الاجازه الاستثنائيه للعسكري هل يسافر فيها اي دوله على كيفه ؟

السلام عليكم
زوجي عسكري وانا مبتعثه
هو مرافق لي وراح يكمل دراسته باذن الله
وراح يقدم على اجازه استثنائيه
هل بهالاجازه خلاص يعني يسافر لاي مكان ولا بس للدوله ألي راح يدرس فيها
لانه مثل ماانتم عارفين السفرات للخارج للعسكريين لازم اجازه خارجيه ولدول يحددها قبل يسافر

اخوي لما طلعت له الاجازه الاستثنائيه كانو حريصين على هذه النقطه انه ما يسافر الا بس لامريكا بحكم انه مرافق لي خلال دراستي فيها
وكان الترانزيت حقنا نوقف في المانيا واخذوا التذاكر وتاكدوا اننا راح نوقف بالمانيا مو مزاج ولا تمشيه ..راح نوقف فيها لان كذا خط سير الرحله كذا..
..
يعني ما يقدر يسافر الا بس للدوله الي راح تدرسين فيها..
موفقه يارب

معقوله طيب لو خط سير الرحله اكثر من دوله
بعدين لو كان بعد مثلا مرور سنه يبي يسافر لاي مكان سياحه هل لازم يخبرهم ولا كيف ؟

العسكري مايقدر يسافر الا الى الدوله التى يكون مرافق بها لزوجته او اخته . او اى محرم له.

ويكون مرور خط الرحله عادي الى اى دوله يعني مرور فقط . واصلن مايقدر سياحه اللى اى دوله اجنبيه الا بفيزا جديده لان الفيزا اللى عنده فيزا مرافق دارس .

واذا يبي يسافر سياحه اى دوله اتوقع لازم يشعر مرجعه .

ملاحظه الان صدر قرار جديد مايقدر يسافر العسكري لا لما يحدد فقط دوله واحده .

مثلن زمان اذا كنت بسافر احدد ماليزيا مصر الاردن ؟

الان لابد تحديد دوله واحده . لان صديقي بالعمل قبل يومين رجعه اجازته من الامن العام لانه حاطه دولتين ؟ وراح عدلها وحد دوله واحده فقط .
علما اذا رجع وطلع من السفر وطلع انه مسافر الى دوله ثانيه سوف يحاكم محاكمه عسكريه

طيب لو خط سير الرحله من الرياض مرورا بالدوحه ثم ولايتنا بامريكا

كيف يكون الوضع بالنسبة لدخول الدوحه ؟

انا خويي يعمل بسلاح الحدود وجاء باجازة الكرسمس وسافر للكويت ورجع وعادي ماحد كلمه ...

على حسب المنفذ الحدودي

يااخوان خافوا الله ولاحد يفتي من راسه
مشكلتنا كلنا علماء ونحب نقدح من روسنا

اختي الاجازة الاستثنائيه صدر فيها مرسوم ملكي (قرار مجلس وزراء) بشهر 8 هجري العام الفائت وتنص علي (جواز مرافقة العسكري لمحرمة المبتعثه ولمدة محدده ) المده (4 او 5 سنوات لازم تتأكدين لأني نسيت بصراحه)
اذا صدر قرار الأجازة الأستثنائيه منفذ الخروج ماراح يعقده لأنه عارفين الترانزيت ومشاكله وممكن تمرون بأكثر من بلد ولو عقدوه يطلب يقابل الضابط بالمنفذ ويكلمه شخصيا (ابتسامة وسلام عشان يمشي الموضوع) فقط .

نصيحتي خلي محرمك يقدم اجازة استثنائيه ويعمل تسهيل مهمه للجوازات ويعطيهم في المنفذ الوثيقه للخروج ويطلع . بمجرد ماتطلع من السعوديه راح تنحل جميع استفساراتك وتقدرون تروحون المريخ لو تحبون بعد.

ولاتخلون شي يحبطكم تو المشوار مابدا وانشالله ربي يوفقكم .

اقتباس:

---

المشاركة الأصلية كتبت بواسطة djsof

يااخوان خافوا الله ولاحد يفتي من راسه
مشكلتنا كلنا علماء ونحب نقدح من روسنا

اختي الاجازة الاستثنائيه صدر فيها مرسوم ملكي (قرار مجلس وزراء) بشهر 8 هجري العام الفائت وتنص علي (جواز مرافقة العسكري لمحرمة المبتعثه ولمدة محدده ) المده (4 او 5 سنوات لازم تتأكدين لأني نسيت بصراحه)
اذا صدر قرار الأجازة الأستثنائيه منفذ الخروج ماراح يعقده لأنه عارفين الترانزيت ومشاكله وممكن تمرون بأكثر من بلد ولو عقدوه يطلب يقابل الضابط بالمنفذ ويكلمه شخصيا (ابتسامة وسلام عشان يمشي الموضوع) فقط .

نصيحتي خلي محرمك يقدم اجازة استثنائيه ويعمل تسهيل مهمه للجوازات ويعطيهم في المنفذ الوثيقه للخروج ويطلع . بمجرد ماتطلع من السعوديه راح تنحل جميع استفساراتك وتقدرون تروحون المريخ لو تحبون بعد.

ولاتخلون شي يحبطكم تو المشوار مابدا وانشالله ربي يوفقكم .

---

كلامك هو الصحيح


مجرد خروجك من السعوديه محد له له علاقه

نااس كثير يطلعوون من البحرين الى دول خرى

ولحد يكلمهم
يقدم اجازه استثنائيه ويعطووه ورقه تسهيل مهمه من العمل موجهه الى المطاااار هي تعتبر الوثيقه الي تثبت بالسموح له بالخروووج

هذا الي اعرفه