ياريت اللي يعرف شيء يفيدني ....... أرجوا الدخول ضروري !!!!
:)السلام عليكم ورحمة الله وبركاته
:oكيفكم يا جماعة الخير ان شاء الله طيبين
عندي استفسار بسيط جدا هو اني مبتعث عن طريق وزارة التعليم العالي ع امريكا وكنت ابغى الاي تونتي طلب المعهد مني الضمان المالي النهائيي وطبعا دا ماحد ياخدو الا اذا وصل امريكا فما وافقو انهم يعطوني الاي توني الا اذا جبتلهم ضمان بنكي وقالي المكتب :g:والمعهد انو يمديني بعدين اجبلهم الضمان المالي النهائي من الملحقية واصير مبتعث عادي
:nerves:سؤالي الان الكلام دا صحيح ؟وكيف الطريقة اللي اخد منها الضمان المالي النهائي من الملحقية ؟؟
:hands:اسف للاطالة ارجو الرد سريعا يا جماعة وشكرا لكم
رد: ياريت اللي يعرف شيء يفيدني ....... أرجوا الدخول ضروري !!!!
راسل الملحقية يجيبولك قبول عن طريقهم وهما يتواصلوا مع المعهد
رد: ياريت اللي يعرف شيء يفيدني ....... أرجوا الدخول ضروري !!!!
وعليكم السلام ورحمه الله وبركاته
راسل الملحقيه شوف هالرابط
http://www.mbt3th.us/vb/forum149/thread326884.html
بالتوفيق
رد: ياريت اللي يعرف شيء يفيدني ....... أرجوا الدخول ضروري !!!!
انا صارلي نفس الحال بس انا جاني القبول والاي توني وكل شئ
بس السؤال كيف الطريقة انو ناخد الضمان المالي النهائي من الملحقية
رد: ياريت اللي يعرف شيء يفيدني ....... أرجوا الدخول ضروري !!!!
زي ما قالوا الأعضاء يا إنك تخلي الملحقية تجيب لك القبول أو إنك إذا حابب تجيبه بنفسك تجيب شهادة بنكية بالمبلغ إللي يطلبه المعهد ولما توصل بلد الإبتعاث يعطوك الضمان من الملحقية
بالتوفيق جميعاً..
رد: ياريت اللي يعرف شيء يفيدني ....... أرجوا الدخول ضروري !!!!
مدام انو انت انقبلت خلاص في المعهد وعندك مقدرة انك تطلع شهادة بنكيه بالمبلغ اللي هما يبغوه لا تراسل الملحقيه... طلع الشهادة البنكيه واديها للمعهد على طول حيرسلولك الاي توني ... انا كدا سويت
الشي التاني الضمان المالي النهائي.. لما وصلت لامريكا طبعا على طول فتحت ملف في الملحقيه ... ودايركت هما رسلولي الضمان على ايميلي .. ولما داومت في المعهد طبعت الضمان اللي ارسلوه الملحقيه واعطيتهم هوا وماكان في اي مشكله ...
اتمنى اكون افدتك .. ويارب تتيسر امورك
رد: ياريت اللي يعرف شيء يفيدني ....... أرجوا الدخول ضروري !!!!
اقتباس:
المشاركة الأصلية كتبت بواسطة MeLoO
راسل الملحقية يجيبولك قبول عن طريقهم وهما يتواصلوا مع المعهد
يجيبوا لي قبول إيه انا جبت القبول وكل شيء
ووصل الأي تونتي لعندي
شكرا على اهتمامك وتفاعلك
رد: ياريت اللي يعرف شيء يفيدني ....... أرجوا الدخول ضروري !!!!
اقتباس:
المشاركة الأصلية كتبت بواسطة R33m
هو أنا لسه حجيب قبول ما خلاص جاني القبول والأي تونتي
شكرا لك على اهتمامك وتفاعلك
رد: ياريت اللي يعرف شيء يفيدني ....... أرجوا الدخول ضروري !!!!
اقتباس:
المشاركة الأصلية كتبت بواسطة SA.Baqader
انا صارلي نفس الحال بس انا جاني القبول والاي توني وكل شئ
بس السؤال كيف الطريقة انو ناخد الضمان المالي النهائي من الملحقية
بس يا صاحبي مو انا وانتي في نفس الطينة ههههههه
شكرا لك
رد: ياريت اللي يعرف شيء يفيدني ....... أرجوا الدخول ضروري !!!!
اقتباس:
المشاركة الأصلية كتبت بواسطة RORO2011
زي ما قالوا الأعضاء يا إنك تخلي الملحقية تجيب لك القبول أو إنك إذا حابب تجيبه بنفسك تجيب شهادة بنكية بالمبلغ إللي يطلبه المعهد ولما توصل بلد الإبتعاث يعطوك الضمان من الملحقية
بالتوفيق جميعاً..
الله يوفقنا جميعا
انا خلاص جبت القبول والاي تونتي عندي
شكرا لك