الأعضاء الإشتراك و التسجيل

الملتقيات
ADs

نورث كالورينا

نورث كالورينا


NOTICE

تنبيه: هذا الموضوع قديم. تم طرحه قبل 2109 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Secrets.99
    Secrets.99

    مبتعث فعال Active Member

    Secrets.99 الولايات المتحدة الأمريكية

    Secrets.99 , أنثى. مبتعث فعال Active Member. من السعودية , مبتعث فى الولايات المتحدة الأمريكية , تخصصى ----- , بجامعة -----South Seattle Community College
    • -----South Seattle Community College
    • -----
    • أنثى
    • واشنطن, واخيرا قررت ستايل
    • السعودية
    • Jun 2011
    المزيدl

    March 6th, 2012, 05:06 AM

    صباح الخير
    ايش افضل مدينه في ولايه نورث كالورينا
    من حيث الامان والاسعار والحضانات وعدد العوائل السعوديين
    واي احد عنده معلومه عنها يسدحها هنا
    ؟؟؟؟
    وياليت اسم المعهد واهم شي يكون للمبتدئئين ؟؟؟


    ومييين راايح عليها ؟؟
    وكيف السكن والشقق
  2. مو مسأله ما ابى اساعدك قد ما انا حابه اوصلك انه محد يسوي شغل احد ابحثي وتلاقي الجواب كل الاعضاء اللي هنا اما ماطلعو لسه او دوبهم سافرو ماعندهم الخبره الكافيه ولو هو موضوع واحد ممكن الواحد يبحث عنك ويساعدك بس في اليوم تنزلي موضوعين وكل موضوع يسئل عن شي لو كتبتي عنه بقوقل لقيتي الجواب الله يهدي الجميع يارب
    7 "
  3. انا ان شاء الله رايح على نورث كارولينا..

    كنت بروح مدينة تشابل هل لان جامعتها من التوب 30 على أمريكا وتخصصي موجود فيها..

    بس للأسف مالها معهد هالجامعة فاضطريت اني اروح مدينة شارلوت..

    وجاني قبول معهد ELTI في شارلوت..

    المعهد قوي وحلو..

    وشارلوت فيها أصلا معهد ELS..

    أما من ناحية الأسعار..من خلال بحثي في موقع المعهد "وانا عزابي وباقي ما طلعت"..الأسعار ما بين 300 إلى 1100..

    وشارلوت فيها كمان جامعة DUKE واللي تعتبر من أفضل 15 جامعة في العالم..طبعا هي جامعة خاصة مش عامة..وتقدري لو حصل لك تجيبي قبول منها..

    لأن الوزارة ولله الحمد ما عندها جامعة خاصة لا عامة..اختر اللي تبي وابشر بالفلوس ..

    هذا ما عندي..ولا تستغربي قلة الردود..لأني ياما نزلت عن هالولاية ونادرا ما احصل رد ردين..

    لكن تبين تستفيدي أكثر اسدحي موضوعك في منتدى الولايات الشرقية..


    وعسى الله ييسر أمورنا أجمعين..


    ..
    7 "
  4. انا في الولاية ودراستي تبدا في اغسطس بس في مدينة ويلمستون على المحيط الاطلسي انا راح اعرض عليك رساله صادره من احد الطلاب هناك حين سالته عن المدينة وعن المعهد طبعا اخذت اميل الاخ غرم الله الزهراني من مديرة المعهد لاني حين سالتها عن الجامعة وعن المعهد قالت ابي اخلي شخص من نفس بلدك يساعدك في هذه المعلومات لانه راح يقول لك الحقيقة

    اليك نص الرساله الي صدر من الاخ غرم الله الزهراني

    الله يحييك بولمنقتون
    يا صاحبي اول شي لا ازعاج ولا شي ومن عيوني اللي بقدر اقدمه لك راح اقدمه بالنسبه للمدنه المدينه صغيره وحلوه فيها بحر ونهر صغير المدينه سياحيه الداون تاون حقها حلو المطاعم متوفره بكثره فيها مسجدين بالنسبه للصلاه في الجامعه نروح اي كلاس فاضي ونصلي فيه بالنسبه للسكن مع العائله المعهد ما يوفر لك وانا والله ما اعرف الشي هذا ولا اعرفه عنه شي .
    بالنسبه للحلال فيه بقاله عربيه واحده توفر كل الاكل الحلال من لحوم اجبان خبز اللي تبي ان شاء الله وفيه مطعم واحد عربي بالمول
    بالنسبه للسكن داخل الحرم الجامعي الملحقيه ما توفر لك اجر السكن داخل الجامعه انت لازم تدفع الاجار وتقريبا قيمته 3250 دولار ما يعادل تقريبا 10000 سعودي لمده اربع شهور . اذا كنت عزابي اتوقع بينفع لك من ناحة اكتساب اللغه والاحتكاك مع الطلاب الامركان في السكن المعهد راح يعطيك البطاقه الجامعيه ويحط لك فيها مبلغ الظاهر 400 الي 500 دولار في السمستر تستخدمها في مطاعم الجامعه والمكتبه وفيه يقدمون يوميا وجبه مجانا لطلاب السكن ( بس اكل الامركان ما عندك احد ) اما اذا انت جاي بعائلتك افضل شي لك تسكن برا الجامعه متوسط الاجار لغرفتين وحمامين وصاله ومطبخ 900 دولار بدون خدمات ( الانترنت الماء الكهربه ) وفيه اقل وفيه اكثر علي حسب اذا تبي غرفه او غرفتين . بس الاغلب بدون اثاث بنالسبه للامان ابشرك المدينه امنه والناس طيبين يساعدوك فين ما تروح بالنسبه للحجاب انا مع اهلي ولا مضاقات ولا شي في الجامعه او برا في المدينه
    بالنسبه لنظام المعهد سمسترات fall, spring and summer بالنسبه للفول والاسبرنق اربع اشهر كل واحد منها والسمر شهر واحد فقط
    الاساتذه مره طيبين ومديره المعهد مايكا مره حبوبه وطيبه وتساعدك باللي تقدر عليه . الدوام اربع ايام في الاسبوع والجمعه غالب يكون رحله مع المعهد
    انت جاي مع اهلك او لوحدك .

    انتهى نص الرساله
    واذا تبين اي مساعدة في التسجيل انا مستعد

    بالتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.