ايش رايكم بالسعر ؟؟؟

السلام عليكم

رحت لمكتب العطلات وقدمت على معهد كابلان في مدينة بوسطن كورس لمدة 6 شهور مع سكن عائلة لمدة شهر واستقبال في المطار بي 37200ريال برايكم السعر مبالغ فيه ،،، ياليت تفيدوني ؟؟

تقبلوا تحياتي

انت أولاً وش اخترت اي برامج اللغة الانجليزي المكثفة ؟؟ أو العادية

لإني دخلت موقع معهد كابلن ولقيت اكثر من خيار و بستعرضهم لك :

http://up.arabseyes.com/uploads/24_04_1213352467731.jpg

فحدد اي البرامج اللي اخترتها .. طبعاً طمست بعض البرامج لإنه 100% مهب برنامجك و انا اتوقع ان برنامج هو رقم 3 اللي سعره 7875 يعني نعيد الحساب

1- سعر المعهد لـ 6 شهور 6900 دولار (7900*3.75) = 29625 ريال سعودي .
2- السكن مع عائلة ب1140 دولار * شهر = 1140دولار ( 1140*3.75) = 4275
3- الاستقبال من المطار و اذا ببالغ فيه بقول 300 دولار ( 300*3.75) = 1200


= 29625+1200+4275 = 35100

يعني نقول انه يبي ياخذ المكتب 2000 ريال حق شغلة و انت تاكد من برنامجك حق اللغة اي برنامج اختار لك المكتب على حسبتي البسيطة هذي اتوقع السعر مناسب .. طبعاً سعر السكن شهر غرفة خاصة ب 1140 عن طريق موقع المعهد لو انت تدور سكن يطلع عليك ب900 او حواليها .. لكن اكيد المكتب اختار ان المعهد يوفر لك سكن .. فبهالحسبة اتوقع 37500 سعر اممممم مناسب يعني المعهد اخذ 2500 ريال سعودي حق شغلة و انا اشوفها والله العظيم ما تستاهل اذا انت ما دفعت للمكتب ولا شيء انت يمديك تسجل بنص ساعة و توفر 2500 ريال

اشوف السعر معقول .. لكن زي ماقال الاخ ابو فهد الاحسن تعمل كل حاجه بنفسك

بالتوفيق

اتوقع لو تروح لنيوزلاندا اواستراليا راح توفر نصف السعر

شكراً ابو فهد مادري وش اقلك بس بيض الله وجهك ... جزاك الله خير