دراستي في امريكا حيرتني ساعدوني

السلام عليككم

عندي استفسار انا دراستي المفروض اكون هناك بشهر5 ميلادي وجبت القبول ومابعد طلعت الفيزا ولا السيفس ولا سويت ولا شي لانو راسلت الوزاره وقالت طلعي قبل موعد سفرك بشهر

ممو هذا الموضوع الموضوع ان المعهد الدراسة في (1_6_8) في هالشهور من كل سنة وانا ابي أأجل ولا يناسبني شهر 8 ابد ابد يعني احتاج تأجيل من الوزاره ماينفع بس المعهد
في هالحالة وش اسوي هل اراسل الوزاره من الان تنصحوني ولا اراسل المعهد لشهر 8 وثم ااجل بعد من الوزاره ولا وش اسوي ؟؟

وهل التاجيل لغير هالشهور يحتاج رسوم جديدة للمعهد غير اللي دفعت


بليز جاوبوني الله يوفقكم

^^
مافي احد ممكن يفيدني يعني ؟

انا دراستي المفروض تكون بشهر3 واجلتها لشهر 8
والمعهد طلب اني ادفع من جديد

السلام عليكم
ماني متأكد ميه بالميه بس يعني المتعارف عليه إنك إذا تأخرتي إلي هالحد الـــ I-20 انتهت مدته !!!! يعني تعيدين قبولك من المعهد وتجددين الــ I-20 وطبعا برسوم تسجيل جديده وانشاء الله أمورك بخير
بالتوفيق يارب

شوفي إختي ، اذا قبلوك الوزارة وإستلمت البطاقة حقت ملتقى المبتعثين اللي فيها رقم الطلب خلاص موضوعك في الوزارة شبه منتهي باقي عليكِ إجراءات إصدار قرار الإبتعاث
مسألة متى تسافرين ماهي مشكلة ، أنا راح أتكلم عن نفسي تأخرت أكثر من سنة ولا قالوا شيء ، أنا وإختي طلعنا قبل إسبوعين رغم انها من المرحلة السادسة

أول شيء أنا ماني عارف رسوم المعهد هذه ليش ، ما تدفعين رسوم كل اللي تسوينه تراسلين مكتبة التجسير بدون أي رسوم وتقولين لهم أبغى قبول في المعهد الفلاني في التاريخ اللي إنتِ حابته
أصلاً هوا يسئلك يقولك متى الوقت اللي يناسبك ، مثلاً قول ليه أبغى قبول لشهر ١ عام ٢٠١٣ ، اللي يناسبك
مكتب التجسير يراسل المعهد ويجيب لك قبول على هذا التاريخ بدون أي رسوم ، هوا يآخذ أتعابه من الوزارة

اذا وصلك القبول ، عبي نموذج طلب فيزا لك وللمرافق اذا كان معاكِ + سوي موعد في القنصلية الامريكية لإصدار الفيزا كمان لك وللمرافق ،
قبل ما تروحي لموعدك اللي بالقنصلية ، سددي رسوم الفيزا + رسوم السيفيس
اسبوعين الى ثلاث أسابيع بعد حضورك للموعد راح تصدر فيزتك على نفس الولاية والمدينة اللي فيها معهدك ..

اذا طلعتِ الفيزا أمورك تقريباً إنتهت ،
روحي الوزارة بالرياض وسوي طلب إصدار قرار إبتعاث ، ورقة تعبينها + الأوراق المطلوبة واللي بيكون أهمها (قبول المعهد+الفيزا+والهوية والوكالة وغيرها)
تستلمي قرار الإبتعاث وتروحي لمكتب الطيار بنفس الوزارة يصدر لك تذاكر السفر ويقولك متى الوقت اللي يناسبك
تختاري موعد قبل بدء دراستك بإسبوعين مثلاً
يعني على نهاية ٢٠١٢ لو كانت دراستك في شهر ١ عام ٢٠١٣

اللي أبغى أوصله لك إنه دام معك رقم طلب ، متى ما ناسبك الوقت تروحي ما أعتقد يدققوا على موضوع التاخير
وحتى لو دققوا ممكن تكتبي خطاب تذكري فيه سبب التاخير لأي ضروف
رغم اني أنا تأخرت أكثر من سنة وما ناقشوني أبداً ، مجرد ما جبت لهم الأوراق كاملة أصدروا لي قرار الإبتعاث

موفقين يا رب ،

معقولة مايناقشوني؟؟.
طيب واللي يقولون تعتبرين متعثرة وتلغي بعثتك لانو نظام الابتعاث سنوي
انت واختك اجلتو من نفسكم بدون ماتخاطبون الوزاره نهائيا ؟؟

اقتباس:

---

المشاركة الأصلية كتبت بواسطة حلم وخيال

معقولة مايناقشوني؟؟.
طيب واللي يقولون تعتبرين متعثرة وتلغي بعثتك لانو نظام الابتعاث سنوي
انت واختك اجلتو من نفسكم بدون ماتخاطبون الوزاره نهائيا ؟؟

---

أبداً ما تكلمنا مع أحد ولا سوينا شيء
قدمت أوراقي لإصدار قرار الإبتعاث متأخر قريب سنة أو أكثر ( أختي مبتعثة من المرحلة السادسة وقدمنا طلب إصدار قرار إبتعاث بنهاية المرحلة السابعة )
ومشيت الأمور بسلاسة ولا أحد ناقشنا فيها ،
هل هذا الشيء راح يتغير في المستقبل ؟
الله أعلم ،