الأعضاء الإشتراك و التسجيل

الملتقيات
ADs

معلومات عن ولاية ديلاوير ,, مدينة نيوارك

معلومات عن ولاية ديلاوير ,, مدينة نيوارك


NOTICE

تنبيه: هذا الموضوع قديم. تم طرحه قبل 2079 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Nada Fagira
    Nada Fagira

    مبتعث جديد New Member

    Nada Fagira الولايات المتحدة الأمريكية

    Nada Fagira , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى طب مختبرات , بجامعة أم القرى
    • أم القرى
    • طب مختبرات
    • أنثى
    • Newark, Deleware
    • السعودية
    • Nov 2011
    المزيدl

    May 12th, 2012, 06:01 AM

    السلام عليكم ورحمة الله وبركاته

    أكيد قريتو عنها بس هنا بدي أكتبها من تجربة شخصية خ


    بالنسبة للمدينة ..

    تفريبا مدينة جامعية
    مرررررررررا أمنة
    مرا صغيرة
    ومرا هادية
    يعني حقت روقان بس لو طفشتو تقدري تروحي بباص أو تاكسي أو تستأجرو تاكسي أو قطار يعني اللي يريحك ، في ولايات قريبة مرة على قولتهم فشخة رجل زي ولاية ميريلان\
    وولايات قريبة حقت ساعتين ساعة ونص بالسيارة زي
    واشنطن
    نيورك
    وكم ولاية تانية
    المدينة ما فيها تاكس لكن ما تعتبر رخيصة

    المعهد ...

    قوي جدا
    في يوم الأورنتيشن يعملولكم اختبار تحديد المستوى
    ولو ما عجبكم المستوى اللي حطوكم فيه تقدرو تروحو أعلى أو أٌقل حسب ما تبغو بس يعيدولكم الأختبار تاني

    الاختبار مقسم لأربعة أقسام :
    كتابة
    وقراءة وقواعد
    وسمعي
    وقسم انترفيو

    أععععتقد بس مو متأكدة إنه 6 مستويات


    بالنسبة للبس
    عموما الشعب الإمريكي كله محد له دخل بأحد ودا الشي مو بس في دي الولاية
    لاحظته من مطار واشنطن
    كل واحد حر في نفسه مدام محترم نفسه ومحترم التانيين
    ففي ما شاء الله ناس بنقاب كأنهم في السعودية
    وفي اللي لابسين العباية
    حتى عبي سودا فيه
    يعني مررررررررا خدي راحتك زي ما تحبي


    في المطار التفتيش عادي بس الهاند باق يفتشوها
    لو لقيو فيها أشياء زي السوائل أو كدا يرموها
    احنا رمولنا الشامبو والمعجون وغسول الوجه
    ما كنا حاطين عطور فيها فاتأكدو من دا الموضوع
    أما غير كدا كلو طبيعي
    الأكل ما أدري إيش نظامو

    إيش كمان .....

    السكن ..

    يمكن أسوأ شي في كل الولاية موضوع السكن

    احنا أخدين في استديو قرين
    مشكلته إنو
    1- إدارته سيئة
    2- لما تجو توقعو العقد ما تشوفو الشقة
    هوا مقسم قسمين
    قديم وجديد
    فما تدرو حيحطوكم فين ولا فأية دور
    ممكن تلاقي نفسك في الباسمنت
    طبعا غير محبذ أبدا عشان الحشرات وكدا
    وبرضو إنت وحظك ما تدري الشفة اللي تاخديها نضيفة ولا معفنة
    إحنا شقتنا كويسة بس ما فيها إلا سرير واحد ولنا 5 أيام ساكنين ولدحين ما وصلنا
    التلفزيون ما تشتغل شاشته وللآن ما أتغير
    الحمام الله يكرمك شكلو حيخر علينا وللآن ما عملو شي

    في ناس مواضيعهم عويصة أكتر من كدا
    بس خبرة الناس اللي لفو يقولولك إنه هوا أحسن السيئين

    المواصلاات..

    للجامعة تقدري تروحي مشي
    أصلا المشي حيسير هوايتكم المفضلة
    وفي باصات الجامعة لها نظام معين تنفهم بعدين لما تجو بالسلامة إن شاء الله

    المطاعم ..

    في مطعم عربي
    ومطعم هندي
    دولا إن شاء الله حلال
    وفي المطاعم المعروفة
    ماك وبرجر كينج ودنكن وأشياء هيك
    وفي مطاعم وكفهيات في المين ستريت أكتر شي وفي في الطرق التانية بس أشهر شي في نيوآرك ال main street

    الإتصالات ..

    هيا عروض
    احنا اللي ناسبنا شي في شركة تي موبيل
    اللي هوا اللامحدود
    يسموه فاميلي مدري ايش دي قصتها إنه رسائل ومكالمات لا محدودة ونت لحد 5 قيقا
    أنا وأخويا أخدين الشرايح ب 100 دولار وزيادة عليها التاكس تقريبا 14 دولار وأول ما تفتحو خط تدفعو كمان رسوم إضافية
    مشكلتها كالتالي:
    1- تحتاجو تعملو معاهم عقد لمدة سنتين , ولو ما كملتو معاهم تدفعو 200 دولار ع الخط
    2- شبكتهم مو مرا

    ونصيحة ..

    لما توصلو بالسلامة إن شاء الله
    خلصو ورقكم في الملحقية وبعدين تعالو هنا
    ما حتحتاجو تجو من بدري أصلا
    أسبوع كفاية بس أهم شي خلصو أموركم من واشنطن عشان لا يتأخر عليكم الضمان المالي وتتهجولو
    هنا المعهد لو ما أعطيتوهم الضمان المالي ما يخلوكم تبدأو دراسة ولا يعطوكم الجدول إلين ياخدو الضمان المالي أو حتى ممكن ياخدو جزء من المبلغ تقريبا ربع المبلغ يعني 785 دولار بس يرجعوه أول ما يجيهم الضمان

    وكمان في سواقين عند الملحقية ممكن يوصلوكم لهنا
    ويعطوكم فواتير توصيل تعطوها للملحقبة ويعوضوكم بقيمة المواصلات حقت التاكسي - دي المعلومة سمعتها -


    ممكن أحد يحب يعرف نسبة السعوديين ..

    السعوديين ما شاء الله والعرب أكتر من الامريكيين نفسهم


    تقريبا دا توتل الخبرة حقت دي اليومين
    لو أحتجتو شي أسألو
    تحت الخدمة
    وبالتوفيق للجميع
  2. هلا فيك Nada
    الحمد لله عـ السلامه
    الله يوفقك
    انا حـ تبدا دراستي في اكتوبر ان شاء الله في نيوآرك
    انا خايفه وقت اصدار قرار الابتعاث لانه سمعت انه اخر فرصه لاصداره في يوليو (7) و دراستي في نهاية اكتوبر (10)
    المهم اقدر البس عبايه سودا ونقاب ؟؟؟ ولا راح القى ازعاج بسبب الحجاب الاسود
    اتمنى لك التوفيق
    7 "
  3. صدقوني اسوء مافي الاويه زي ماقلت اختي السكن وبذات استوديو القرين بدون بطانيه ولا مخده ولا مكيف ادرتها سيئه جدا وبالنسه الى الاويه مررررره ناااااااايس ولايه دراسه بالعربي تبغى تدرس تعال نيوارك تبغى تلعب روح ولايه ثانيه طبعا القبول في جامعهة دلاوير صعب جدا مو اي واحد ينقلب فيها لانو اصلا الدراسه فيها صعبه لكن المعهد ممتاز جدا جدا انصحكم في المعهد والجامعه مشهوره بتخصص الهندسه يعني اي واحد دافووووووووووووور يبغى هندسه يجي ولاويه دلاوير مدينه نيوارك اما بالنسبه للمطاعم في مطعم علي بابا ومطعم هندي مسوي بوفيه مفتوح واي استفسار انا جاهز لو تسمح لي اختي المشاركه معها في اي اجابة اي سؤال
    والله يوفقني ويوفقكم لكل خير ان شاء الله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.