استفسار استخراج قرار الابتعاث في وقت ضيق

April 9th, 2012, 07:34 PM

بسم الله الرحمن الرحين

يا شباب .... انا صارت لي قصه وعندي كم استفسار وبغيت اعرف شنو اسوي حالياً
هذي قصتي

بحمد الله انقبلت في البرنامج في المرحلة 7 لمرحلة الماستر
واخذت الضمان المالي وقدمت على معهد وصلني القبول بالاضافه للـ I-20
ودفعت رسوم الـ SIVES و خلصت فورم DS-160
وما باقي الا اني اطلع الفيزا واطلع قرار الابتعاث واتكل على ربي

وقبل لا احجز موعد فالسفارة انقبلت في بنك ورحت المقابله ومشت اموري عسل على عسل
بس كنت انتظر متى ابدي العمل وحطيت فكرة الابتعاث ورى ظهري .... لاني كنت ضامن الشغلة و البزشن كان ممتاز
فبعد ما وقعت العقد مع البنك كلموني المعهد من امريكا وقالولي ان دراستك قريب تبداء فقلت لهم خلاص انا مو جاي ,, فقالوا انهم راح يلغون الـ I-20 فقلت لهم اوكي بما اني مو جاي
المهم .... مر شهر وانا قاعد فالبيت والبنك ما رد علي متى ابدي عمل ,, ضليت معلك هالشهر وكلمتهم اكثر من مرة ولا طلعت لا بحق ولا بباطل
واليوم قالوا لي ان خلاص ما يبوني !!!!!!!

فحالياً ما عندي حل الا البعثة
وانا خبري ان اللي ما يطلع لدولة الابتعاث بعد شهر 4 الا هو هذا الشهر راح تنلغي بعثته

فسؤالي الاول
هل اقدر اقدم على اي معهد (بما ان اكثر المعاهد متكدسه)؟ وهل اقدر اغير الولاية وبنفس الضمان المالي؟
او اني اضطر للتقديم في نفس المعهد و الولاية

السؤال الثاني
لو خلص اموري في شهر 5 (بعد شهر) هل ستلغى البعثة ولا في امكانيه لاستخراج قرار الابتعاث؟

السؤال الثالث
لو تأخر وصول الـ I-20 من المعهد لكن عندي الرقم .... هل اقدر استخرج الفيزا بمجرد ان عندي الرقم او اني اطبع النسخه الالكترونية من المعهد؟

السؤال الرابع
زوجتي راح تدرس معاي (مرافق) وانا استخرج لها شهادة بنكيه في شهر 2 .... فهل يقبل المعهد هذي الشهادة بعد مرور شهرين؟

يعطيكم العافيه وان شاء الله الاقي الجواب الشافي لاسئلتي

• نشر عبر تويتر
• نشر عبر فيسبوك
• نشر عبر جوجل