الأعضاء الإشتراك و التسجيل

الملتقيات
ADs

تقرير من مطار الرياض الى واشنطن تقرير 24/4/2012

تقرير من مطار الرياض الى واشنطن تقرير 24/4/2012


NOTICE

تنبيه: هذا الموضوع قديم. تم طرحه قبل 2054 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية mohez
    mohez

    مبتعث جديد New Member

    mohez الولايات المتحدة الأمريكية

    mohez , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى MBA , بجامعة not yet
    • not yet
    • MBA
    • ذكر
    • philadelphia, PA
    • السعودية
    • Apr 2012
    المزيدl

    April 29th, 2012, 10:54 PM

    السلام عليكم ورحمة الله و بركاته
    هذا الموضع بمشيئة الله سيكون نافع لكل من على وشك السفر الى الولايات المتحدة الامريكيه حيث اني بحمد لله وصلت امريكا بتاريخ 24 ابريل 2012
    طبعا باتكلم بدايه من مطار الرياض الى واشنطن ثم اجراءات المطار السهله ثم الى الفندق ثم الى السفارة و الانتهاء من فتح الملف
    اول شي نصحيه اعمل سكان(ماسح ضوئي) لمفاتك كلها وحطها في فلاش او احفضها في ايميلك و انت في السعوديه افتح ملف في الملحقية بما انه الكتروني و المعاملات في الملحقيه اصبحت حكومة الكترونيه
    فبامكانك تفتح الملف في السعوديه ادخل على الرابط :
    فتح ملف طالب
    او
    الصفحات - فتح ملف طالب (اضغط على خيار الطلبة المبتعثين و اختيار فتح ملف)
    من هذا الرابط تحط رقم السجل المدني و الرموز الموجوده في الصورة و اضغط بحث يفتح لك الموقع و فيه مجموعه من الامور الي لازم تعبيها مثل المعلومات الشخصيه و المؤهلات و معلومات الابتعاث تحملها من الجهاز هي سهله للغايه ا نسخ جميع الاوراق و المستندات المطلوبه منك في الموقع و حملها في الجهاز و البعض من الاوراق يجب ان تحملها بعد الوصول الى امريكا مثل ختم الخروج و ختم الدخول و هذي سهله بتسويها في الملحقيه بيكون هناك اجهزة تسويها بنفسك .
    اما بالنسبة لمطار الرياض ما تقدر تقص البوردنق او شحن العفش الا قبل الاقلاع ب3 او 4 ساعات لان الرحلات الى امريكا لها موظفين خاصين رجال امن و موظفين المطار بالنسبه لي انا اخذت شنطتين وزنها مع بعض 35 كيلو و لكن من اللي شفته ان في عائله رجل و زوجته او اخته الله و اعلم اتوقع مافي شي في البيت الا و جابوه معهم تقريبا الشناط شناط 5 غير اللي معهم داخل الطياره فعادي الخطوط ما عندهم مشكله حتى في الوزن لكن اذا وصلت امريكا و تبغى تروح لولايتك هنا القلق و التدقيق الي والله ان تدفع زياده الوزن و انت تضحك .

    (نصيحه للرجال اذا جيت المطار حاول ان يكون اللبس حقك بدون حزام لانهم راح يرفعون ضغطك بيكون في تفتيشين عشان بس تطلع الطياره و قلق فكه و تركيبه)

    بعد قطع البوردنق و الشحن تتجه الى التفتيش اللي بيكون في زحمه و قلق كلهم اجانب و الله اكتشفت ان الهنود كثير في المملكة<<<< هههههه وش دلخها بالموضوع .

    المهم تنتهي من التفتيش طبعا التفتيش عادي مثل اللي في الرحلات الداخليه ما فيه مشكله و من ثم تتجه تروح الى البوابه رقم 28 هناك ارتاح و اللي عليك بالخير و في مصلى هناك ارتاح الى ما ينادون لرحلتك و يفتحون البوابه تتوكل على الله تمشي تنزل من الدرج الكهربائي و تحسب ان خلاص تركب الطياره لالالالالالالالالالا حبيبي تفتيش قبل ما تطلع الطياره و هذا التفتيش يدققون في اللي داخل الشنطه بس الحمد لله ما قالو لي شي لان شنطتي بس فيها اوراق و لابتوب و كاميره و كتاب فقط و بعدها تطلع درج كهربائي و تدخل الطياره .


    هنا يجي القلق و رفعت الضغط و تمنى انك ما سافرت خاصة اذا انت في الضيافه يمين بالله يجيك شد عضلي و انت جالس قسم بالله تقعد في الطياره 14 ساعه كل الافلام و المسلسلات اللي في الشاشه تخلص و انت باقي و اخذت معي كتاب قريت الين ما طلعت عيوني و يجلس جنبك واحد عريض المنكبين ياخذ راحته بزيادة و يضيق عليك يا ساااااااااااااااتر الله يكون في عونكم يا اهل الدرجة السياحيه و يعطوكم و جبتين حتى الوصول الى امريكا انا كانت رحلتي 7 الصباح اعطونا فطور في خيارات بسيطه تقريبا 4 انواع من الفطور ما اذكرها لكن اللي اخذت بيض اوملت كان جيد و اعطونا وجبة غداء و نفس الشي 3 وا 4 انواع اخذت انا دجاج مع بطاطس كان جيد ايظا .
    و اول ما بتقلع يعطونكم ورقتين و حده لونها ابيض و الثانيه ازرق تعبيها سهله جدا لكن خل الجواز و صورة من الاي توني معاك لانك بتعبي فيها الاسم و رقم الجواز و مكان اصدار الجواز و عنوانك في خانة العنوان حط عنوان المعهد او الجامعة اللي في الاي توني الا اذا كان عندك شقة او بتروح مكان تعرف و اذا ما عرف شي و ما عرفت خانه معينه اسال المظيفه بتساعدك ما عليك حتى لو اخطيت اطلب وحده جديده و ابدا .


    الان و صلتم بحمد الله و سلامته مطار واشنطن دالاس الدولي و نزلتم تنزلون من الطياه و بتركبون باص يوديكم الصالات بعد النزول من الصاله جهز الجواز و اصل الاي توني و الورقتين اللي عبيتها في الطيارة تدخل في طابور حلزوني بيكون طويل لكن يمشي بسرعه لان موظفين الجمارك هناك كثير بتمشي و في واحد يقولك روح عند رقم 11 او رقم 23 او اي رقم يقولك تروحله اذا وصلت عند الموظف نصيحه خلك مبتسم و قول صباح او مساء الخير لان بيكون بشوش اذا بديت بهذي الجملة يطلبك الجواز اعطه الاوراق كلها مره وحده خله ياخذ اللي يبغى بعدها يطلبك بصماتك في جهاز مثل اللي عند الاحوال و السفاره معروف و تطالع في كاميره ياخذ صورة لك و يسالك ليه انت جاي امريكا قول جاي ادرسه لغه و ماستر او لغه او اللي انت جاي عشانه بعدها يختم على الاي توني الاصل و يختم على الجواز ختم دخول و يدبس القسم الاسفل من نموذج i94 الي عبيته في الطياره و لونه ابيض على الجواز و يعطيك الورقة الزرقاء اللي عبيتها في الطيار و ثم تروح تخرج و تستلم عفشك و اغراضك بيكون في اعلان بالعربي يقول القادمين من الخطوط السعوديه استلام العفش على المسار رقم 6 او اي مسار يقولونه .


    الان تخرج و تاخذ عفشك و تتجه على الخروج بيكون مسار كانه تفتيش لكن بيطلب منك الورقة الزرقاء اللي عبيتها في الطيارة و بعدين تتجه الى الصاله و بتلاقي رجل مصري ينتظر عند لوحه الملحقيه الثقافيه بيسالك عن اسمك و يكتبه عنده و يستقبلك لانك على رحلة الخطوط السعوديه هذي ميزه للي بيسافر على الخطوط السعوديه و يعطيك سي دي و ورقه فيها تعليمات لستجيل في الملحقيه و يقول لك اتجه من هنا و بتلاقي سوداني بيوديكم الفندق تتجه للسوداني و بيكون عنده طلاب من اللي كانو معك في الرحله اكيد بتتعرف على واحد او اثنين و تنتظر باص الفندق يوصل و اذا وصل يشيل اغراضك و تركب و يتجه الى فندق شيرتون الملحقيه متعاقده معاه و يعطونك خصم يعني الليله ب 50 دولار تقريبا غير النت النت بتدفع عليه 12 دولار الليله طبعا انت بتقعد في الفندق على حسب الوقت اللي عندك عشان في اليوم الثاني بتروح للملحقيه و بتفتح و تكمل بقيه اوراقك هناك و في في اللوبي حق افندق غرفه فيها كمبيوتر و طابعه و سكانر و فيها كوفي و شاهي و عصير و قاتوه و مويه كلها ببلاش متكفله فيها الملحقيه و اذا انت فاضي خذلك كوب شاهي و تمشى حول الفندق اماكن تفتح النفس روعه .

    بعض الاحيان الفندق ما بيوصلك الى الملحقيه لكن هذا رقم تاكسي سوداني اتصل عليه و بياخذك الصباح الساعه 8:30 يوديك الملحقيه ب 30 دولار لكن اذا مشيتم مجموعه بتتقاسمون التكلفه انا ركبت مع اثنين دفع كل واحد 10 دولار افل من 30 دولار انت لحالك تدفعها هذا رقمه اسمه ابو مؤيد : 5712137100 و يوديك تفتح حساب في البنك و تطلع شريحه جوال و يساعدك في كل شي و يتكلم عنك اذا ما عندك لغه تخارج نفسك نصيحه سجلوه احتياطا .
    الان بعد ما تنتهي من السفاره دق على ابومؤيد او في هناك مجموعة تكاسي اذا تبغى
    الفندق يوصل للمطار طبعا ببلاش و اتجه و روح لولايتك في حفظ الله و رعايته .

    اسف اذا الافكار غير مستلسه و مرتبه و مترابطه لكن اتمنى ان يكون مفيد و اذا في اي سوال او استفسار انا جاهز .


  2. مشكور وما قصرت و الله يجزاك خير ع الموضوع

    أنا رحلتي أن شاء الله يوم الأربعاء 5/9/2012 وعندي قرار الأبتعاث و كل شي تحتاجه الملحقية

    وش تفضل وأبي رأيك في كلا الحالتين أفتح حساب في الملحقية أون لاين ولا أروح لهم بنفسي في واشنطن ؟

    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.