طريقة إلغاء البعثة ...؟؟

ابغا اعرف كيف ممكن الغي البعثة ... << لظروف خارجة عن ارادتي :(
وابغا اعرف اذا ممكن احول البعثة لشخص تاني ولا لأ ..؟؟

لحظة لحظة لحظة..... اخويا في الله وإللي يعافيك نصييييييييييييييحة من اختك في الله لا والف لااااااااااااااااااااااااااااااا تلغي البعثة لا تسوي مثلي قبل فترة كنت على وشك إنه ألغيها بسبب ظروف ومشاكل عائلية لكن الحمد لله كان الله معايا وتسهلت بعض الإجراءات بفضل الله تعالى قبل كل شيء ثم بفضل بعض الناس والأعضاء هنا في المنتدى. اخويا لا تنحرج إذا تحتاج مساعدة عندك اخوانك واخواتك في الله نحاول نساعدك بإللي نقدر عليه. إذا عندك ظروف عائلية خاصة ماتقدر تناقشها معانا بكل شفافية وصراحة حاول بس تجيب قبول وبعد كذا روح للوزارة بنفسك في الرياض ( اهم شيء قبل ما تبدأ المرحلة الثامنة) قدم على تأجيل بعثتك و إذا قدرت روح للدكتور ماجد الحربي ترى على حسب كلام الأخوان شخص جدا متفهم وحكيم ماشاء الله عليه. بالنسبة للقبول خذ لك قبول متأخر وإذا عندك قبول والدراسة قريبة اجلها لحد ما إن شاء الله ظروفك تتسهل وتنحل وبعجها كمل إجراءاتك وكلم الوزارة وعادي امورك بإذن الله سهالات بس بليييييييييييييز البعثة فرصة موبس ذهبية الماسية وانحرم منها ناس متوفقين كثير فحاول تأجل تعتذر المهم لاااااااااااااااااااااااااااااااا تلغي البعثة واتمنى تتطمنا اخويا والله يكتب لك الخي رويسهل امورك وامورنا جميعا اللهم امين

اسفة على الأخطاء الإملائية لإني كتبت الرد وانا جدا منفعلة ما ابغى اشوف أي مرشح ولا مرشحة يلغوا البعثة نبغى بإذن الواحد الأحد ما تجي المرحلة الجاية إلا كل واحد على كرسيه في الكلاس!!!!! و على فكرة تخصصك ماشاء الله مررررررررررررررة مرغوب ومن تخصصات الإبتعاث فلا تحرم نفسك منها

ائجلها بس لكن لاتبغيهاااا

اذا بتلغيها عشان جاتك وظيفه وراتبها مغري فالله يعينك هذا تفكيرك وحياتك جرب تروح لرجل عاقل فاهم صاحب رأي ومشوره انسان ثقه في العلم واساله واشرح موضوعك عليه

وانصحك لا تاخذ مشورتنا مع ان الاخوان اللي نصحوك قبلي انا معاهم و أوافقهم الرأي لكن انا قلت ذا الكلام عشان تقتنع بس والله يوفقك

لا تترك البعثه روح وان شاء الله ترجع لاهلك بدكتوراه وهي افضل من ملاليم تحصلها من وظيفة واذا كان الامر مهو بيدك وانت مجبور على الغاء بعثتك فالله ييسر امرك ويفرج همك

وان شاء الله تكون خيره لك في الدنيا والاخره .

طيب انا اخترت اخر موعد في المعهد وابعد موعد وتقريبا فاضلي الفيزا واصدار القرار والتزاكر بس على اخر لحظة وبعد ماالمحرم زرعلي الامل قام يقولي بلاشي نروح لظروف هو مايقدر يسيبها وراه ايش اسوي وانا نفسي ومنى عيني اني اروح ... وجاتني وظيفة ماقلت لا بس برضو انا ابا اروح بس المشكلة دحين المحرم يقول بلاشي الواحد ايش يسوي ... وكيف ااجلها اكتر من كدا .... فعشان كدا ابا الغيها بس في نفس الوقت ابا اقدم مرة تانية في المراحل الي تجي تعتقدو ممكن ولا اظن كمان ولا في الحلم ؟؟؟؟؟؟

ساعدوني واللله اني مرة زعلانة .... ><

يا بنت الحلال استهيري ربك ما تدري الخيرة فين هذا اول شيء. ثاني شيء شوفي لك أي احد تاني يروح معاكي إذا عندك اخوان ثانيين خوال اعمام عيال اخوات عيال اخوان كبار فوق ال18 روحي معاهم وإذا فعلا جاتك وظيفة ومررررررررررررررة ظروفك ماتسمح لك الآن روحي للوزارة بنفسك احسن عشان تتاقشي معاهم على دا الموضوع وهم الوحيدين اللي يفيدوكي في دا الموضوع شوفي إذا تقدري تأجلي البعثة المهم تفاهمي معاهم والله يكتب لك مافيه الخير يا رب الله امين

امين يارب ... من جد الله يقدملي الي فيه الخير ... بس من جد بنيت احلام وكل حاجة مسويتها بنفسي وفي النهاية كدا من جد شي يقهر ولكن الحمدلله ....

الله يسهل بس