نوروني بتجاربكم وخبراتكم الله ينور عليكم..

السلام عليكم ورحمة الله وبركاته ....
وبعد..

انا مبتعثه على المرحله السابعه لامريكا مدينة سان انتونيو في ولاية تكساس ..

وموعد دراستي في 21 مايو


وانا مرافقي زوجي وعندي بنوته عمرها سنتين وحابه اخذ رايكم اخذها معي ولا اخليها وانا والحمدلله اقدر اخليها هنا ومتطمنه عليها وكما ن اخاف اخليها واشتاق لها ...
وااخاف تجيني حالة نفسيه ....
:(
فياليت اللي جربو وأخذا اطفالهم معاهم هل كان وضعهم تمام ولا الاطفال كانوا عائق لدراستهم بصراحه اخاف اخذها وما القي لها حضانه كويسه

ولما افكر بعقلي اقول اخليها ولما افكر بقلبي اقول اخذها واللي فيها فيها ... يعني انا محتاجه مشورتكم .....



والله يوفق الجميع...

ما عندي بنوته بس باحاول اساعدك في قرارك

كونك تسيبي الطفله او لاء احس يعتمد على
١\ عمرها
لو كانت لسع مرره صغيره ونومها مو منتظم او من الاطفال اللي يقلقوا في الليل ونومها مقطع فراح تجننك هناك

٢\مدى تعلقها بك
لو هيه مرره متعلقه فيك فراح تحسي بتانيب الضمير على طول وكل ما كلمتيها بينقطع قلبك ولا راح تركزي في مذاكرتك

٣\ وضعك المادي
لاحظي انو الحضانات هناك غاليه ولو تبغي خرجات وبسطه مع الدراسه يمكن تصعب عليك مع مصاريف الحضانه او لو كانت بنوتك لسع تلبس بامبرز
ومن ناحيه تانيه لو وضعك المادي حلو ممكن لو سبتيها وجاتك واجازه بين كوارتر وكوارتر تنزلي السعوديه على حسابك حق عشره ايام كدا

اغلب صحباتي يقولوا مواعيد الحضانات من ٧ ونص او ٨ الصبح الين سته المغرب فممكن تحطيها في الحضانه طوال دا الوقت وتكوني في المعهد وترجعي منو تذاكري الين موعد رجعتها البيت
بالنسبه للحضانات نظيفه او لاء تواصلي مع احد في نفس الولايه جربي تاخدي ايميل مسؤول النادي السعودي هناك لو فيه نادي وتواصلي معاهم

وبالتوفيق يارب

ملف مرفق 19560

http://www.mbt3th.us/vb/forum81/thread340779.html

مشكوره ياقلبي على كلامك الرائع ...ومن كلامك شكلي بخليها...الله يكون بالعون..

انا افضّل تأخذينها

لانك ماراح تركزين وراح تشتاقين لها اكيد
هذي بنتك ومستحيل ماراح تشتاقين لها .. والحمدلله مكافأتها محسوبه
يعني لاتشيلين هم
هذي وجهة نظري لان انا عندي بنت
عمرها شهرين ولا قدرت اتخذ قرار بتركها عند والدتي ..
والله ييسر لك امووورك

صعب السؤال ومؤلم ما اقدر اجاوب
بنتي ٣ سنوات

اول شي الله يوفقك

تاني شي بصراحة الاختيار صعب

لو تركتيها حتشتاقي لها , وممكن تتعب نفسيتك , هيا البنت نفسها راح تشتاقلك , وكمان ممكن مع الوقت تنساك او ممكن تصيري زي وحدة من خالاتها

برضو لو اخذتيها حتتعب شوية بس مو زي لما ما تاخذيها

انا انصحك تاخذيها

حسب خبرتي فالكثيرون من حولي مبتعثين ومعهم اطفال وقد لاحظت ان ذهاب الطفل مع والدية له ايجابيات كثيرة والافضل اخذ الطفل لان الفائدة ستعود على الأم والطفل في نفس الوقت

لذلك نصيحتي ان لا تتركي ابنتك .. وتذكري ان تكساس ولاية غير غاليه بالنسبة للحضانه وعما قريب ان شاء الله سيرفع مخصصات الاطفال المرافقين

بصراحه مادري ................؟بس افكر اني مخذها في البدايه بعدين اول مارجع مره ثانيه أخذها ....الله ييسر

ومشكورين على ردودكم ..وياليت اللي عندهم اطفال يشاركونا...