السفاره الامريكية الرياض , أجراءات موعد المقابله ؟!
،
السلام عليكم ..
حبيت أستفسر منكم بخصوص وقت المقابله .. موعد مقابلتي 8 ونص ..
حابه أسأل كم يستغرق وقت المقابله تقريباً عشان الحجز على الرحلات لآني ابي اطلع من السفاره على المطار برحلة الظهر, مابي اتاخر للرحلة المغرب
* كم الوقت التقريبي للمقابله ؟؟
* نصيحتكم متى احدد موعد رحلة العودة ؟
* سؤال شاطح / عادي الليموزين يدخل من نقطة التفتيش السفارات او لآ ؟
،
رد: السفاره الامريكية الرياض , أجراءات موعد المقابله ؟!
وعليكم السلام اختي
وقت الموعد علي حسب الزحمة موعدنا مااخذ ساعه بس وكان فية مراجعين مو كثير يعني مع تساهيل ربك ساعه ونص بالكثير وانت خالص وطالعه من حي السفارات اهم شي راجعي اوراقك اكثر من مرة وكل شي جيبه معك لاتقولي ماله داعي وش خسرانه خذيها معك بالشنطة
التكسي اية عادي بس خذي بالك التكسي ينزلك ويطلع ومن الصعب تلاقي تكسي وقت الخروج يعني خلية ينتظرك بالمواقف تبع السفارة
والله يوفقك ويسهل لك
رد: السفاره الامريكية الرياض , أجراءات موعد المقابله ؟!
من ساعه إلى ساعتين على أكثر تقدير
وأنا أنصحك تخلي طيارتك من 12 وورى
إحتياط يعني على ما توصلي للمطار وكذا
وموفقه إن شاء الله خيتووو
رد: السفاره الامريكية الرياض , أجراءات موعد المقابله ؟!
انا موعدي كان ١٠ ودخلت ٩ وخلصت ١١ وشوي
بس كان زحمة مرة يعني ١٠ كنت توني اسلم اوراقي يعني ساعة لما جا دوري دقايق ورحت بصمت بعدين ربع ساعة وسويت المقابلة
روحي مبكر واهم شي استعجلي فاخذ الرقم
بالتوفيق
رد: السفاره الامريكية الرياض , أجراءات موعد المقابله ؟!
مشكورين يعطيكم العافيه ..
الله ييسر لكم كل أموركم ..