استخراج قرار الابتعاث في وقت ضيق

بسم الله الرحمن الرحين

يا شباب .... انا صارت لي قصه وعندي كم استفسار وبغيت اعرف شنو اسوي حالياً
هذي قصتي

بحمد الله انقبلت في البرنامج في المرحلة 7 لمرحلة الماستر
واخذت الضمان المالي وقدمت على معهد وصلني القبول بالاضافه للـ I-20
ودفعت رسوم الـ SIVES و خلصت فورم DS-160
وما باقي الا اني اطلع الفيزا واطلع قرار الابتعاث واتكل على ربي

وقبل لا احجز موعد فالسفارة انقبلت في بنك ورحت المقابله ومشت اموري عسل على عسل
بس كنت انتظر متى ابدي العمل وحطيت فكرة الابتعاث ورى ظهري .... لاني كنت ضامن الشغلة و البزشن كان ممتاز
فبعد ما وقعت العقد مع البنك كلموني المعهد من امريكا وقالولي ان دراستك قريب تبداء فقلت لهم خلاص انا مو جاي ,, فقالوا انهم راح يلغون الـ I-20 فقلت لهم اوكي بما اني مو جاي
المهم .... مر شهر وانا قاعد فالبيت والبنك ما رد علي متى ابدي عمل ,, ضليت معلك هالشهر وكلمتهم اكثر من مرة ولا طلعت لا بحق ولا بباطل
واليوم قالوا لي ان خلاص ما يبوني !!!!!!!

فحالياً ما عندي حل الا البعثة
وانا خبري ان اللي ما يطلع لدولة الابتعاث بعد شهر 4 الا هو هذا الشهر راح تنلغي بعثته

فسؤالي الاول
هل اقدر اقدم على اي معهد (بما ان اكثر المعاهد متكدسه)؟ وهل اقدر اغير الولاية وبنفس الضمان المالي؟
او اني اضطر للتقديم في نفس المعهد و الولاية

السؤال الثاني
لو خلص اموري في شهر 5 (بعد شهر) هل ستلغى البعثة ولا في امكانيه لاستخراج قرار الابتعاث؟

السؤال الثالث
لو تأخر وصول الـ I-20 من المعهد لكن عندي الرقم .... هل اقدر استخرج الفيزا بمجرد ان عندي الرقم او اني اطبع النسخه الالكترونية من المعهد؟

السؤال الرابع
زوجتي راح تدرس معاي (مرافق) وانا استخرج لها شهادة بنكيه في شهر 2 .... فهل يقبل المعهد هذي الشهادة بعد مرور شهرين؟

يعطيكم العافيه وان شاء الله الاقي الجواب الشافي لاسئلتي

وضعك سهل تقدر تستخرج قرار الابتعاث الين نهاية السنة هما قالوا انه آخر موعد شهر 7 ميلادي و لكن اذا فهمتهم وضعك

سيتم استخراج قرار الابتعاث بشكل طبيعي بس استعجل و جيب اي-20 جديد بنفس رقم اليسفيس اللي عندك على اساس ماترجع تدفع سيفيس من جديد و قدم على الفيزه بسرعه

ان شاء الله تطلع لك الفيزه بوقت قياسي ...

بالنسبه لزوجتك اعتقد وضع الشهادة سليم بس مابيضر لو تجيب شهادة بنكية جديده افضل للمعهد و السفارة ..

بالتوفيق

وضعك جدا طبيعي ومافاتك شي الحمدلله


احسن شي سويته انك ماتسرعت والغيت بعثتك ..خيره من رب العالمين

طيب ليش ماتطلب ايتوني جديد من معهدك نفسه اذا كان عاجبك

واذا مو عاجبك راجع الوزارة وغير المعهد لمعهد ثاني ماتفرق بنفس الولايه او غير

ودامك دافع رسوم السيفس مايحتاج تدفعها ثانيه كل الي عليك لما يوصلك الايتوني ترسلهم الرقم عاساس يتحول السيفس للايتوني الجديد

ويمديك ان شاء الله الوضع ترى سهالات

بالنسبه لزوجتك الافضل تطلع شهاده بنكيه جديدة اضمن عشان لما تروح للسفاره مايحطونها حجه


بالتوووفيق

في احد يترك البعثه عشان وظيفه في البنك ؟؟؟؟

والله اني تركت وظيفتي وانا متاكد ان راتبها دبل راتبك اللي انت كنت راح تستلمه من البنك .

اخوي فكر كيف تطور نفسك لا يغرك راتب تكون فيه طول حياتك تراوح في نفس المكان واجعل هذا الامر درس في حياتك ودائما استشر اهل العقل و الخبره ولا خاب من استشار تخيل ان البعثه راحت عليك وش كان سويت .

كمل دراستك الله يهديك لان السنين القادمة ستجد الناس سابقتك بشهادات و انت باقي معك شهادت بكلوريوس وزي ما انت عارف اصحاب البكلوريوس و الماستر اكثر من الهم على القلب .

انظر للبعيد وابحث عن الصعب لتكون الافضل و اجتهد واترك السهل لان السهل في ايدي الجميع وصدقني وظيفتك اللي بالبنك راحت لشخص ما يستاهلها بالواسطه وانت ( طلعت من المولد بلا حمص )

اعذرني على كلامي هذا بس والله اني انظر لك بنظرت الاخ للاخ ولو كنت امامي كان قلتلك كلام اقسى من كذا من محبه ويعلم الله .

انا ما ادري اش دار بينك وبين معهد .. وقت المكالمه

لكن بما انك مسجل اسم لدى الوزاره بهالمعهد اشوف انه لو تقول للمعهد تبعك ان سبب تاخيرك هو الفيزا ولنك ما حصلت عليها
او تقدر تقول ان زوجتك ما صدرت لهها فيزه ,,, لك اكثر من طريقه مع معهدك السابق
احتمال كبييير يسوون لك تاجيل على الكوارتر الجاي بس اطلب انهم يصدرون لك اي تونتي جديد على نفس رقم السيفس السابق والارسال يكون بالتو DHL او الفيدكس
عشان تخلللص امورك بسرعه

والسيفس جاهز والمعهد مسجل بالوزاره كمل بعثتك طبيعي ,,,,,,,,

انا ارسلوا اي تونتي 4 مرات لزوجتي
الاولى ضاعت مع بريدنا السعودي العزيز
الثانيه ايضا ضاعت مع بريدنا المذكور اعلاه
الثالثه طلبتها بالDHL وارسلوها باسمي بالغلط .. ما انتبهوا ان الطلب للزوجه
الرابعه ايضا باDHL وارسلوها على حسابهم لانه غلطتهم ..

اتمنى لك التوفيق ... ونصيحه اخيييره .

لآ تقارن الثرى بالثريا ......

ماراح عليك ولا شي بإذن الله
الله ييسرلك اخوي الاخوان كفو ووفو
بالتوفيق

والله ما قصرتوا يا شباب ... رحم الله والديكم طمنتوني