ابي استخدم ( اكياس الضغط) للسفر... هل هو مسموح ولا لا؟؟ افيدووونا

السلام عليكم ورحمة الله وبركاته
تعرفون اكياس الضغط اللي بتخفف الوزن في الشنطه
هل في احد استخدمها؟؟ واللي عنده علم يفيدنا هل مسموح فيها عند التفتيش ولا لا؟
وجزاكم الله الف خير

للاسف ماعندي الخبر اليقين

بس فاجأتيني باستفسارك معقول تكون ممنوعه ؟؟ وش راح يكون السبب يعني

هذا وانا مشتري 2

على العموم ان شاء الله خير

ممتاز
وين احصلها اكياس الضغط هذي ؟؟
بالنسبه اذا انه ممنوعه او لا فماعندي خبر ؟؟

ياليت اذا فيه احد عنده خبر ( اكيد) يفيدنا
مع الشكر

اقتباس:

---

المشاركة الأصلية كتبت بواسطة ألحان

السلام عليكم ورحمة الله وبركاته
تعرفون اكياس الضغط اللي بتخفف الوزن في الشنطه
هل في احد استخدمها؟؟ واللي عنده علم يفيدنا هل مسموح فيها عند التفتيش ولا لا؟
وجزاكم الله الف خير

---

فكرتك حلوه اختي ماشاء الله

فين نلقاها اكياس الضغط وايش لونها

وربي يوفقك ويوفقنا

انا حطيت ملابسي الصوف فيها
ومره مااخذت حيز في الشنطه

مااتوقع ممنوعه وليش يمنعونها

اللي تسال وين تلقاها
تلاقيها في محلات الكماليات
في الرياض تلاقيها في الهزازي وعلى كيفك واحلى فرصه
وفيه منها احجام

وفكرتها جدا روعه ترتب الشنطه وتتيح لك فرصه تحطين كميه اكبر وانتبهو لاتزيدون عن الوزن المسموح

بالتوفيق وان شاء الله مهي ممنوعه خلوها على الله

وبالنسبة للشباب الي يسئلو عن مكان الاكياس

مثل ماقالت الاخت الي فوق

تحصلوها بأي محل كماليات

امرها سهل يعني مو هذاك الشي الي يصعب وجوده في المحلات

بالتوفيق لكم جميعا

معلومات جديده ومفيده اول مره اسمع فيها الله يعطيكم العافيه

اكياس الضغط

ياليت احد يسألنا احد بالشحن وأكد لنا بعض المعلومات عن استخدامها ...... إن شاء الله ليست بممنوعه نستكمل إنشاء الله معاكم المعلومات

لا مااعتقد ممنوعه ..
كلها كيس ليش يمنعونه ..

انا شريت منه 4 ومررررررررررررررررررره وفر مكان بالشنطه .. بالذات الملابس الثقيله والصوف صارت مرره مضغوطه وما أخذت مكان ..

انا شريتهم من ساكو .. اعتقد في بنده ومحلات الكماليات موجوده بوفره ..

اكياس الضغط جدا عمليه وتنفع بكثير
انا مفكر ان شاءالله اخذ منهم

وهذا مقطع فديو للي يسأل عنهم
‫اكياس الضغط والتخزين‬‎ - YouTube


بالتوفيق للكل

أكياس الضغط فقط لتقليل الحجم وليس لتقليل الوزن
انتبهوا للوزن الزائد