الرسوم الجديده+المقابله بالقنصليه الامريكيه

April 15th, 2012, 09:21 PM

السلالام عليكم

طبعا الرسوم تبع الفيزا الامريكيه زادت ابتداء من 13 ابريل وصارت 608 ريال للشخص الواحد بعد ما كانت ب 532 لا تنسون تصورون الايصال حق سامبا لانه ياخذون الاصل

بالنسبه للموعد كان موعدي 9 بمايو والمفروض دراستي باخر الشهر لكن صدفه شيكت ولقيت موعد قريب الي هو الاحد 15 ابريل هذا من فضل ربي يعني شيكوا على المواعيد باستمرار هذا شي

الشي الثاني المقابله اتكلم عن القنصليه الي بجده الوضع عادي وطبيعي مررا وتحسه شي روتيني عادي ماهو التعقيد الي نسمع عنه ونقراه بالمنتدى

ما راح اتكلم عن الدخول والتفتيش وكذا عادي الكل تكلم عنه بقولكم دخلنا صاله صغيره عطونا رقم وبعدين جا دورنا وسلمنا اوراقنا وجلسنا ننتظر المقابله الي ينادون فيها بالاسم
كان فيه شباكين مخصصه للمقابله وحده امريكيه وثانيه شكلها اسيوي يتكلمون انقلش وعربي واسئلتهم مكرره ولاحظت سألوا الاغلب نفس الاسلئه
طبعا اخذت كل الاوراق المهمه ولا تنسون الضمان المالي لانه طلبته مني الاسئله هي

انتم اخوان ولا زوجين وعدد اطفالكم وليه رايحين وش بتدرسين والتخصص واي ولايه وين رحتوا اخر 5 سنوات وطلبت الضمان المالي وقالت مبروك والحمدلله عدت على خير دفعنا على لفيدكس وخيرنا للفرع القريب او للعنوان الخاص فيكم والي سوت المقابله معي الامريكيه حبوبه جدا وكلامها العربي يضحك فصحى صح طلبت تطابق الصوره

وعقبال ما تطلع فيزتنا قريب يارب والله يسهل اموركم وامورنا وسلامتكم

• نشر عبر تويتر
• نشر عبر فيسبوك
• نشر عبر جوجل