عاجل : بالنسبة لأفضل حجز طيران على أمريكا ..نصايحكم و إرشاداتكم
السلام عليكم و رحمة الله و بركاته
أسعد الله أيامكم بكل خير ...
وش تنصحوني بأفضل طيران " السعوديه - الإماراتية - القطريه " ؟؟
و هل صحيح أني أقدر أحجز على أي خطوط من الطيار على حساب وزارة التعليم العالي ؟؟
واللي جرب الخطوط السعوديه أتمنى أنه يفيدني عن الدرحه السياحية كيف مستواها ؟؟؟
أنا معاي اثنين " المدام - و طفلي "
وبصراحه ما ابي اتهجول ؟؟ إذا الخطوط السعوديه مريحه فأنا راح اركبها و إذا غير مريحه فأرجو إرشادكم لي
كل الود
رد: عاجل : بالنسبة لأفضل حجز طيران على أمريكا ..نصايحكم و إرشاداتكم
والله يا اخي انا مسافر على تكساس باذن الله يوم 10 مايو
سالت واستفسرت وقالوا لي ان الخطوط للاماراتيه الافخم
ولكن لما شفت الحجز لقيتها متعبه ومدتها طويل
تسافر من السعوديه على دبي ونتنظر ساعتين ونصف
وبعدها تقلع على دلاس وتنتظر اربع ساعات اجراءات الوصول
وبعدها تقلع على اوستن في تكساس
يعني متعبه مره اجلس في موضوع السفر اكثر من 19 ساعه
ولكن لما شفت الخطوط السعوديه لقيت من جده لواشنطن
ومن واشنطن لاوستن على طول
انتظار اربع ساعات فقط
والاماراتيه ما فيه لواشنطن
فمتعبه بما ان معكم طفل
هذا الي انا سويته واسال الله لك الافضل
وما ادري اسال وشوف يمكن تلاقي الي يفيدني ويفيدك
يعني باختصار شوف الي وقتها اقصر وهذي نصيحه
والله اعلم
تحياتي لك
رد: عاجل : بالنسبة لأفضل حجز طيران على أمريكا ..نصايحكم و إرشاداتكم
خذ نصيحتي ياخوي وتوكل على الله
الخطوط السعودية وبالك مرتاح وترى الخطوط السعودية فالرحلات الدولية الطويلة جدا ممتاازة ومريحه
وبالنسبه للحجز روح الطيار ومعاك صوره من قرار الابتعاث والجوازات
يحجز لك على اي خطوط تبيها ويقولك تعال بكرة استلم التذاكر
اصلا انت لما تروح الطيار تلقى قسم خاص لوزارة التعليم العالي للطلاب المبتعثين
من جدة الى واشنطن 13 ونص
وبالتوفيق للجميع
رد: عاجل : بالنسبة لأفضل حجز طيران على أمريكا ..نصايحكم و إرشاداتكم
ممكن التعب في الخطوط الثانية انك بتروح لعاصمة الدولة..
يعني الامراتية لازم تروح دبي..
بس انا اشوف انها افخم بمراااااحل واريح من نحية الكراسي والترفيه والاهتمام..
انا سافرت على الاثنين لماليزيا وفرق السما عن الارض..
الامراتية قمة في الراحة والمتعة..اما السعودية كأني مسافر على مصر ولا على الاردن..
والله اعلم كيف طيرانها على اوربا وامريكا..
لكن عن نفسي حجزت على الامراتية..
رد: عاجل : بالنسبة لأفضل حجز طيران على أمريكا ..نصايحكم و إرشاداتكم
لو كنت بتستمتع بالرحلة وماعندك مشكلة تقضي يوم كامل بالجو شوف أي طيران غير الخطوط السعودية
أما لو يهمك توصل بأسرع وقت وبدون لكلكه وإجراءات تقرف (وهذا اللي أتوقعه غالباً) فعليك بالخطوط السعودية
من السعودية لواشنطن أو نيويورك مباشرة لا يمين ولا يسار ومن هناك طيران داخلي على مدينتك والسلام
رأيي الشخصي لا بديل عن الخطوط السعودية ((خاصة)) وأن لكل رحلة موظف من الملحقية ينتظر بالمطار لإرشاد الطلاب المبتعثين
لأن جدول الخطوط السعودية ورحلاتها عندهم ومبرمجين عليه .. أما الخطوط الأخرى ما راح تلاقي أحد غالباً ينتظرك بالمطار
بالتوفيق للجميع إن شاء الله
رد: عاجل : بالنسبة لأفضل حجز طيران على أمريكا ..نصايحكم و إرشاداتكم
الله يسعدكم يارب ...
قسم بالله أنكم ريحتوني
قررت التالي :
بحجز على الخطوط دايركت من جده لواشنطن درجة إقتصاديه
اللي بين السياحية و الأولى و أدفع فرق 2500 ريال فقط ...
طيب هل كراسي الخطوط تقلب سرير و فيها شاشات أو لا ؟؟؟
كل الود يا الغاليين
رد: عاجل : بالنسبة لأفضل حجز طيران على أمريكا ..نصايحكم و إرشاداتكم
هلا بك ياغالي
والله الخطوط السعودية في الرحلات الدوليه ممتازه واهتمامهم بامريكا واوروبا اكثر
والي يريحك اكثر ان المده اقل ولا فيه ترانزيت متعب
الاماراتيه ترانزيت في دبي
والقطريه ترانزيت في الدوحه
والتركيه ترانزيت في اسطنبول
خاصة عائله لابد انك تأخذ رحله دايركت .. انا عن نفسي ان شاء الله على السعودية والا كنت ناوي القطريه لفخامتها
بالتوفيق لك والله ييسر لك امرك
رد: عاجل : بالنسبة لأفضل حجز طيران على أمريكا ..نصايحكم و إرشاداتكم
انا على الخطوط البريطانيه من جده الى لندن ترانزيت ساعة ومن لندن الى مدينتي (سان دييقو ) مدة الرحله كلها ١٩ ساعة أقصر رحلة في الخطوط كلها
رد: عاجل : بالنسبة لأفضل حجز طيران على أمريكا ..نصايحكم و إرشاداتكم
أنا ان شاء الله البريطانية
جدة لندن ٧ ساعات
ترانزيت ٣ ساعات ونص
لندن بوسطن ٧ ساعات
وساعة بالتكيس لمدينتي ان شاء الله
١٧ ساعة ونص وبدون طيران داخلي وقلق العفش
نصيحتي اذا لقيت ترانزيت في اوروبا وعلى مدينتك على طول لا تتردد بريحك كثير
وعشان تعرف كل الرحلات ادخل على موقع الطيار واكتب مطارك الاول وآخر مطار اللي في مدينتك وشوف خط السير لكل الخطوط واختار الافضل لك
رد: عاجل : بالنسبة لأفضل حجز طيران على أمريكا ..نصايحكم و إرشاداتكم
بالنسبة لكراسي الاقتصاديه ميزتها انها اعرض من السياحي ب20 سم تقريبا. وجلديه مريحه + تتمدد كسرير بنسبة 80 %
لو كانت الفلوس ماتفرق معاك ادفع لكن لو تفرق ترى 2500 ريال تمشيك شهر (لو لاقي سكن طبعا)