وش سالفة رقم الاستمارة (( كل شوي يتغير ))
ياجماعه تحملوني كثرت عليكم استفسارات
بس في شي رافع ضغطي انا مخلص جميع بيانات الاستمارة وحفظتها وماطبعتها
جيت اليوم دخلت الموقع وفتحت الاستمارة القديمة طلع لي رقم استمارة يختلف عن رقم الي شفته قبل كذا
وبعدين قلت بدخل مره ثانيه بشوف الرقم بيتغير ولا لا ؟؟
المهم دخلت مره ثانيه وثالثه ورابعة وكل ماادخل الرقم يتغير عن الي قبله
وش السالفه احس الاستمارة فيها غلط ؟؟
نعيدها طيب ولاشلون
اتمنى الافاده
رد: وش سالفة رقم الاستمارة (( كل شوي يتغير ))
قصدك استمارة التأشيره؟
اذا هذا قصدك عادي انا صارت معي وكل مادخلت حفظت الرقم الجديد
آخر رقم هو المهم بعد ماتخلّص كل بياناتك وتطبعها
بالتووفيق الله ييسرلك
رد: وش سالفة رقم الاستمارة (( كل شوي يتغير ))
اي استماره قصدكD- 160 !!
اذا هي ايوه يتغير الرقم في كل مره بعد ما تسوي حفظ عادي
في الاخير اذا انتهيت وطبعت الورقه يطلع لك رقم التاكيد وخلاص عادي ما فيه مشكله
رد: وش سالفة رقم الاستمارة (( كل شوي يتغير ))
اي بعد نسيت اقلك شي بعد ماتحفظ بياناتك
وترجع تدخل مره ثانيه اتأكد من كل البيانات لأن بعضها ينحذف
رد: وش سالفة رقم الاستمارة (( كل شوي يتغير ))
اشكركم على الردود
بس والله مشكلة بصراحة انا حفظتها من اول
وجيت اليوم افتح الاستمارة اراجعها طبعا نا راجعتها قبل يمكن 4 مرات
اتفاجأ اليوم بسؤال متاكد اني جاوبته قبل
لقيته غير مجاوب والي هو سؤال تاريخ الاقامة بامريكا وكم بتجلس في امريكا واسم الشارع والولاية والمدينة هذي كلها انحذفت ؟؟؟
طيب ليه هالحركات
وش الحل تشوفون
كمان عندي سؤال مهم
انا الحين ايش الشي الي اطبعه في الاستمارة
رقم التاكيد بس
ولا اطبع كل صفحة بالاستمارة
انا اشهد اجراءات البعثة ترفع الضغط وتجيب انواع النفسيه مع ذلك بنصبر ونقول يارب يسرها
بالتوفيق للجميع
رد: وش سالفة رقم الاستمارة (( كل شوي يتغير ))
وانا معك مو بس ترفع الضغط إلا تكره عمرك والحمد لله ع كل حال
شوف نفس الشي حصل معي كل مادخلت القى بيانات محذوفه معليش ارجع عبيها مره ثانيه
وهم مايحتاجون للطباعه إلا الصفحه اللي فيها صورتك والباركوود بس
اذاانت تبي تطبع كل الصفحات عادي مو مشكله بس ماراح تحتاجها
بالتوفيق يارب
رد: وش سالفة رقم الاستمارة (( كل شوي يتغير ))
بالتوفيق لك اختي مشكورة
الله يعين ويوفق الجميع