رد: منع اصدار قرار الابتعاث
حسبنا الله ونعم الوكيل ما اقول الا انا لله وانا اليه راجعون لابد تراجعين الدكتور الفوزان او الحربي وبيفدونك صدقيني انا من المرحلة السادسة واصدروا لي جيت وكلمت الفوزان قال فيزا اوكية وقبول اصدار قرا ر يصدر لك بالتوفيق والله يسهل عليك .
رد: منع اصدار قرار الابتعاث
اقتباس:
المشاركة الأصلية كتبت بواسطة الباحث عن بعثه
حسبنا الله ونعم الوكيل ما اقول الا انا لله وانا اليه راجعون لابد تراجعين الدكتور الفوزان او الحربي وبيفدونك صدقيني انا من المرحلة السادسة واصدروا لي جيت وكلمت الفوزان قال فيزا اوكية وقبول اصدار قرا ر يصدر لك بالتوفيق والله يسهل عليك .
خير انشاء الله
لازم غثى ومنية لازم اسلوب الطرارة
الله يجزاك خير
رد: منع اصدار قرار الابتعاث
ياعمري لا يكون صار لك كذا :(
صديقتي اعطوها الضمان المالي على معهد ما يقبل طلاب من برا امريكا
ارسلت ايميل انها راح تغير الى المعهد الفلاني وكلمت اجراءاتها
ولما جت تطلع قرار الابتعاث رفضوا يطلعونه لها وجلست تحاول وتصيح ولا تعاطفوا معها
والحين تعيد من اول وجديد
الله يسهل لها وللجميع
.....
رد: منع اصدار قرار الابتعاث
والله الموضوع مررة مهم وكثير وقعوا بنفس المشكلة وانا منهم
أنا جاني الضمان على معهد في تكساس بس تعثرت في جلب القبول منه لانهم قالولي انهم ما راح يسمحون لي ببدء الدراسة إلا في شهر 8 ميلادي
فرحت من عندي وجبت قبول على معهد ثاني نفس المدينة في تكساس, وطلعت الفيزا عليه ولما جيت ابي اصدر قرار الإبتعاث عن طريق الايميل رفضت الوزارة وقالولي انت مسجل عندنا على معهد غير ذا
فطلعت الوزارة في الرياض وقابلت نائب مدير الإبتعاث واتفهم الوضع وصدرلي قرار الإبتعاث على المعهد الثاني.
الحمدلله انا تيسرت اموري بس فيه كثير رفضولهم, فخذوا الحيطة من بدري لا تتعبوا بعدين
الله يوفق وييسر للجميع
رد: منع اصدار قرار الابتعاث
اقتباس:
المشاركة الأصلية كتبت بواسطة وجيه منشي
والله الموضوع مررة مهم وكثير وقعوا بنفس المشكلة وانا منهم
أنا جاني الضمان على معهد في تكساس بس تعثرت في جلب القبول منه لانهم قالولي انهم ما راح يسمحون لي ببدء الدراسة إلا في شهر 8 ميلادي
فرحت من عندي وجبت قبول على معهد ثاني نفس المدينة في تكساس, وطلعت الفيزا عليه ولما جيت ابي اصدر قرار الإبتعاث عن طريق الايميل رفضت الوزارة وقالولي انت مسجل عندنا على معهد غير ذا
فطلعت الوزارة في الرياض وقابلت نائب مدير الإبتعاث واتفهم الوضع وصدرلي قرار الإبتعاث على المعهد الثاني.
الحمدلله انا تيسرت اموري بس فيه كثير رفضولهم, فخذوا الحيطة من بدري لا تتعبوا بعدين
الله يوفق وييسر للجميع
الحمد لله انهم تفهموا وضعك واصدر لك
انا لما ارسلت لهم على الايميل
تفاجأت بالرد اني مسجله على معهد ثاني
والله وقتها طاااااااااااح قلبي ههههههههه
رديت عليها وقلت هالكلام مو صحيح انا وقت الملتقى الاستاذه الفلانيه قالت لي اني مسجله على المعهد الي جبت منه القبول ؟؟؟
اتمنى تتأكدين من الخبر
الحمد لله مشى الموضوع وقالت لي حليته <؟
واصدر القرار
كتبت قصتي بس عشان الكل ينتبه خاصه اذا انت واثق انهم قالوا لك ان الضمان جى هالمعهد الي جبت منه القبول
رد: منع اصدار قرار الابتعاث
وانا نفس المشكله ماغير ندفع من رسوم الابليكيشن ونراسلهم وآخر شي مرفوض صرت اكره شي اسمه معهد....الله يسهل لنا أمورنا يارب ويسهل
اصدار قرار الابتعاث.....
رد: منع اصدار قرار الابتعاث
ياستار استر
انا يدي ع قلبي من هل القرار :(
رد: منع اصدار قرار الابتعاث
المشكلة انه موظفين الوزارة ماهم متعاونين وكنهم يعطونا حسنة .....حسبي الله ونعم الوكيل...
رد: منع اصدار قرار الابتعاث
الله يسترررررررر..
أنا جاني الضمان على معهد تبع جامعة ما فيها معهد.. كيف تصير هذي ههههههههههه
بعدين غيرته في الملتقى وطلع المعهد الثاني برضو مافيه إلا دورات صيفية..
بعدين راسلتهم لين انبح صوتي.. ع الإيميلات والجوالات.. لا حياة لمن تنادي طبعاً.. رحت اخترت معهد مو متكدس وراسلت الملحقية تجيب لي قبول منه..
بس تفاجأت انها جابت لي قبول من معهد مختلف في نفس المدينة.. لي ولأختي.. والمعهد هذا تبع جامعة ومن أوائل المعاهد اللي تكدست في القائمة ..
يوم سألت الموظف عن السبب قال لي انو هذي سياستهم يراسلون كل المعاهد في المدينة عشان يضمنون القبول في واحد منهم..
والحين مرة خايفة من القرار انهم ما يصدرونه.. مو خايفة إلا شبه متأكدة ان السالفة يبيلها ترجي أو واسطة..
الله يعين..