مساعدتكم الله يخليكم في موضوع السفر و الحجز والرحلة الداخلية

الله لا يهينكم ابي احد يفهمني
انا اخذت قرار الابتعاث ورحت مكتب الطيار في مكة
وحجزت انا المرافق واختي المبتعثة من جدة على واشنطن
باقي الرحلة الداخلية قال لي اكلم الطيار في الرياض

فما ادري يا اخوان وش الخطوات المطلوبة
وهل انا احدد الخطوط ؟!
او هم يحددون ؟!
واش افضل طريقة وخطوط ممكن اسويها في موضوع الرحلة الداخلية لأني ماني فاهم شي بصراحة
ولا عندي الا حجز الرحلة الدولية وبيتلغي بعد كم يوم اذا ماجا امر الاركاب وقطعت التذاكر

انا حايس بصراحة وش الاجراءات ؟!

الله لا يهينكم اللي عنده فكره يخدمنا

دام قالك كلم الطيار فرع الرياض اتصل فيه وخبره عن مدينه دراستك

وهو بيحجز لك انا اللي اعرفه ان الحجز واحد يعني من البدايه يحجزون لك من جده الى مدينه دراستك

الابسالك انت وين بتدرس وليه اخترت تنزل بواشنطن؟؟

انا بشيكاغو في solex college إن شاء الله

اما بخصوص نزولي بواشنطن فلسببين في واحد .. أولا إن مافي رحلات مباشرة على شيكاغو

ثانيا هناك محطتين وصول واشنطن ونيوورك اخترت واشنطن لأن فيها الملحقية انزل فيها يومين وامرهم بنفسي اتعرف على الملحقية وافتح ملف وكذا
ولو أنهم قالوا ما يحتاج لكن بما إني نازل نازل في واشنطن وش يمنع اتعرف اكثر على المدينة والملحقية عن قرب

وبس

واتمنى من الاخوان والاخوات اذا حد خلص امور رحلته الدولية والداخلية من خارج الرياض يعطيني التفاصيل

بس لا تنسى شي مهم جدا انك لما تجي تسافر في الرحلة الداخليه حتدفع مبلغ جامد شوي على وزن الشنط لانهم ماعندهم وزن مجانا علرى ماعتقد وهذا من كلام الرجال الي يشتغل في مكتب الطيار

والله ما قلي شي بهالخصوص


عموما ابشركم

رحت لهم اليوم وأصدرنا التذاكر للمرافق والمبتعثة بصورة قرار الابتعاث والجوازات فقط
من مكتب الطيار في العزيزية بمكة المكرمة
ولم يطلب أمر إركاب ولا مراسلة الوزارة ولا شيء وسألته عنها قال ما يحتاج خلاص بقرار الابتعاث

يعني كانت المشكلة في الفرع ( فرع الرصيفة ) سيء وخدمته رديئة
امس كنت اتصلت على الرقم اللي محطوط في موقع الوزارة الجوال ورد على الاخ فايز ناصر وحكيت له المشكلة
وقلت هل لازم امر اركاب او شيء قال لا اعطني رقم هوية المبتعثة وعطيته وقال انت المرافق فلان قلت ايه

قال خلاص روح لهم وخلهم يسوونها ويقصون لك التذاكر الدولية والداخلية وانت واقف واذا ماصار اتصل علي من
عندهم وانا اكلمهم لك

رحت فرع الرصيفة قال ماعندي ما اصدرها ومدري ايش روح العزيزية للأخ أزهر

وفعلا والله ما قصر من يوم جلست سواها وحددنا المواعيد وقص التذاكر وتأكدت منه ان مايحتاج امر اركاب
أو نرسل ايميل قال لا مايحتاج كل اللي عليك تروح المطار وتطلع طيارتك وبس



وهذا اللي صار بالضبط

في خطوط كثير تنزل دايركت على شيكاغو ،،، الاتحاد والتركية والبريطانية

بس تمر عالامارات او تركيا او لندن ،، لكن تفكك من الرحلات الداخلية في امريكا

كان بحثت بموقع الطيار

اقتباس:

---

المشاركة الأصلية كتبت بواسطة washim99

والله ما قلي شي بهالخصوص


عموما ابشركم

رحت لهم اليوم وأصدرنا التذاكر للمرافق والمبتعثة بصورة قرار الابتعاث والجوازات فقط
من مكتب الطيار في العزيزية بمكة المكرمة
ولم يطلب أمر إركاب ولا مراسلة الوزارة ولا شيء وسألته عنها قال ما يحتاج خلاص بقرار الابتعاث

يعني كانت المشكلة في الفرع ( فرع الرصيفة ) سيء وخدمته رديئة
امس كنت اتصلت على الرقم اللي محطوط في موقع الوزارة الجوال ورد على الاخ فايز ناصر وحكيت له المشكلة
وقلت هل لازم امر اركاب او شيء قال لا اعطني رقم هوية المبتعثة وعطيته وقال انت المرافق فلان قلت ايه

قال خلاص روح لهم وخلهم يسوونها ويقصون لك التذاكر الدولية والداخلية وانت واقف واذا ماصار اتصل علي من
عندهم وانا اكلمهم لك

رحت فرع الرصيفة قال ماعندي ما اصدرها ومدري ايش روح العزيزية للأخ أزهر

وفعلا والله ما قصر من يوم جلست سواها وحددنا المواعيد وقص التذاكر وتأكدت منه ان مايحتاج امر اركاب
أو نرسل ايميل قال لا مايحتاج كل اللي عليك تروح المطار وتطلع طيارتك وبس



وهذا اللي صار بالضبط

---

ماهي الخطوط المتاحه اخويه من قبل الوزاره الااان ؟ لانها تتغير كل شويه ؟

ومتى موعد سفرك ؟


بالتوفييييق

اقتباس:

---

المشاركة الأصلية كتبت بواسطة Jseven

في خطوط كثير تنزل دايركت على شيكاغو ،،، الاتحاد والتركية والبريطانية

بس تمر عالامارات او تركيا او لندن ،، لكن تفكك من الرحلات الداخلية في امريكا

كان بحثت بموقع الطيار

---

لا يا سيدي فكنا من الترانزيت الدولي

جربته وتأخرت الرحلة وإن شاء الله معاد أعودها قد ما أقدر بعدين الحمدلله عندي وقت
و خلني أتعرف على واشنطن واتعرف على الملحقية

اقتباس:

---

المشاركة الأصلية كتبت بواسطة ابن مكه

ماهي الخطوط المتاحه اخويه من قبل الوزاره الااان ؟ لانها تتغير كل شويه ؟

ومتى موعد سفرك ؟


بالتوفييييق

---

والله ما سألت يا أخوي لأني مقتنع بالسعودية من واقع خبرة
خصوصا في دقة المواعيد

أما الداخلية قال مافي إلا خيار واحد اللي هو يونايتد

موعد السفر إن شاء الله 6 May

وسلامتك