الأعضاء الإشتراك و التسجيل

الملتقيات
ADs

معاناتي مع الوزارة ...!! :(

معاناتي مع الوزارة ...!! :(


NOTICE

تنبيه: هذا الموضوع قديم. تم طرحه قبل 2128 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Na9o0oR
    Na9o0oR

    مبتعث جديد New Member

    Na9o0oR الولايات المتحدة الأمريكية

    Na9o0oR , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى طب , بجامعة FERRIS STATE UNIVERSITY
    • FERRIS STATE UNIVERSITY
    • طب
    • ذكر
    • Big Rapids, Michigan
    • السعودية
    • Dec 2011
    المزيدl

    March 25th, 2012, 11:37 PM

    السلام عليكم

    مساء/صباح الخير

    يمكن عنوان الموضوع البعض يحسه قوي ..
    بس والله من اللي سووه فيني ... اللي هي الوزارة ..
    بدت المعاناة من بعد الملتقى اللي حضرته في الخبر ...
    بالتحديد بعد ما حولت من دولة المانيا الى دولة التشيك !!
    بعدها بفترة ارسلت لهم الايميل التالي : January 06, 2012




    السلام عليكم
    انا طالب مرشح لدراسة الطب في دولة التشيك ..
    والى الحين ما جاني قبوول ...

    فــ يا ليت تساعدوووني وتقولون لي متى بجيني القبوول

    او حتى على الاقل تحطوني في الصورة
    ابي اعرف وش صار علي ..
    وشكرا



    وجاء الرد منهم في اليوم التالي : January 07, 2012






    وكالة الوزارة لشؤون الإبتعاث
    ( برنامج خادم الحرمين الشريفين للآبتعاث الخارجي )






    بالنسة لطلاب مرحلة البكالوريوس تخصص ( الطب ) ستقوم الوزارة بتأمين القبولات الدراسية وتسليمها للطلاب وسيتم ابلاغكم برسالة نصية للحضور واستلام القبول وخطاب السفارة








    قلت اوك ننتظر ما عندي مشكلة ...
    بعد الايميل اللي ارسلته بشهر تقريبا ...
    ارسلت ايميل ثاني يقول : February 05, 2012






    اخوآآآني في الوزارة الله يعطيكم العافية...

    انا صار لي اكثر من شهرين ما جاااني لا لم ولا خبر

    انا : ناصر سعد ال شيبان

    تم ترشيحي - التخصص: الطب
    الدولة: التشيك
    رقم الترشيح : B00176

    رقم الطلب : KAB7001355

    رجاء خآآآآآص قولولي متى بجيني قبوول الجامعة ...

    مليت من الرسالة اللي تقول " انتظر حتى نرسل لك القبول لى الايميل "

    طيب متى !!! عطوووني مدى علشاان اكوون في الصورة ..


    ارجو منكم الرد ...








    وجاني الرد : February 06, 2012








    وكالة الوزارة لشؤون الإبتعاث
    ( برنامج خادم الحرمين الشريفين للآبتعاث الخارجي )
    وسيتم ابلاغكم برسالة نصيه عن طريق الجوال
    والبريد الالكتروني باستلام القبول الدراسي والحضور للوزارة لاستلام خطاب السفارة
    عليك الانتظار فقط









    لا حظو وركزو في الكلمة الاخيرة ( عليك الانتظار فقط ) ... حلو قلت ما عليه انتظر ما فيه مشكلة

    وبعد ما حسيت باليأس تجاه الوزارة ... قلت خلني اتواصل مع الملحقية في النمسا بحكم انها المسؤولة عن طلاب التشيك ...

    ارسلت لهم ايميل اقول فيه يعني هل اسمي وصل لكم من الوزارة ولا لآ .... وشوفو وش الرد اللي صدمني !!!







    عزيزي الطالب
    طلاب المرحلة السابعة تم اصدار قبولاتهم وانهاء اجراءاتهم وارسلت للوزارة أما مايخصك فاسمك ليس موجود في قائمة الدفعة السابعة التي ارسلتها الوزارة الى الملحقية لذا عليك التأكد من الوزارة فقد يكون ترشيحك في جهة أخرى
    تمنياتي لك بالتوفيق
    مع اطيب التحية والتقدير
    محمد الرشيد
    الملحقية الثقافية بالنمسا









    شفتو كيييييف !!! اسمي لم يكن من ضمن القائمة !!!

    ومن بعد الايميل هذا على طووول مشيت للرياض لمقر الوزارة ... وكالة شؤون البعثات اللي في حي الغدير ...
    ودخلت على المستشار واول ما قلتله عن الايميل اللي وصلني انصدم !!! وقال ما يصير كذا .. وراح يدور اسمي بين القبولات اللي وصلت لهم من الملحقية ...
    بس ما لقااااه ... وهذا المعروف ان اسمي مو موجود ...
    وقال لي بكل بساطة .. " انت محول من المانيا الى التشيك في شهر 12/2011 << اللي هو وقت الملتقى !!!
    وقال الاسماء رفعناها بعد رمضان !!! يعني بعد انتهاء التسجيل ...
    وقال لي " خلاص انا برفع اسمك الى الملحقية علشان يجيك قبل ... واذا ما جاك قبول راح نحولك على امريكا لدراسة العلوم التطبيقية !!! "

    طيب انتو كذا ضيعتوا علي سنة كاملة ... وراح تحطمون طموحي اللي هو دراسة الطب وراح تخلوني ادرس العلوم التطبيقية ...

    انا اللي ابغا اوصله لكم ...

    " شكرا وزارة التعليم العالي "


  2. الله يكووووون بعونك ويصبرك على بلوك الوزاره ذي بلوى عسى ان تحبو شيئا" وهو شرا" لكم وان تكرهو شيئا" وهو خيرن لكم


    عسى تكوون خيرررره ان شاء الله خيرررررره بس انت لاتقهر نفسك

    ماتدري الخير والخيره وين




    يمكن ربي مختار لم شي ازين من خيارك لنفسك
    ا
    7 "
  3. ^^^
    راسل الملحقية وبالذات من عنده خلفية سابقة عن موضوعك مثل محمد الرشيد!
    وضعهم في صورة ماحصل لك من البداية الى النهاية!! لعل وعسى يهتمون في تدبير القبول لك وارساله للوزارة باسرع وقت ممكن!!!
    ولا سمح الله ماجاك قبول لا تقبل بالتحويل لأمريكا وأرفع موضوعك لأعلى مسؤول لأن هذي غلطتهم هم ولا لك أي ذنب في كل ماحصل!!!!!
    وفقك الله وسخر لك من يساعدك في موضوعك،، تحياتي.
    7 "
  4. وربي مرررررررررة قهر حرام عليهم
    انا انقهرت مرررة لمن اسقطوا اسمي من السفارة الكنديه واخرو دراستي وخسروووني بسبب غلط موظفيهم
    فكيف انت اللي غيروا وجهتك بالكامل وتخصصك
    الله يعينك اخوي ويختااار لك الطيب
    7 "
  5. الله يعطيكم العافية ...
    وشكرا على مؤازرتي ...
    والحمدلله بعد ما قريت كلامكم اللي فوق حسيت بتحسن في الحالة النفسية بعد ما كنت متحطم ...
    الا بالعكس عطيتوني دافع اني ما استسلم ابد ولا اخضع لهم ...

    تحياتي ومشكووورين حبايبي ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.