اللي باقي ما خلص أوراقه في الإبتعاث وخايف تنلغي بعثتو
اللي باقي ما خلص أوراقه في الإبتعاث وخايف تنلغي بعثتو
تنبيه: هذا الموضوع قديم. تم طرحه قبل 4398 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " - انا للحين ماعندي قبول7 "
الوزاره تقول دبري نفسك والملحقيه تقول اصبري احنا بنجيب لك انتي ماتجيبي
بس الملحقيه التاريخ التقريبي للقبول مره بعيد - ياجماعه مو عارفه يعني مواعيد السفاره لمن تنتهي مافي مواعيد تانيه الا السنه الجيه ولا ايش ؟7 "
انا دوبو جاني قبول المعهد - طيب يا أختي نفرض مثلاً أنو حنا لسى بدينا في إحضار القبول والإجراءات وكل شي من جديد في نفس هالتاريخ 15 مارس 2012:-7 "
1/ إحضار قبول المعهد واي توني------- هذي تقريباً تتراوح ما بين أسبوع إلى أقل من شهر. على حسب المعهد وحسب التواصل يعني عن طريقك ولا عن طريق مكتب ولا عن طريق ملحقية وبرضو ما راح أقدر أقولك من اللي قي التواصل هل المحلقية أم المكتب ما أدري.
2/ نفرض أنك حصلتي على القبول والإي توني خلال 16 يوم يعني نص شهر المهم راح يبقى موعد السفارة في 9 أبريل 2012 يعني قدامك إلى شهر إلا أربع أيام على التلحيق على موعد السفارة.
3/ الفيزا الأغلبية يحصلوا عليها في أقل من أسبوع وبعضهم خلال يومين وبعضهم في وقتها لكن المهم انها ما تطول.
4/ أمر الإركاب برضو ما ياخذ منك يومين أو ثلاث أيام.
5/ التذاكر ما أدري والله بس أعطيها ثلاث أيام مثلاً.
6/ إصدار قرار الإبتعاث برضو ما ظنتي راح ياخذ وقت يعني نعطيه برضو ثلاث أبام.
أوك بس في هناك ملاحظة قبول الجامعة ما حسب حسابه لأن البكالوريوس لازم يجيب قبول لغة وجامعة.
وفي النهاية نحسب الأيام اللي استغرقت في إكمال جميع الأوراق كتقديرياً:-
القبول 16يوم + انتظار موعد السفارة 7 أيام+ الحصول على فيزا 7أيام+ الحصول على أمر إركاب 3 أيام+ الحصول على التذاكر 3أيام+ إصدار قرار الإبتعاث 3أيام = شهر وتسع أيام فقط لوصولك إلى بلد الإبتعاث. - لا يا أختي باقي عندك وقت على موعد السفارة وإذا مثلاً لا سمح الله فاتك الموعد عادي زي نظام المرحلة السادسة ما كان عندهم مواعيد زينا بس الوزارة حطوا للمرحلة السابعة مواعيد عشان يكون أسهل للمرشح فا يعني أنو عادي برضو يمديك تطلعي فيزا في خارج هذي المواعيد بس راح تطول شوي يعني يمكن كأقصى حد أنها راح تطول يمكن أسبوعين.7 "
- طيب يا أختي راح أعطيك رابط فيه معاهد أمريكا كلها فا أنتي شوفي الولاية اللي انتي فيها وراح تحصلي قائمة بالمعاهد اللي في هذه الولاية والمعهد اللي عليه لون أحمر هذا متكدس يعني ممتلي خلاص ههههه والمعهد اللي عليه لون أصفر يعني باقي له شوي ويتكدس أما اللي باللون العادي الأبيض هذا متاح وحاولي تتواصلي مع الملحقية ولا أنتي بنفسك ولا عن طريق مكتب تجسير ما أدري بس انتي وطريقتك.7 "
المعاهد المعتمدة والقبول الدراسي
طبعاً هذي المعاهد أو هذي القائمة راح تتحدث كل أسبوع فا لازم تشيكين عليها كل أسبوع هل معهدك تكدس ولا لا؟
هذا طبعاً في حالة المعهد ما رد لك خبر ولا باقي ما مشوا أوراقك أما إذا عبيتي الابلكيشن والأي توني راح توصلك خلاص لا عاد تشيكي على القائمة. - بااوروبا انا7 "
- مافهمت قصدك في نقطة ان ممكن مايتفهم سبب ان موعد الدراسة متأخر7 "
يعني انا وصلني الاي توني بحيث يكون تاريخ الدراسة 13 اغسطس
يعني بطلع قرار الابتعاث في شهر ٦ ميلادي ..
انتظر رد - السلام عليكم أختي7 "
قصدك الدكتور ماجد الحربي بالعكس أنا قلت أنه راح يتفهم أي سبب بس اللي قلته أنه ما راح يقبل العذر اللي يقول أنا والله ما سويت شي يعني من بعد الملتقى إلى انتهاء مواعيد السفارة ما سوى ولا حاجة.
أما أنتي لا عذرك معك أن موعد الدراسة متأخرة عندك
لأني أذكر يوم كنت عنده عشان الضمان المالي كان في واحد كبير في السن قال للدكتور ماجد الحربي أن بنتي موعد دراستها في سبتمبر وأخاف تلغو بعثتها عشان هالسبب قال الدكتور ماجد الحربي هل كان في مواعيد قبل هالموعد الدراسي قال الأخ اي كان في بس كان هذا الموعد المتاح لها للدارسة لأن المعهد عليه زحمة فا قال الدكتور ماجد قال خلاص أنت بس جب الأوراق حق المعهد وإذا راسلناك ليه أنت باقي ما أصدرت قرار ابتعاث راح تطرح لنا هالمسألة وخلاص تنتظر لين يجي موعد دراستها وتروح تدرس.
يعني بمجمل الكلام أن شخصية الدكتور ماجد متفهمة مرة بس الموظفين اللي عنده معليش همج
فا إن شاء الله أني وضحت لك النقطة وإذا أنا فهمت غلط وكان قصدك شي ثاني أو موضوع ثاني وضحي لي وأنا راح أفيدك باللي أعرفه ومتأكد منه. -
7 "
بمعنى وصول الاي توني تقريبا كم استغرق
موعد السفاره ؟ استخراج الفيزا _ رسوم السيفس كل شئ كم اخذ منكم ياريت تفصلون لنا بشكل تقريبي
عشان نحسب حسابنا