الأعضاء الإشتراك و التسجيل

الملتقيات
ADs

معـــانـــاة القبول في معهد Columbia School of English

معـــانـــاة القبول في معهد Columbia School of English


NOTICE

تنبيه: هذا الموضوع قديم. تم طرحه قبل 2111 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية اخو مبتعثة
    اخو مبتعثة

    مبتعث جديد New Member

    اخو مبتعثة السعودية

    اخو مبتعثة , ذكر. مبتعث جديد New Member. من السعودية , مبتعث فى السعودية , تخصصى نظم المعلومات الأدارية - MIS , بجامعة جامعة الملك فهد للبترول والمعادن
    • جامعة الملك فهد للبترول والمعادن
    • نظم المعلومات الأدارية - MIS
    • ذكر
    • الظهران, المنطقة الشرقية
    • السعودية
    • Mar 2012
    المزيدl

    March 6th, 2012, 03:18 PM

    الحمدلله اخير وصل I-20 مع السيفس الخاص بأختي بعد طول انتظار.

    بداياتنا مع المعهد بدأت قبل اربعة اشهر وبالضبط في نوفمبر. كنا نبحث في القائمة حقت الوزارة اللي كل اسبوع تطلع معاهد جديدة وفي نفس الوقت تطلع هالمعاهد مكدسة ....متى امداها تطلع وتتكدس الله اعلم.
    المهم اخترنا معهدين في ولاية اوريجون واحد تبع جامعة والثاني معهد Columbia School of English حق صاحبنا اندرو (Andrew) اللي ساحب السيفون على الايميل والتليفون.
    وراسلنا الوزارة علشان الضمان لاي من المعهدين قبل لا تتكدس. و طبعا لازم حقين الوزارة ياخذون دورهم في التسحيب على المبتعثين تأخر الرد منهم الين بعد اسبوعين تفاجأنا ان المعهد الاول صار متكدس في القائمة وحقين الوزارة
    ما ردوا لا بنعم اولا. قلت "مابدهاش" ونزرق للوزارة وشبينا عليهم (طبعا في الاخير دخلنا واسطات فيها ... كان الله في عون من ليس لديه واسطه) اللين ما اصدروا لنا الضمان للمعهد حق طيب الذكر اعلاه.

    وفي بداية يناير 2012 قمت اراسل معهد Columbia School of English حق اندرو (انا متأكد ان المعهد حق ابوه وراح تستنتجون بنهاية الرد ليه ؟؟ ) ودخلت على موقهم علشان نسجل لكن طلع نظام التسجيل عطلان, قمت اراسل الاخ اندرو ورد علي بعد اسبوع يطلب مني ارسل نموذج التسجيل عن طريق بالايميل مع الطلبات الاخرى وان رسوم التسجيل 100 دولا بعد التخفيض.
    ولكن طلع في النموذج الغبي حقهم مشكلة حيث يقول ان رسوم التسجيل 125 دولار بالاضافة الى احتساب نسبه 3% تضاف للقيمه اذا بتستخدم الكردت كارد (الفيزا) وفي نفس النموذج في مكان آخر حاطين النسبة 3.5%. انا ما كان عندي مشكلة في المبلغ كله لانه بسيط لكن كنت ابغى افهم المطلوب بالضبط.
    قمت راسلته علشان يوضح الاشكال اللي في النموذج, ومن يومها صارت الشغله مرمطه ما رد الاي بعد 3 اسابيع وطبعا خلالها عقبت على الايميل مرتين وبالنهاية رد علي وحاول يشرح لي بس عقدها شوي وقالي ان رسوم التسجيل 100 دولار بس علشاني (تكفى تعرفني)، لكن ترى الفيزا اللي بتدفع بيها اذا ماكانت مريكية بتكون رسومها اعلى شوي. رديت عليه طيب كم النسبة؟ ما رد علي وسفهني.
    قلت خلاص ارسله النموذج باللي فيه واخلي مكان الدفع فاضي ويحط اللي يحطه وارفقت مع الايميل صورة الجواز وشهادة الضمان المالي حق اختي وارسلت له في اول فبراير. مر اسبوع وما رد وعقبت عليه بالايميل ومر بعدها اسبوع ثاني والرجال برضوا ما يرد.
    قلت الشغلة "ما بدهاش" واخذ رقم المعهد من الموقع ادق عليهم في امريكا, كلمتني وحدة قلت لها ابغى اندرو قالت مو في المكتب ... طلع ...مدري كيف... حسيت انها تصرف... قلت لها اني مرسل ايميل من اسبوعين ومايرد علي , قالت لي بتبلغه ان يرد على ايميلي وسألتني عن اسمي ومر كم يوم ما صار شي ولا رد علي.
    اتصلت على المعهد مره ثانية وكان يوم الجمعة وردت وحده ثانية وقالت لي انه خارج الولاية قلت لها (وين السربوت راح ... طبعا في قلبي) ... قلت لها اني مرسل ايميل من 3 اسابيع، قالت لي عطني ايميلك وراح نبلغه وبيجيك الرد خلال 4 ايام, طبعا حاولت افهمها بأن تحولني على احد غيره يقوم بالعمل قالت ما فيه الاهو اللي يسوي الشغل ( قالت عزالله توهقنا بالمعهد هذا اللي ما فيه الا مدير واحد وسكرتيره وحده).
    على العموم مرت 4 ايام ولا فيه رد، قمت اتصلت مره ثالثة يوم الثلاثاء وكنت مره قافله معي وترد علي وحده اسمها ميشيل (مسيكينه والله يا شبيت عليها) قلت لها اذا ما يرد هذا اللي اسمه اندروا راح احول على معهد ثاني لان الجهة المسؤوله عن الابتعاث معطني موعد نهائي. قالت ارسلي الايميل اللي راسلته لآندرو وراح احاول اسوي الا اقدرعليه. واليوم الثاني يوصلني ايميل من صاحبنا الرخمه اندرو ويقولي ان راح يرسلي خلال 24 ساعة I-20 مع معلومات الارسالية حقت الفيدكس. رديت عليه وقلت له لاتنسى ايصال السيفس لاني حددتها في الطلب ان يسويها ويضيف قيمتها على رسوم التسجيل ويخصمها من الفيزا.

    عرفتوا ليش قلت هذا معهد ابوه .

    والحمدلله امس وصلتنا نسخة الكترونية من I-20 والسيفس بعد عناء استمر شهر ونص. واللحين الله يعننا على مواعيد السفارة ونموذجهم الأهبل DS-160 اللي فيه سؤال يقولك هل تخطط لعمل هجوم ارهابي على امريكا ... نعم او لا ؟ تهقون لو قلت نعم بيعطوني الفيزا؟؟؟


    وآسف جدا على الاطالة ... بس حبيت اوسع صدوركم مع هالمعهد اللي ابتلشنا فيه , والعجيب لو بنغييره من الوزارة قد تحتاج نفس المدة هذا اذا قبلوا يغييرون.

    على العموم كل عندهم نفس المشكلة حبيت اشاركهم معاناة التقديم مع هالمعهد... والله يعنين الاخوات والاخوان اللي ما وصلهم القبول .... لكن اعتقد ان المكاتب التجارية تقدر تساعد في مراسله المعهد بالنسبه للي مايقدر يتواصل معهم.


    واتمنى لكم التوفيق والنجاح في بعثتكم.
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.