استفسار التوصيات

لا شغلهم غلططططط كيف ورق بدون شعار صار كأنك انتي سويتيه وبعدين لازم يحطونها بظرف من عندهم نصيحتي ادخلي على العميده ولا السكرتيره وفهميها انك مبتعثه
وهم يعرفون الشغله انا يوم رحت للجامعه وقلت لسكرتيرة العميده ع طول قالت نعرف شغلات الابتعاث (:

شوفي حبيبتي انا اخذت التوصيات وبدون شعار وفي ورق عادي ومو لازم ظرف المهم ختم الجامعه على التوصيات

والختم فيه شعارهم واسم جامعتهم انجليزي وعربي

صديقتي من المرحله السادسه والحين تدرس جامعه في امريكا ونفس طريقتي بس ختم على التوصيات وهذا هي تدرس في الجامعه بعد ما خلصت لغه

انا اشوف تروحي للعميده تختمها لك وبس

اهم شي في التوصيات والظروف ختم من الجامعه....موفقه

لازم الشعار والظرف يكون مختوم بختم الجامعه

لاااااااااااااااااا لازم تكون على ورق رسمي تبع الجامعة + ختم من قسمك على الورقه وبعدين تروحين لادارة الدراسات العليا بكليتك تحطها لك بظرف وتقفله وتختم عليه من برا وانتي اكتبي بالمرسام على خفيف اسم الدكتورة على الظرف عشان لمن ترسلين اوراقك للجامعة تكونين عارفة كل ظرف لاي دكتورة ..........بالتوفيق ياعسل وكلامي عن خبرة انا سكرتيرة لدكتورة وعارفة الشغل هنا اما هناك كثير يجون بعد ماخلصوا اللغة ويطلبون توصية بشعار الجامعة والكلام اللي قلته لان الجامعات ماتقبل غير كذا واحسن شي تطلبين من الدكتورة تسويلك توصية وتصورينها اكثر من نسخة عشان توقعلك على كل نسخة ويكون التوقيع اصلي مو مصور .

مبتعثه طيب بنسبه لتوصيات الى نحطها ف الضرووف تكون اصل ولا صور ولاطبق اصل ولا شو وياليت تشريحين طريقة الضروووف واش نحط قيها

طيب انا توصياتي فيها الشعار وصورت نسخ كثيرة وختمت النسخ من الجامعة. بالنسبة للظروف الجامعة اعطتني فقط 4 اظرف ورفضوا يعطوني اكثر يا ترى تكفي ال4 اظرف؟

حتى انا اعطتني اربعه فقط ورفضت العميده قال ايش نظام ما اقدر اعطيك ااكثر بس انا اقول كفايه لانه باقي هناك نرسلها لشركه تعادل الشهاده واغلب الجامعات يطلبون هذي المعادله لشهادات

الأظرف نوعين الأول اللي يكون من دارة الدراسات العليا بنفس كليتك تحطين فية التوصية كل توصية بظرف لوحدها ويكون عليه شعار الجامعة وكمان يختمون لك فوقه
النوع الثاني يكون من عمادة القبول والتسجيل يعطونك اظرف بحسب العدد المسموح في كل ظرف تضعين صورة من كشف الدرجات وصورة من الوثيقة مختومة ختم طبق الأصل نفس العمادة هم يختمونها لك طبعا كل الاوراق هذه تكون صور بس لازم تكون مختومة بختم اصلي التوصية تختم من قسمك والوثيقة والكشف من عمادة القبول والتسجيل طبعا هذا بالنسبة لجامعتنا جامعة الملك عبد العزيز بجدة ...........اتمنى وضحت الصورة بالتوفيق