عاجل عاجل عاجل بسرعة البرق

اللي مرافقه موظف عسكري ولايدرس هل يجب عليه احضار تعريف من عمله للسفاره او لا لان حنا بالرياض والموعد بكرى بالسفاره بس مامعنا خطاب تعريف من عمل المرافق ولانستطيع الرجوع لاننا من اهل الشمال

آختي ,
انا مرآفقي مش عسكري لكن ابوي بيروح معنا هيك < هو عسكري ..
و طلبو خطاب تعريف من العمل ..
اممم اذا ينفع يروح لوزاره الداخليه و يطلبه منهم خليه يطلعه ..
لانه من المتطلبآت بالمقابله ..
انا اقولك ع اساس انو ابوي .. لكن ك مرافق ماعرفش

طيب معقوله مطلوبه ومو كاتبينه من ضمن الطلبات بس شخص قال خذوها واتورطنا

وينكم بسرعه الامر ضروري

طيب معنا خطاب موجه من العمل فيه كل المعلومات عن الزوج بس موجه لبنك الرياض وصوره كمان هل فيه مشكله باللغه العربيه

انا جبته معى ولا اطلبوه بس احتياطا خليه يترجمه من مكاتب الترجمه ع طريق الملك عبدالله بين الملك فهد والتخصصي او اى مكتب للترجمة

اهم شي خلو الابتسامه تعلوا وجيهكم وريلكس كل شي تمام

وتمنياتى لكم بالتوفيق

السلام عليكم

أختي أنا نفس طريقتك والله العظيم اني كنت منحاس مره وخايف من المقابله انا وزوجتي بس الحمد لله سوينا المقابله بالرياض وكانت كالتالي وبختصار..

ال شي مسكنا سرا عند السفاره
وبعدين اخذوا مني اوراقي واوراق زوجتي المبتعثه انا بالنسه لي مرافق
والاوراق كالتالي موعد السفاره والجواز وايصال البنك شيكت عليهم الموظفه ودخلتنا على التفتيش وبعد التفتيش رحنا داخل
داخل اخذت من الموظفه اوراق الضمان المالي والجواز والقبول واعطانا الحارس رقم
دخلنا بصاله وانتظرنا رقمنا ورحنا لموظف واخذ الجواز والسجل الاكاديمي والجواز والموعد واحطهن بكيس بلاستيك واعطانا الكيس وارسلنا للصاله ننتظر دورنا بنفس الرقم
رحنا لصاله وجاء دورنا ورحنا لموضف بينا وبينه زجاج وفتحه بالزجاج وسئلنا
ليش رايحين لامريكا قلت بندرس
قال لزوجتي وش راح تدرسين قالت ماستر تسويق قال جميل جميل
من الذي يصرف عليكم قالت الوزاره قال جميل
والى اي ولايه تريدون الذهاب قلت كنساس قال انها جميله للعائله
قال لي هل انت موظف بالشركه الفلانيه قلت نعم اخذ الجوازات وقال بالتوفيق طبعن يتكلم عربي وهو امريكي
انا كان معي تعريف وسئلته قلت هل تحتاج هذه الورقه قال لا لا شكرا لك وسئلته متى تطلع الفيزه قال من ثلاث ايام لأسبوع
وقال روحوا للفيدكس ورحت ودفعنا له 120 ريال بعد ماعبيت له ورقه كتبت فيها اسمي بالانجليزي ورقم جوالي وعنوان الفيدكس


يعني بالعربي اختي خلي زوجك يروح لهم واذا طلبووه راح يعطونه ايميل يرسل عليه الورقه وبالتوفيق......


ملاحظه/ الموظف اللي كان يتكلم معنا رقم الكونتر حقه 10 حاولوا تروحون له وجاوبوا على اسئلته بسرعه ولا ترددون وترى اسئلته مره سهله مثل ما ذكرت لك

باي>>>>>> وأمانه بشرينا وش صار ولي رجعه على موضوعك.

ام محمد اظن لازم يحيب

بسألك يالغلا زوجط ايش كتبفيالابلكيشن في سؤال الاسلحه وسؤال الخدمه العسكريه

انا مرافقي اخوي وهم عسكري وبكره مقابلتنا وجبنا ورقه تعريف من شغل اخوي
وهي مذكوره بورقه الموعد حقت السفاره