ساعدوني تكفون ،،، المعهد نكبني الحين و ناوي يطولها معي !!!

السلام عليكم
انا مقدم على معهد واشنطون اكاديمي اوف لانقويج في سياتل
و اليوم لقيت منهم ايميل يقولون لي انهم يبون ضمان مالي باسم المعهد و ان الضمان اللي ارسلته لهم ضمان مالي عام
ياجعلكم اللي منيب قايل !!! وراكم ما تكلمتوا من اول !!!

قسم بالله اغبنوني .... الحين وش السوات ؟؟؟
اشلون ارسلهم ضمان مالي باسمهم ؟؟

اللي واجه نفس مشكلتي يعلمني تكفووووووون

اخوي تواصل مع الوزاره او الملحقيه وقول لهم موضوعك وان شاء الله يساعدونك

السلام عليكم
نفسسس الحاله اللي صارت لي
بس انا كنت مقدمه عن طريق مكتب وبلغتني انهم رفضو الضمان حق الوزارة ويبون ضمان بنكي
قمت وسحبت اوراقي من المكتب وشفت شغلي مع الملحقيه
راسلت الملحقيه طبعا كل منطقة في شخص مسول عنها
وقلت لهم ابغى خطاب موجه للمعهد تبعي وارسلو لي واحد وبرضو رفضوة المعهد وبالاخير الملحقيه نفسها ارسلت لهم لين قبلو
اهم شي لاااااازم تكون نشبه وازعاااج علشان تنحل مشكلتك ;)
وفيه موضوع منزله احد الاخوان الله يجزاه خير عن هالمشكله وحلها بالتفصيل
اذا لقيته حطيته هنا
بالتوفيق

قوس رحمة ابشرك ما يردون :(

---


ناني
اراسل مين بالظبط وشلون اعرف مين المسؤول ؟
و وش ارسل للملحقية؟؟ بياناتي او ايش بالظبط ؟؟
واشلون انشب للملحقيه ؟؟
اسعفوني تكفون

وعليكم السلام
http://www.mbt3th.us/vb/forum149/thread326884.html

هذا الموضوع راح يفيدك راسل المسؤول عن ولايتك
انت بولاية واشنطن هذا ايميل المسؤول
Western United States
(571) 327- 2311 mlin@sacm.org

ارسله انك طالب من المرحله السابعه اكتب اسمك ورقم الترشيح او الطلب وارفق الضمان المالي
وقلهم انك راسلت المعهد الفلاني وطلبو منك ضمان مالي بإسم المعهد

والله ييسرلك يارب

او اذا تبي تمّشي امورك بشكل اسرع وعندك امكانيه طلّع شهادة بنكية ورزها بوجيههم عبدة الفلوس :)

والله ييسرلك ياارب بالوفيق

الله يعينك ي اخوي ^^"

بالتوفيق لك ولجميع المبتعثين ^^"

نفس المشكله صارت معايه بس الموضوع مره بسيط تكلمت مع الملحقيه وتواصلو معهم وارسلو لهم الضمان المالي ,,الملحقيه ابدا ماتطول يعني ارسلت يوم الاثنين وردو لي الثلاثاء

موفق

الله يعينك بالنسبه الى انا اخذ احتياطي من بدري استخرجه ضمان مالي عام وضمان مالي باسم المعهد .. ؟ وارسلت لهم الضمان العام ولسى ماردو على قبولي


والله يسهل امرك

انا نفسك
وراسلت الملحقيه من نفس الموضوع المثبت خذيت ايميلهم
والاخت حطت لك البيانات
راسلهم الامر جدا سهل