اصدار قرار الابتعاث للرجال .. أو للعيال زي مايقولونها السحالي

السلام عليك جميع
حبايبي اللحين لازم لنا نحن الرجال نروح للرياض ونصدر القرار والا فيه طريقه ثانيه تعفينا من المشوار بالله اللي عنده علم لا يبخل علينا
واذا كان لابد من روحت الرياض هل ارسلهم بالبريد الاوراق والا ما يحتاج اخذها معي واسلمها بيدي .

ليه ما تقدر ترسلها لعبير الطريري وتصدر لك قرار ابتعاث ؟ جرب ولا اسئلها ع الايميل
atariri@mohe.gov.sa

مو لازم اخوي عند اي ايميل يصدر قرار او بالبريد الممتاز ترسلها

اقتباس:

---

المشاركة الأصلية كتبت بواسطة منهمك بالتفكير

السلام عليك جميع
حبايبي اللحين لازم لنا نحن الرجال نروح للرياض ونصدر القرار والا فيه طريقه ثانيه تعفينا من المشوار بالله اللي عنده علم لا يبخل علينا
واذا كان لابد من روحت الرياض هل ارسلهم بالبريد الاوراق والا ما يحتاج اخذها معي واسلمها بيدي .

---

انا رحت لهم في مخرج 5 في الرياض و عطيتهم اوراقنا و ساعة الا ربع و انا مستلم قرار الإبتعاث

دامك خارج الرياض ارسل لهم وشوف وش يجاوبونك
لو ردت لك وآصدرت لك القرار كويس و وفرت عنا المشوار
ولو قالوا لازم تجي الله يعينك

بس قريت كثير اصدروا لهم القرار عن طريق الايميل =)

السلام عليكم ورحمة الله ... يا اخي لا تحتاج تروح الرياض كل الموضوع ارسل لهم بياناتك عن طريق الايميل اللي كاتبته الاخت الفاضله فوق .. ولكن عن طريق ثلاث رسال .. الرسالة الاولى فيها .. بطاقة حضور الملتقى وبطاقة الاحول وصورة الجواز.. والثانية فيها فبول المعهد والفيزا .. والثالثة الوثيقة وكشف الدرجات... والصلاة على المرسول رحمة للعالمين.. وانا مصدر قرار الابتعاث عن طريق الايميل قبل شهرين ولله الحمد... والله ولي التوفيق ..

ما ادري فيه ناس تقول اوقف الاصدار بالايميل
وفيه ناس تقول للرجال فقط المبتعثات يجيهم بالايميل
جرب بالايميل ممكن ينفع اهم شي تاكد من حجم الملفات الافضل ما تكون اكثر من ٦ ميجا مش شرط ايميل او ايميلين او ثلاثة حسب حجم ملفاتك
واذا ما رد عليك او رفضوا اصدار القرار تقدر ترسلهم بالبريد الممتاز خلال ٤٨ ساعة توصلهم اذا كنت من منطقة الرياض ٣٠ ريال اذا خارج منطقة الرياض ( الوسطى) ٥٠ ريال

أرسل عن طريق البريد الممتاز كلها يومين والقرار عندك ، بريد ممتاز يكلفك 50 ريال

اشكركم جميع شباب وبنات على ردودكم
انا لقيت موضوع هنا بالمنتدى كاتبه واحد اسمه عبدالعزيز الرجال يقول انه بالبريد الممتاز ولا اسهل زي ما تفضلوا اخواني هنا .

بالنسبه للبنات انتم ماعندكم مشكلة عن طريق اليميل اللي حاطته الاخت Rosetta تقدرون تصدرون القرار أنا قريت كثير من الاخوات اصدروه عن طريق الايميل وفي وقت قياسي يعني خلال ساعتين والقرار عندكم انبسطوا ولا تشيلون هم .
الله يسهل علينا امورنا ويوفقنا يارب

مو معقوله والله يعني الشباب لازم يتعبونهم عشان قرار ابتعاث انا اليوم ارسلت لهم7 الصباح وعلى الساعه 10 الصباح استلمت القرار انا برئيي راسلهم وجرب ان شالله يساعدونك وبالتوفيق