تأجيل الابتعاث ( امريكا )
السلام عليكم ورحمة الله وبركاته :
حبايب قلبي انا عضوه جديدة ف هالمنتدى اللي صدق صدق مفيد ويجنن ..
ابي منكم مساعده والله اني بحال مايعلم فيه الا ربي :(
حابّه استفسر عن موضوع تأجيل بعثتي لـ آمريكا ولاية بنسلفانيا ( مدينة إنديانا ) ..
الله يسعدكم افيدوني جدا محتاسه ومابقي لي وقت كثير
تقريبا انا ماشيه بإجاراءات الفيزا بهالوقت ..
واخذت موعد لها
لاكن ظروفي ماتسمح لي اسافر الحين :( !
ونويت تأجيل بعثتي
اللي عنده خبره الله يسعده يفيدني وش اسوي
- اطلب تأجيل البعثه من مين ولازم اكلم الوزاره او لا ؟!
- اذا اجّلت بعثتي بهالفتره اقدر اكمل على اجراءات الفيزا اذا تحسنت ظروفي بأي وقت ابيه ؟
ولا من جديد راح ابدأ بكل الخطوات اللي فاتت ؟ يعني ارجع اختار موعد من جديد لمعهدي وارجع ادفع رسوم للمكتب انه يجيب لي هالقبول ولا كيييييف ؟
لاني تعاملت مع مكتب التجسير عشان يجيب لي قبولي ف احس اني حايسه ومو فاهمه وش الترتيبات بعد التأجيل :( !
علما بأن موعد دراستي بالمعهد راح يبدأ شهر 7 هجري !
تكفففوون افيدوني وصدقوني راح ادعيلكم من كل قلبي ..
* انتظر ردودكم يارب يارب :( !
رد: تأجيل الابتعاث ( امريكا )
الله يعينك كلنا في الهوا سوا وربنا كريم يفرج الهموم يارب
رد: تأجيل الابتعاث ( امريكا )
شوفي متى الموعدالثاني حق الدراسة يمكن يناسبك وسوي الفيزا عليه
اذا بتأجلي لمدة طويلة لازم تجيبي عذر مقنع للوزارة عشان ماتروح عليكي البعثة
رد: تأجيل الابتعاث ( امريكا )
نظاما يحق لك التاجيل ستة شهور