رحت للسفاره اليوم 6 مارس 2012 وعطوني مخالفه ( الورقه الصفرا ) ؟!

بسم الله والصلاه والسلام على رسول الله

اما بعد

السلام عليكم ورحمه الله وبركاته

باختصار

رحت للسفاره الامريكيه اليوم بخصوص موعد التأشيره ( فيزا )
واموري تمام كلها لكن قالت فيزتك تستغرق شهر وعطوني الورقه الصفرا وحطوا علامه على خانه
تحتاج تأشيرتك الى اجراءات اداريه قد يتطلب منك ارسال معلومات اخرى , قد يستغرق ذلك من 2-4 اسابيع او اكثر

ياجماعه الخير وش السالفه
سالت الموظف قال بعد اسبوعين ارسل ايميل باسمك ورقمك واستفسار

دراستي بدايه 5 ميلادي

السؤال : هل فيه مشكله او هجت بي فالاجابات او نفسيه الموظفه او ايش
وهل احد قد صار له مثل وضعي وجت فيزته قبل المده الي ذكروها ؟

* تنبيه : احرصوا على طباعه الضمان المالي حتى لو كنت مبتعث من البرنامج لانهم طلبوها مني 3 مرات
وانا والحمدلله طبعتها فاللحظات الاخيره , وماكنت بطبعها لاني سمعت ان المبتعثين من البرنامج عادي مش لازم وهذا خطا

اي استفسار انا حاضر

محبكم

يا رجال أمورك سليمة ان شاء الله

أنا سووا معاية كذا ووصلتني بعد سبع وعشرين يوم

ترى لو هم رافضينك بيقولونها لك كاش

تحياتي ودعواتي

ههههه اما مخالفه ..~

لا يالغلاا مو مخالفه هذي , الورقه الصفراء معناتها انوو ناقصك شي , فاا اذا كملت اوراقك الناقصه ترسلها مع الورقه الصفراء عن طريق فيدكس للسفارهـ ..~

وبعدين ازين لك ترآإ , لإنوو انا صار معي كذا يوم اروح السفارهـ كانت اوراق زوجتي كامله وانا ناقصني الـ I-20 فاا اخذوا اوراق زوجتي وانا اخذوا اوراقي ورجعولي الجواز وعطوني الورقه الصفراء

وقالولي اذا وصل القبول ارسله لنا مع الورقه الصفراء , وهذا اللي صار وارسلته يوم السبت والثلاثاء الحمد لله استلمت الفيزا = )

وبسس ^__^

أهم شيء عطيتهم الجواز والآيتوني والضمان أو الكاس نمبر ووصل السفس وصل سامبا ؟
انا اخذو مني هذه الأشياء وشاف كشف الدجات ورجعه وطلعت فيزتي خلال يومين ..
هالورقة الصفراء تعني عندهم المزااااااااااجية

وش قلت في المقابلة ؟ وش سألك ؟

اشكرك اخت ديكارت على المعلومه وموفقه يارب
انا اعلم انها ليست مخالفه :) لكن من باب تسليه الروح
وبعدين ماكتبوا فيها اي ملاحظه غير اللي ذكرت لك فوق بس اجراءات اداريه
مشكور يالغالي :)
اهلا اسامه
اتمنى تكون الامور بسيطه وانه اجراء روتيني :)
سالوني اي ولايه + التخصص + المرحله الدراسيه + هل ستدرس لغه +هل ذهبت لامريكا + اخر 5 سنوات اين ذهبت ؟
+ هل ذهبت للكويت قطر اليمن < غريب السؤال
+ خقت يوم شافت السجل الاكاديمي الي عطيتها مصدُق ( طبق الاصل ) :p
وسلامتك يالغالي
موفقين جميع

أنا اخوي محرمي عطوه ورقة وردية :D
مكتوب فيهاا ان الفيزا تستغرق من 4 الى 8 اسابيع :(
في احد صار معه كذا؟؟

يعني عندك نواقص يا ذيبان ووضعك فسليم انشاء الله

الله يعينك ويوفقك

ومبرووك مقدماا

ابوي اعطوه الورقة الصفراء ولازم يرجعلهم عشان البصمات مابصمووه :(

الله ييسر للجميع

اقول السفارة روحهم طويله الله يعينك على الاتنظار
انا قالو لي تستغرق من اسبوع الي اسبوعين وحتي الان لنا 25 يوم وجارى الانتظار

الله يعين