رايكم تختمت الفيزا وعلى وشك السفر على امريكا وتعينت مدرسه الحل

السلام عليكم ورحمة الله وبركاته بعد التعب والخساره من التقديم علىالفيزا الكنديه ورفضو يعطوني الفيزا وحولت على امريكا وطلعت الفيزا باقي قرار الابتعاث وامر الاركاب ونزل اسمي مع 28 الف معينه لوضيفت تدريس يوم السبت الماضي الحل اسافر واكمل دراستي ولى انتضر الوضيفه احسن ولى وش رايكم اباشر الوضيفه واخذ اجازه لمدة سنه او سنه ونص بدون راتب وسافر واكمل دراستي وهل يسمحون ليه ودعوتكم الله يكتبلي ويكتبلكم الخير

الف مبرووووووووووووووك ربي يوفقك دنيا وآخرة نصيحتي اختي استخيري صلي صلاة استخارة
اسأل الله ان يريك الحق حقا ويرزقك اتباعه
موفقة

صحيحة فاتتني الاستخارة
جزاك الله خير دمعة فرح

والله يا اختي خالتي طلع اسمها بالدفعة السابقة وراحت ودققت ولا وظفوها

واللحين طلع اسمها مرة ثانية وتدقيقها يوم السبت

البعثة بيدك وضامنتها خلي الوظيفة بالدرجة الثانية لكن ما راح يضرك شي اذا دققتي واستخيري قبل اي شي تسوينه

الله يوفقك

حبيبتي اعلان الاسماء للمطابقه
والترشيح لايعني القبول اقري فوق اعلان الاسماء وش مكتوب وبتفهميني

شوفي يالملكه عاد ما راح انصحك واقولك الوظيفه افضل من البعثه او العكس وبلا بلا بلا بلا ومن هالكلام لانه هذا شي راجع لك..
المشكله اللي انتي فيها مرت على اثنين من اصحابي ولقوا نفس الرد من وزاره التربيه والتعليم .. رد الوزارة لهم قالوا فيه
اذا الشخص لم يباشر ولا يوم في وظيفته لمده 14 يوم اسمه راح يرجع لوزاره الخدمه المدنيه وراح يدخل المفاضله مره ثانيه وهكذا .. يعني اذا جاء تعيينك وماتبغي الوظيفه لا تداومين ولا يوم .. ولا تفكرين وتقولين انه راح اداوم واقدم على اجازة استثنائيه لانه لو تبلطين البحر ماراح يعطونك .. واحد منهم ماداوم وفضل انه يكمل دراسته ولا احد كلمه من وزارة التربيه والتعليم والثاني تفزلك وراح داوم وعساس بياخذ اجازة استثنائيه والى يومك هذا وهو يحاول فيهم ورد الوزارة كالعادة بالرفض ... والله يوفقك

اختي اول شئ عليكي بالإستخارة

سؤالي لك ذهابك بعثه من اجل ماذا ؟
إذا كان الجواب من اجل الوظيفه فالوظيفه جتلك
والسؤال الثاني فلنفرض انك ذهبتي بعثه وخلصتي ورجعتي إلى المملكة
هل بتحصلين وظيفه على طول ؟
وكم راتبها؟
إذا كان تفكرين أنه أكثر من عشرة آلاف بقولك غلطانه ؟
من وجة نظري قبولك للوظيف افضل لك بكثير من الابتعاث والرأي لك

لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااا تعليق

حاس ان صاحبة الموضوع مخها وش وش

لان البعض طرح تجارب اشخاص ومواقف حقيقيه

الي حاب اقوله لك انسي كلام الناس وآآرائهم مهما كانت ايجابية او سلبية عليك

(((( الاستخارة ))))

ثم الاستخارة ثم الاستخارة

بعد ذلك شوفي قناعتك انتي بعيد عن قناعات الناس وكلامهم

الشي الي ترتاحي له انتي مو الناس ؟؟

توكلي على الله ثم عليه حتى لو لاقدر الله الشيء الي اخترتيه ماناسبك بعد كذا

لا تلومي نفسك وتندبي حظك ولاتقولي ياليت - لو

تأكدي تماما انها خيره من الله

بما انك استخرتي

بالتوفيق لك

الله يعينك حاسه فيك وربي استخيري ورددي دايم اللهم اني أعوذ بك من شتات الامر وضيق الصدر

والله يكتب لك الخير هو لو هالاسماء توظيفها مضمون قلت لك الوظيفه الوظيفه الوظيفه لكن مجرد ترشيح لا اكثر