قررت اقطع بعثتي وارجع السعودية ( ابغى مشورتكم بالأجرئات )

ترفع خطاب تأجيل للملحقية والمشرف الدراسي عليه حسب ظروفة# تعذر المحرم مقبول للتأجيل مع المرفقات المطلوبة #


قولي له تصبر شوي يمكن تغير رأية البدايات دايم صعبة

البدايه دائما هي الاصعب
على النفسيه
هديها وصبريها شوي لاتندم بعدين

لاتخلينها تتسرع بالقرار طبيعي دائماً البداية كذا بلدة جديده ومجتمع جديد مع الايام تتعود ان شاءالله

خليها تتعوذ من ابليس هذا إللي يبغى يحبطها و صبريها وساعديها باللي تقدري عليه إن شاء الله تتيسر امورها و لا تتحبط وتتسرع لإنه ما تقدر ترجع إلا إذا كان عذرها قوي جدا يعني لا سمح الله وفاة احد الأقارب من الدرجة الأولى. وحدة من قريباتي امها توفت ما قدرت تحضر جنازة امها و لاقدرت حتى تسوفها ولا قدرت تجي السعودية إلا ثالث يوم العزا!!! فلا تتعجلي و توكلي على الله وحلوةلي تتأقلمي على كل شيء جديد و اكثري من العبادة و القران تراها تعطيكي راحة بلا نهاية صدقيني

نصيحتي ان تقسي عليها حتى تصبر صدقيني اذا رجعت سوف تندم طوال حياتها
واذا وقفتي الى جانبها ودعمتيها ما راح تنسى لك هذي الحظه خليها تفكر اذا رجعت ايش راح تسوي
قوليها مو انتي الي لحالك مبتعثه الآف من المبتعثين ولكل شخص هدف راح يحققه
اقسي عليها واقنعيها ولا تتعاطفين معها في شي مهم لمستقبلها وهي الان ما تفكر الا براحه بس اول ما توصل وترتاح راح تندم واذا ما تحملت ابدا تأجل لانها اكيد راح ترجع

زي ماقالوا الأخوات ما قصروا..حاولي تقنعيها كل الناس جات فترة وقالوا بنرجع السعودية الهوم سيك لابد منو,, بس لازم نصبر ونتحمل هي كدا الحياة مافي شي يجي بسهولة..
شوفي أنا وصلت قبل 4 أيام تقريباً والله أول ماوصلت وأنا في المطار قلت في نفسي (يا بنت إنتي إيش جابك هنا!! مكانك في السعودية) بس إن شاء الله إنها فترة وتتعدل الأوضاع أملي في الله كبير..
أما إنها ترجع السعودية ترتاح وترجع تاني ح يكون صعب عليها,,أي إنسان مايحب يرجع لمكان ماكان مرتاح فيه أو مضايقه,,قوليلها تحط لنفسها فترة معينة مثلاً 4 أو 5 شهور إذا لا سمح الله ما قدرت تتأقلم ع الجو تفكر بالرجعة
و الله يسهل علينا وع المسلمين أجمعين..

خليها تستخير واوقفي معاها وقوليلها الاشياء الي ممكن تستفيدها وانو غيرها يتمناها وكمانا خوفيها من الاجرات لانو في كتيرين راح يقدمو اكيد للمرحله التامنه واخاف انو يلغولها بعثتها مدام هي من اولها مو مرتاحه الا طبعا لو ظروفها قاسيه فدا شي تاني الله يعينها يارب ويسهل امرها والله خوفتوني صراحه من العيشه هناك انتو باي ولايه ?

انصحيها بالأستخارة ،يمكن خيرتها بالرجعه ،ماحد يدري ،خليها تدعي وتستغفر كثير ،تصلي ركعتين اخر الليل وتدعي
خلي اهلها يكلمونها ويشجعونها وانهم ينتظرونها ،ودايم حيدعولها

إضافة للي قالوه الأخوات لاتنسى إنه اغلب إللي وقفوا بعثتهم ندموا وعلى فكرة لما توقفي بعثتك الملحقية طبعا راح توقف الصرف عليكي وتحطك على الهولد ولما ترجعي وتباشري البعثة تاني مرة تقعدي شهرين او اكثر بدون مصروف وهذا الكلام حصل لكثيرين ووحدة من زميلاتي ماهم راضين يرجعوها للبعثة!!! فأنتبهي لاتضيعي مستقبلك وحلمك بسبب امور تقدري إن شاء الله تتأقلمي معاها وعليكي بالإستغفار