الأعضاء الإشتراك و التسجيل

الملتقيات
ADs

استفسار ليش الناس تتأخر في السفر اكثر من 5 شهور .. هل الاجراءات للابتعاث معقدة وطويلة ؟

استفسار ليش الناس تتأخر في السفر اكثر من 5 شهور .. هل الاجراءات للابتعاث معقدة وطويلة ؟


NOTICE

تنبيه: هذا الموضوع قديم. تم طرحه قبل 2053 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية shy heart
    shy heart

    عضو شرف و مشرف سابق

    shy heart الولايات المتحدة الأمريكية

    shy heart , ذكر. عضو شرف و مشرف سابق. من السعودية , مبتعث فى الولايات المتحدة الأمريكية , تخصصى إدارة الاعمال - محاسبة , بجامعة Seattle Central College Institute of English
    • Seattle Central College Institute of English
    • إدارة الاعمال - محاسبة
    • ذكر
    • Seattle, Washington
    • السعودية
    • Dec 2011
    المزيدl

    April 29th, 2012, 07:20 PM

    السلام عليكم ورحمة الله وبركاته ..

    أنا طالب في جامعة الملك سعود حاليًا اخر ترم .. وبقدم على المرحلة الثامنة شهر 8 هجري القادم .. ماجستير مالية

    لاحظت من خلال المواضيع هنا ان الطلاب حقين المرحلة السابعة توووهم الحين يسافرون ؟؟؟!!!!!!!

    يعني وش السالفة لها الدرجة يتأخر الابتعاث ..

    ولا ممكن أني اقدم شهر 8 واسافر شهر 11 أو 12 هجري ؟ برايكم ممكن .. مع اجراءات الفيزا والمعهد وقبوله و التدقيق والترشيح وكل شي ..

    هل يمكنني السفر لامريكا في 11 أو 12 هجري ... وماهو الشهر اللي من الممكن اني الحق عليه .. لاني ابي احصل الابتعاث وعلطووول اروح ادرس مااابغى انتظر ..

    السؤال الثاني عند التقديم للابتعاث هل يلزمني أني القى قبول جامعي قبله ولا يكفي قبول المعهد ولا مو لازم .. ومتى لازم اجيب القبول ؟

    السؤال الثالث (انا طالب واشتغل بالليل في وظيفة حكومية .. ) هل يلزمني عند التقديم اني اترك الشغل قبل ؟ ولا عادي اقدم وااقبل إن شاء الله ثم قبل مااسافر اترك العمل ..؟ أو مثلا يمكن لين حد يوم تدقيق الأوراق ؟

    ساعدوني ارجوكم ...
  2. وعليكم السلام ورحمة الله وبركاته
    الله يوفقك و تخلص الجامعه ب امتياز إن شاء الله
    عادي التاخير
    اولا من الوزاره اول شي كان التقديم في شهر 9 و في شهر 10 اعلنو الاسماء و في شهر 11كان تدقيق البيانات و شهر 1 كانت الملتقيات
    و بعدها إحنا اخذنا الموافقه من الوزاره على المعاهد حقتنا و اخذنا الضمان المالي فيه ناس يتاخلا و ناس لا و قبول المعهد ياخذ من شهر الى شهرين لين يوصل الموافقه و I-20
    و بعدها الفيزه و هي ايضا تتاخر ممكن تطلع بيومين و ناس تاخذ شهور و قرار الابتعاث ما يطول تطلعه بيوم و تاخذ امر اركاب و تسافر يعني مو بيدنا التاخير
    و السؤال الثاني : اول شي تقدم على البعثه و بعد الترشيح و التدقيق و يوافقون عليك تبدا تراسل الوزاره و تطلب منهم الموافقه على المعهد الي تختاره و بعد ما يوافقون يعطونك الضمان المالي للمعهد و تبدا تراسل المعهد و انت طالب ماجستير تجيب قبول معهد بس لان الجامعات برا و قبول الماجسير يطلبون اوراق و اختبارات لازم تجتازها تنجح و تقدم على الماجستير اما الكلريوس عادي تجيب قبول معهد و لجامعه و يكون قبول مشروط يعني قبول معهد مع الجامعه
    زي هنا بالسعوديه شروط تقديم الماجستير غير البكلريوس
    السؤال الثالث : شروط الابتعاث انك ماتكون تشتغل لو كنت تعمل مايقبلونك بالعثه
    و اتمنى اكون افدتك
    اي سؤال انا بالخدمه
    7 "
  3. المشاركة الأصلية كتبت بواسطة t0te
    وعليكم السلام ورحمة الله وبركاته
    الله يوفقك و تخلص الجامعه ب امتياز إن شاء الله
    عادي التاخير
    اولا من الوزاره اول شي كان التقديم في شهر 9 و في شهر 10 اعلنو الاسماء و في شهر 11كان تدقيق البيانات و شهر 1 كانت الملتقيات
    و بعدها إحنا اخذنا الموافقه من الوزاره على المعاهد حقتنا و اخذنا الضمان المالي فيه ناس يتاخلا و ناس لا و قبول المعهد ياخذ من شهر الى شهرين لين يوصل الموافقه و I-20
    و بعدها الفيزه و هي ايضا تتاخر ممكن تطلع بيومين و ناس تاخذ شهور و قرار الابتعاث ما يطول تطلعه بيوم و تاخذ امر اركاب و تسافر يعني مو بيدنا التاخير
    و السؤال الثاني : اول شي تقدم على البعثه و بعد الترشيح و التدقيق و يوافقون عليك تبدا تراسل الوزاره و تطلب منهم الموافقه على المعهد الي تختاره و بعد ما يوافقون يعطونك الضمان المالي للمعهد و تبدا تراسل المعهد و انت طالب ماجستير تجيب قبول معهد بس لان الجامعات برا و قبول الماجسير يطلبون اوراق و اختبارات لازم تجتازها تنجح و تقدم على الماجستير اما الكلريوس عادي تجيب قبول معهد و لجامعه و يكون قبول مشروط يعني قبول معهد مع الجامعه
    زي هنا بالسعوديه شروط تقديم الماجستير غير البكلريوس
    السؤال الثالث : شروط الابتعاث انك ماتكون تشتغل لو كنت تعمل مايقبلونك بالعثه
    و اتمنى اكون افدتك
    اي سؤال انا بالخدمه
    الله يرضى عليك اختي طيب اقدر اقدم على المعهد قبل لا يجيني قرار الابتعاث اقصد باستخدام الشهادة البنكية . ؟ عشان اختصر مدة المعهد على الاقل واقدم على الفيزا من بدري ثم بعدين اقدم على المعهد باستخدام الضمان المالي ؟
    7 "
  4. تقدر تقدم على المعهد بس اهم شي:
    -تكون معتمدة من قبل الوزاره.
    -وما فيها تكدس يعني ما يكون عليها الخط الأحمر .
    بس من خلال تجربتي مانصحك لان سويت زي ماقلت اخترت المعهد وأرسلت لهم شهاده بنكيه من عندي وانتظار القبول أخذ معي وقت تقريبا شهر وبعد ما وصلني القبول الوزارة رفضت لان المعهد تكدس صار غير متاح ف افضل لك تطلع على المعاهد الان وترشح لك ثلاث معاهد لان البحث عن المعاهد والجامعات ياخذ وقت لا جاء وقت انك تراسل الوزارة هم طبعا راح يحددون لكم التاريخ ارسل لهم المعاهد اللي اخترتهم وخذ منهم الموافقة ...
    موفق اخوي...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.