تأجيل الدراسة..رجاءا الرد:(

السلام عليكم جميعا...

أنا حقول بإختصار ايش الي بيسير معايا..دحين انا قدمت على المعهد وخلاص استلمت الاي تونتي وكل شي الحمدلله والجواز الامريكي جاهز
بس للان ماارسلت قرار الابتعاث لانو سارلي ظروف انو محقدر اسافر الفترة دي...وسمعت لو جالي قرار الابتعاث وماسافرت خلال 3 شهور حتتلغي البعثة
نهائيا وأنا طبعا ماأبغى دا الشي...

سؤالي انا بس ابغى مهلة بالكتير سنة فهل اراسل المعهد اللي المفروض دراستي تبدأ في 14 ماي انو ابغى مهلة كمان ولا أكنسل المعهد وأدور على
معهد تاني بعدين؟؟؟

أنا ماأبغى أحتك مع الوزارة عشان متأكدة انهم حيتلككولي ف أكيد أحد يعرف ايش الاجراءات لتأجيل الدراسة وسمعت اني احتاج اي تونتي جديد
لو اجلت فقط لا غير...!

اتمنى أشوف جواب يبرد قلبي الله يوفقكم يارب

طبعاً أو شيء تسويه إنك تجيب آي توني جديد بالموعد اللي تبغاه بعد ٩ شهور أو سنة
سواء بنفس المعهد الحالي أو تشوف لك معهد جديد والأفضل بنفس الولاية عشان ما تضطر تطلّع الفيزا من جديد ..

أما بالنسبة للوزارة كلامك صحيح إنه بعد ثلاث شهور إذا ما سفرت راح تتغلي مثل مو مكتوب .. لكن اللي أعرفه إنه لازم تراسلهم وتقولهم حصلت لي ضروف وأبغى أأجل البعثة إلى التاريخ المحدد وتذكر لهم العذر اللي منعك
وأعتقد والله أعلم إن الأمور سهالات وما راح يدققوا كثير خصوصاً إن كل أمورك جاهزة يعني مسألة التأخير إذا كانت بعذر أكيد راح تمشي بسهولة
أعرف شخص نفس وضعك وأجّل بعثته زيادة ثلاث شهور لأن رسب بمادة بآخر ترم في الجامعة وكان إختبار الدور الثاني بنهاية الإجازة ، فـ راسل الوزارة وأجل البعثة إلى بعد الإختبار ومشيت أموره بدون تعقيد
وحتى لو عقدوها .. لا تيأس! لما تنتهي ظروفك وتكون جاهز للسفر قدم من جديد على قرار إبتعاث وأرفق مع الأوراق خطاب (تعرف كل الدوائر الحكومية هذا شغلها ،خطابات رايحة جاية!)
إكتب في الخطاب كل أعذارك ، تنظر فيه اللجنة إذا إقتنعت بعذرك بيصدروا لك قرار إبتعاث من جديد ، إذا ما مشيت .. أمرك لله (:

وإن شاء الله يرد عليك واحد بنفس وضعك يعطيك العلم الأكيد!
موفّق ،

أول شي أنا مرة أشكرك على الرد بس أنا إن شاءالله موفقة مو موفق:)

وتاني شي هو انا الحمدلله لسه ماارسلت على قرارا الابتعاث كنت ابغى ارسل بس لما سمعت هرجة انو خلال 3 شهور خفت..

ف يعني اهم شي انو المراسلة تكون بيني وبين المعهد مزبوط؟؟؟ يعني مو لازم ابلغ الوزارة ولا المحلقية.!!

واصلا انا ماعندي فيزا لاني مولودة في امريكا بجواز امريكي والاي تونتي من المعهد بآخذو طبعا بإتفاقية معاه..بس أهم شي الوزارة ماتتساءل انو
ليش أأجلت الدراسة هو دا الي شايلة همو بصراحة!

اقتباس:

---

المشاركة الأصلية كتبت بواسطة نووون

أول شي أنا مرة أشكرك على الرد بس أنا إن شاءالله موفقة مو موفق:)

وتاني شي هو انا الحمدلله لسه ماارسلت على قرارا الابتعاث كنت ابغى ارسل بس لما سمعت هرجة انو خلال 3 شهور خفت..

ف يعني اهم شي انو المراسلة تكون بيني وبين المعهد مزبوط؟؟؟ يعني مو لازم ابلغ الوزارة ولا المحلقية.!!

واصلا انا ماعندي فيزا لاني مولودة في امريكا بجواز امريكي والاي تونتي من المعهد بآخذو طبعا بإتفاقية معاه..بس أهم شي الوزارة ماتتساءل انو
ليش أأجلت الدراسة هو دا الي شايلة همو بصراحة!

---

بالضبط ، المراسلة تكون بينك وبين المعهد عشان تجيبي آي توني جديد في الموعد اللي تحددينه
والأفضل إنك تنسي أمر الوزارة .. (أتكلم بناء على اللي صار معاي أنا شخصياً)
بعد ما تطلعي الآي توني الجديدة .. وقبل الدراسة بثلاث شهور أو شهرين تقدمين على طلب قرار إبتعاث
إذا سألوكِ عن التأخير إكتبي لهم خطاب تشرحي فيه سبب التأخير ، وأنا اللي صار معاي إنه جيتهم متأخر أكثر من سنة وما سألوني ليش متأخر ، وقبل شهر ونص بس طلّعنا القرار وسافرنا
أختي من المرحلة السادسة وكان المفروض تسافر من زمان ، بس بسبب المرافق تأخرنا كثير ولما جهزت أمورنا وقدمنا على طلب قرار إبتعاث على طول طلعوا القرار بدون أي نقاش

وعذراً أختي ما إنتبهت إنكِ (أخت) كريمة وليس (أخ) كريم (:
موفقة يا رب ،،

مررررررررررررة شكرررا الله يوفقك ويسعدك ياارب دنيا وآخرة ويبشرك بالخير زي مابشرتني:)