مشكلتي مع فيزا الوالد و الضمان المالي

السلام عليكم و رحمة الله و بركاته

أنا مشكلتي مع الضمان المالي أول ماوصلني وصل باسم جامعة فيرجينيا و طلبت تغيير الضمان باسم جامعة ماريلاند لأني سمعت إنه جامعة فيرجينيا حدث فيها حادثة إطلاق رصاص و ووفاء رجل شرطة و خفت منها, لكن لما قرأت شروط جامعة ماريلاند طالبين درجة التوفل 100 أما فيرجينيا طالبين 80 ممكن أجيبها باذن الله و كل الجامعتين موصى بها في تخصصي و الكل قال لي غيري على فيرجينيا و راسلت الوزارة بخصوص الضمان كل مره يرسلوا لي إنه الجامعة متكدسة و ابحثي عن جامعة أخرى غير متكدسة مع إني أرسلت لهم صورة من القبول, سؤالي:
هل إذا رحت للوزارة في الرياض و قلت لهم يغيروا الضمان هل بيوافقوا يغيروه ؟
و على مشكلة الفيزا أنا الحمد لله طلعت فيزتي بعد يوم أما الوالد قالوا له بعد 3 أو 4 أسابيع و قلنا له إنه موعد الدراسة يوم 21/05/2012 يعني بعد 6 أسابيع تقريبا وقال ( ما نقدر أقل من كذه و بنعمل على إسراعها قدر المستطاع ) و أخاف الوزارة تردنا في قرار الإبتعاث هل في طلاب واجهوا نفس مشكلتي, اللي مر بتجربة مشابهة يفيدني
الله يوفقكم و يجزاكم كل خير.

كل اللي زيك ما اصدروآ لهم قرار ابتعاث بالنسبه للضمان ما أضن يغيرون لجامعه متكدسه
وفي أكثر من موضوع نزل يتكلم عن هالمشكله!!
صراحه ما الوم الوزاره ليه تتصرفون من راسكم !! جيبي قبول على نفس الضمان المالي
مكدس دوري غيرها سياسه اننا نحط الوزاره أمام الامر الواااقع هذي انسيها
بتروحين الوزاره بيرفظون يصدرون لك القرار وترجعين في قروشه القبول من اوول وجديد
أتمنى يمشي موضوعك بس كل اللي مروآ بنفس حالتك وقرأت مواضيعهم رجعوأ يجيبون قبول من اول وجديد
لاتحاولين مع قسم النساء بالمررره مارح تطلعين بنتيجه خلي الوالد يروح قسم الرجال أزين لك

بالتوفيق

جزاك الله كل خير و الله يوفقك يا أختي
و أنا جبت القبول من الجامعتين قبل التكدس طبعا و الظاهر إنهم يحسبوا إني جيبتها بعد التكدس
طيب لو بغيت من ذلحين أصدر القرار من الوزارة بالرياض قبل و صول فيزا الوالد هل أقدر عشان لو رفضوا يمديني أغير التأشيرة ؟

لا يا أختي ما يمديك تصدرين القرار من غير تأشيرة الوالد <<<لو ولد عدي بس عشان المحرم
هذا الموضوع فيه متطلبات اصدار قرار الابتعاث
http://www.mbt3th.us/vb/forum149/thread335228.html

الواجب عليك الان ابوك يروح الوزاره فرع الرجاااااااال يطلب منهم ويترجاهم بالطول بالعرض يغيرون المعهد
عشان اذا رفظوآ الله يعينك تبدأين من جديد!!!!!!!

شكرا يا إيمو ما قصرتي الله يوفقك في دراستك يا رب
بس معليش ممكن تفيدوني لو أصدر قرار الإبتعاث هل لازم أروح للرياض عشان أستلمه و إلا همه يرسلوها لي بالإيميل أو بالبريد
و شكرا للجميع.

العفوو
الموضوع اللي عطيتك رابطه فيه الخطوات عن طريق الايميل بس ما ادري اذا يتأخرون بالرد او لأ
حسب وقتك اذا مستعجله روحي الرياض واذا اوراقك كامله تاخذينه بدقايق


بالتوفيق

الله يعينك وبوفقك قل امين

شكرا جزاكم الله كل خير و الله يوفق جميع المبتعثين و المبتعثات