونا غير الواجب
