-
بحاجة مساعدتكم
السلام عليكم ورحمة الله وبركاته
مساء الخيرات كيفكم ؟
تكفون يا أخواني محتاجه مساعدتكم إن شاء الله راح أتخرج بعد كم شهر من الجامعه و راح أقدم على المرحله الثامنه بإذن الله
لكني خايفه كثير أني أخسر البعثه والسبب أني ما أعرف خطوات الأبتعاث ومن وين أبدأ أحس أني ضايعه وتايهه
صحيح بدري على هالكلام لكن ودي أكون على بينه من الحين وأرتاح من القلق اللي أتعبني :(
ياليت تزودوني بالخطوات وبالتفصيل الممل عشان أفهم السالفه و كل شي يخص المحرم اللي هو أخوي
-
رد: بحاجة مساعدتكم
كل شي ف وقته حلووو
الي اقدر اقوله لك طوري اللغة عندك والمعدل لزم فوق 3,75 والباقي تساهيل
بالتوفيق
-
رد: بحاجة مساعدتكم
ثانكس أخوي شعيل الله يوفقك ويسعدك
لكن اللغه شرط أساسي ؟
-
رد: بحاجة مساعدتكم
يارب تحقق احلامي.. وعليكم السلام ورحمة الله وبركاته
.......جاري كتابة
الرساله أنتظري نص ساعه بس وأبشري باللي تبين..
-
رد: بحاجة مساعدتكم
الله يبشرك بالفردوس يالشمالي
مشكور مقدماً
-
رد: بحاجة مساعدتكم
هلا اختي
ااول ما يبدء التقديم تدخلي ع موقع التعليم العالي وتسجلي طلب وتتنتظري و اذا ترشحتي راح تجيك مسج
وبعدين الخطوات الا بعد كذا كلها سهله انشالله
بالنسبه للغه ماهي شرط اساسي من شروط الابتعاث بس لما يكون عندك لغه راح يساااعدك كثير خاصه سوء في اجراءات القبول من المعهد او الجامعه او في دراسه السنه الاولى
واي شي تحاجيه احنا حااضرين
-
رد: بحاجة مساعدتكم
وعليكم السلام ورحمة الله وبركاته...
أول شي أرتاحي ترى كل شي سهل ولاتسمعين من يقول صعبه صعبه أنا كنت خايف أنهم مايقبلون زوجتي
وبعد ماشفت الشروط أرتحت وفيه اشياء صعبه مرة علي ولاكن مو صعبه لدرجة أني أكون بهم الآ أحيانا..
وأهم شي الصلاه والدعاء ومن عرف الله بالرخاء عرفه بالشده..
شروط القبول بالنسبه للي راح يكملون الماجستير:
العمر اقل من 27 سنه
المعدل لايقل عن 3,75 من 5
أن لايكون قد مضى على تخرجه 5 أو 3 سنوات مو متأكد بس أكيد الشرط ينطبق عليك لانك متخرجه جديده والف مبروك مقدمآ..
...
المهم التقديم على البرنام يبي له خطوات وركزي فيها..وأكتبيها على شان تتذكرينها..
أولاً: التقديم على البرنامج
,, وراح يفتح البرنامج برمضان حسب ماسمعت وحنا فتح برنامجنا ببداية رمضان .راح يطلبون بيانات
عباره عن وسائل اتصال تخصك وبياناتك يعني بالعربي..جهزي جوازك وجواز مرافق عشان تسجلين رقم الجواز واسمك بلانجليزي واسم مرافق
وانصحك تجديدن جوازك قبل رمضان بأيام او تطلعين جواز جديد اذا ماعندك لك ولمارفقك
كرت العائله عشان اسمك كامل ورقم السجل المدني وبطاقة مرافقك
بيانتات الاتصال رقمك وارقام اقراب قريبن لك وايميلك وعنوانك .
خلاص عبينا البيانات واعطونا رقم..حلو راح ننتظر الترشيح..
ثانياً: الترشيح
.. راح يرسلون لك رساله (حنا ارسلوها لنا بآخر يومين من رمضان ) الرساله عباره عن. وأن شاء الله توصلك يارب
(((((((إشعار بالترشح
تشعركم وزارة التعليم العالي أنه تم ترشيحكم مبدئياً للابتعاث ضمن برنامج خادم الحرمين الشريفين للابتعاث الخارجي ( المرحلة السابعة) ، وتأمل منكم تجهيز الوثائق المطلوبة لتسليمها في مركز التدقيق مع ترجمة ما يحتاج إلى ترجمة منها، وملء نموذج طلب الالتحاق بالجامعة الأجنبية (على الرابط التالي)، ومراعاة الوثائق المطلوبة (على الرابط التالي).وسيصلكم – بإذن الله تعالى -رسالة أخرى بتحديد موعد حضوركم لمركز التدقيق...))))))
========
ثالثاً: التدقيق
بعد وصول الرساله راح يكون موعد تدقيق الوثائق والتدقيق عباره عن مطابق الاوراق يعني اللي قدمتيه واوراقك..
وشغلته سهله اهم شي تكون الاوراق جاهزه ومترجمه وكل شي يطلبونه موجود وراح يقولون لك وش يطلبوون
رابعاً: الملتقى.
حضور الملتقى شرط اساسي للأبتعاث مو معنات انو جاك الترشيح يعني هذا النهائي لا اذا ارسلو لك رساله لحضور الملتقى يعني هو النهائي ان شاء الله بس لازم تسوين خطوات عشان تكملين الابتعاث.
طبعا الملتقى يتكلم عن الدوله اللي راح تطلعون لها واي استفسارات راح يجاوبون عليها وراح.. يرسلون لك الضمان المالي.
خامساً: القبول
يفضل اذا ارسلوا لك رساله يدعونك للملتقى انك تجيبين قبول من الجامعه اللي تبينها ولازم تكون الجامعه
معتمده من الوزاره وراح يكتبون الجامعات المعتمده بالموقع.
أو.. اول مايوصلك الضمان تراسلين المعهد اللي تبين تدرسين فيه ويفضل انوا يكون تابع لجامعه..
سادساً: الفيزه
بعد صدور القبول يرسلونه لك على الفيدكس ونسخه منه على الايميل.. تروحين وتقدمين على الفيزه
انا بالنسبه لي رحت لمكتب وخليته يسوي لنا موعد بالسفاره وكملنا جميع الاوراق المطلوبه
.. ورحت وطلعت الفيزه لي ولزوجتي بعد المقابله ..
المهم حنا وصلنا هنا انا وزوجتي وباقي لنا قرار الابتعاث وامر الاركاب والتذاكر والسفر..
وخلاااص...
أسمعي لو ماتدعين لي عن ظهر الغيب حذفت الرد هع هع هع هع هع هع
-
رد: بحاجة مساعدتكم
يعطيك العافيه يا سويت لبى قلبك حبيبتي ماقصرتي الله يوفقك ويسهل أمورك
-
رد: بحاجة مساعدتكم
يعطيك ألف عافيه يالشمالي ماقصرت أخوي
الله يوفقك أنت وزوجتك ويسعدكم ويسهل لكم كل صعب
مالك إلاّ اللي يدعي لك إن شاء الله لكن لا تحذف الرد ههههههههههههههه
-
رد: بحاجة مساعدتكم
الله يوفقك ي وخيتي
و يسهل امورك ,,
وتتخرجن باعلى المعدلات
آهم شي لآجيتي تعبين آستمارة التخرج
آكتبي الاسم بالانجلش نفس الي بالجواز
لانه لازززم السبلنق كامل يكون مطابق بين الوثيقة و الجواز
وقريت انه بالمرحلة الثامنة راح يطالبوا المبتعثين بالتوفل من هنا
يعني لازم يكون عندك توفل والله اعلم تاكدي من الخبر
و ان شاء الله انها سهاله