الأعضاء الإشتراك و التسجيل

الملتقيات
ADs

حوار ما هو هدفك من الابتعات ؟ دعوة للتصويت

حوار ما هو هدفك من الابتعات ؟ دعوة للتصويت


NOTICE

تنبيه: هذا الموضوع قديم. تم طرحه قبل 2134 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

مشاهدة نتائج الإستطلاع: ما هو هدفك من الابتعات ؟

المصوتون
107. أنت لم تصوت في هذا الإستطلاع
  • العلم

    53 49.53%
  • الشهادة

    21 19.63%
  • الحصول على وظيفة

    27 25.23%
  • تمشية وسياحة على حساب الوزارة

    5 4.67%
  • موضة ( كل زملاءك طلعوا قلت خلني اروح معهم )

    1 0.93%
  1. طبعاً الوظيفة بالمقام الأول ..........والاطلاع على الثقافة الأخرى والدعوة الدعوة الدعوة من وجهة نظري لا توزع مطويات ولا تدخل في جدالات عن الدين من غير علم
    ولكن التزم بتعاليم دينك في نفسك ومثله بشكل صحيح واجعل الابتسامه محياك لعل الله يؤجرنا على ذلك ويهتدي لهذا الدين العظيم خلق لاتعرفهم

    واعتقد الابتعاث حق بصراحه للجميع العلم حق للجميع لايمكن احتكاره على فئة دون اخرى المعيدين والمعيدات طالعين طالعين بفلوس الدولة والا برواتبهم غير ان هم هدفهم الترقية وزيادة الراتب ليس الكل هدفه العلم خاصة اللي كراسيهم تنتظرهم قبل لايتخرجون من وااااااو

    سبحان الله ممكن يكون همي السياحة والتقليد على قولتكم لكن لمن اروح هناك واشوف النظام واحتك بشعب عملي وجدي يشتعل الطموح عندي واصبح احسن من اللي همة وظيفة وترقية وأمان وظيفي دوام الحال من المحال ..........انا عايشة بين معيدات ودكتوراة وشايفة الوضع وللاسف مافي فرق بين اللي راحو برا واللي توهم معيدين ولكم البحث عن السبب ...........صار معروض صح هههههههه

    يعطيك العافية على الموضوع الحساس والله
    7 "
  2. موضوع رائع جدا ويستحق النقاش. اخوي البعثة فرصة ذهبية جدا ونادرة وفريدة من نوعها وإللي حصل عليها لابد ان يتمسك فيها بكل جوارحه لإنه رزق بنعمة حرم منها الكثيييييير من المتفوقين دراسيا. بالنسبة لي فرصة البعثة لم تكن لا على البال ولا الخاطر لكن الحمد لله على مارزقني. البعثة فرصة إن شاء الله بالنسبة لي لتغيير مسار حياتي وشخصيتي وصقل مهاراتي على المستوى الأكاديمي والعملي و الشخصي. طبعا دولة امريكا من ضمن الدول اللي تتنوع فيها ثقافات من جميع انحاء العالم وهذا ايضا بحد ذاته ميزة. نتعلم وناخذ ونفيد بنفس الوقت ونعكس كمان هويتنا واخلاقنا لمجتمع مختلف تماما هذا كمان هدف. طبعا الشهادة والعلم هدف اساسي لإنه بعلمنا راح نرتقي ونفيد بلدنا وانفسنا
    7 "
  3. ان شاء الله هدفي من الابتعاث حلمي بتحقيق شهاده الماستر في ارقى الجامعات الامريكيه واكون صوره جميله عن ديني وبلدي

    طبعا الوظيفه اللي راح اعيش انا واسرتي من خلالها عيشه كريمه خصوصا ان رواتب الشباب ما pاتسااعد الا على شقق الايجار
    7 "
  4. المشاركة الأصلية كتبت بواسطة غريب في الدنيا
    فكرتك رائعة
    طالما ان اغلب المبتعثين يشاهدون المنتديات العربية ويسجلوا ويكتبوا ويشاركوا قبل ابتعاثهم وبعده وتماشي ومطاعم وجلسات وسهرات وسواليف والتحدث باللغة العربية فتوقعي بأن نسبة النجاح لجميع المبتعثين لن تزيد عن 25% , واتمني ان تكون النسبة 100% ولكن الواقع يخالف التمني .
    ما اعتقد يا اخي الكريم اساسا حياتنا كبشر مقتصرة فقط على هدف معين او قعل معين يعني صحيح و طبعا ومما لا شك فيه إحنا نبغى نتعلم ونكتسب خبرات و نحتك بثقافات و نتعلم منها المفيد و نعكس شخصينا و هويتنا لكن مو معقولة إنه كمان نحبس انفسنا في البيوت وننكب على الكتب و بس!!!! على فكرة إللي يقول إنه انا بس رايح أو رايحة اتعلم واخذ شهادة وبس معناته حط حدود لنفسه لكن ما اعطى نفسه حقه تعرفوا ليش؟ لإنه النفس البشرية لها حقوق إنك تريحها وترتاح عشان تقدر تجدد طاقاتك لما تكون مستعد للدراسة يعني بصراحة لما طول الوقت كتب و لا طول الوقت احكر نفسي في البيت النفس راح تتعب و تنهلك من التعب. فأنا اقول إنه لازم عادي نخلي وقت نتعلم ونجتهد فيه و نخلي وقت نتمشى فيه ونخلي وقت نرتاح فيه المهم نعرف كيف ننظم أوقاتنا. للأسف وانا وحدة منكم واقولها عادي واعترفلإني بشر وعايشة في وسط للأسف ما يقدر أهمية الوقت اتمنى إني لما اروح هناك اتعلم كيفية إدارة الوقت وإنجاز الكثير من الأعمال في وقت قصير وبدقة لإنه لو تعرفوا يا حلوين إنه إدارة الوقت علم يدرس وخاصة في أمريكا عندهم Time is money!!!! و انا عن جد اتمنى اتعلم كيف ادير وقتي وا عيش حياتي و في نفس الوقت انجز يااااااااااااااااارب بارك لنا في أوقاتنا ادعوا معايا الله يرزقنا البركة في الوقت اللهم امين
    7 "
  5. صح مستحيل أحد يقول الحقيقه والله

    والأغلب تمشيه

    لكن أنا ماامدح نفسي جد جد العلم أنا عموما اقدم على كل مكان سواء بالمملكة أو برا المملكة وماجتني بداخل المملكة

    ربي كاتبها لي برا

    والحمدلله

    الشهادة ماتسوي شي من دون علم وظيفه وفي النهاية مثلك مثل الطاوله أنا دخلت جامعة الملك سعود والله والله دخلت قسم التسجيل أسألهم كيف طريقة التسجيل طالعوا ببعض وقالوا ماندري

    مكتب قبول وتسجيل وماتدرون ليش

    لأنها شهادة لكن من دون علم

    بصراحه أحسها فشيله امسك منصب واذا أحد سألني عن شي هو المفروض من اختصاصي أقول هاه ماادري


    وبيني وبينكم السبب الأهم لكلمة مااندري الوااااااااااااسطه ثم الوااااسطه ثم الواااااسطه الله يعافيها



    عموما الله يوفق الجميع


    ويعطيك العافيه على هالموضوع


    الدانه
    7 "
  6. الشهادة والعلم بالنسبة لي شي واحد ,, مو فاهمه ايش قصدك بالفرق بينهم !!
    بكل الاحوال .. انا اخترت الشهادة اولا لان وظيفتي اكاديمية وشرطها الابتعاث الخارجي
    ثانيا لاني ابي اغير طريقة التعليم الجامعي هنا ومابي اكرر الاخطاء اللي مارسوها دكاترتنا علينا مع طالباتي بالمستقبل

    بخصوص الناس اللي تقول موضة اول ماتشوف صعوبة القبول او المعيشة المكلفة بامريكا بترجع وتبطل دراسة
    اما السياحة والتمشية ماانكر ان هذا الشي موجود لكن تقدر تروح سياحة من غير الدراسة ووجع الراس حق البعثة والملحقية ,,
    بالنسبة لي قوة الجامعه وامان المدينة اهم بكثيييير من جو المدينة او اماكنها السياحية
    7 "
3 من 5 صفحة 3 من 5 ... 234 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.