استفسار عن افضل الخطوط لبورتلاند - استفسار عن تعويض ايصال سامبا والسيفيس

حابه اسال مكتب الطيار يخلونا عادي نختار اي خطوط انا رحلتي ان شاءالله لبورتلاند ومحتاره بين الخطوط الهولنديه ولوفتهانزا الالمانيه لو عندكم تجارب ياريت تخبرونا معا العلم انو الاقلاع بيكون من مطار جده ان شاءالله وتنصحوني فيها ولا الخطوط السعوديه احسن ? عندي سوال ثاني مهم خارج عن الموضوع انا لمن رحت السفاره اخذو مني ايصالات سامبا تبعي وتبع مرافقي لكن انا مصورتها كوبي عندي فهل ينفع بهادي الكوبي اطلب تعويض من الملحقيه والسيفيس هل يعوضونا عنو ولا لاء ?

بالنسبـة للخطـوط, يسمـح لك الطيـار بأختيـار مسـار الرحلة والشركة الناقلة, ونصيحتي ابتعدي عن الألمانية لأنها متعبة والمقاعد ضيقة. انا جربت الألمانية مرتنين والسعودية مرة واحدة. السعودية أفضل بكثير والخطوط السعودية دولياً أفضل من النقل الداخلي بكثير.
ابحثي عن رحلة يكون عدد التوقف ومدة الرحلة أقصر من غيرها ومن ثم فاضلي بين الشركات الناقلة. واذا كانت الخطوط السعودية من ضمن الخيارات أنا افضلها عن غيرها.

بالنسبة للتعويض, نعم الإيصـال يكفي وطريقة تعويض هذه الرسوم موجودة في موضوع مثبت في ملتقى امريكا.
يسر الله أمرك

شكرا على ردك كثيرين من اقاربي وصديقاتي نصحوني بالخطوط الهولنديه خط سيرها جده امستردام واشنطن بورتلاند او جده امستردام سياتل بورتلاند وتوقفها حلو مو اكثر من اربع ساعات او خمسه ام الخطوط شفت يا تسعه ساعات يا سبعه ودا شي مررره متعب اما الالمانيه تتوقف بفرانفكفورت ساعه بس وبعدها شيكاغو اربعه ساعات وبعدها بورتلاند شفت دا الشي بموقع دستينيا والطيارات كلها الامانيه يعني ما راح اغير لطياره تابعه للخطوط الامريكيه عشان اوصل لبورتلاند زي الخطوط السعوديه وقالولي خدي اي خطوط غير السعوديه لانها متعبه بالتفتيش مدري دا الشي صح ولا لاء ومنكم نستفيد لو عندك اي معلومه تثبت العكس وشكرا مره تانيه

احنا حجزنا على الخطوط الالمانيه

جده فرانكفورت سياتل بورتلاند

طيب سؤال ،ايش الخطوط اللي مسموح فيها الشحن اكثر شي

ماعندى خلفيه والله الي معايا كلو كم طقم ملابس انا واخوى ولاب توب وبس

تقريبا كلهم مثل بعض شنطتين 23 كيلو ..... بس الالمانيه عشان مافيها قروشه .. السعوديه بتوقف في واشنطن . والمطار حق واشنطن من اسوء مطارات العالم ... يعني لو تروحين بالاماراتيه لسياتل ومنها لبورتلاند اشوفها افضل شي لك
الخيار الثاني الالمانيه جده فرانكفورت سياتل ... ............. بس السعوديه يقولون دوليا كويسه .. بس انا انصحك عشان مطار واشنطن انتي وحظك بعض الاحضان كويس وبعض الاحيان تكرهين حياتك بسببه
والله يوفقك

انا بالنسبه لي راح اجرب الاماراتيه والالمانيه واقارن بينهم بس لمن دخلت لقيت انو الخطوط الالمانيه وحتى الامارات مافي لسياتل توقف بس شيكاغو وسان فرانسيسكو ولوس انجلوس بعدها بطيران داخلي ينقلونا بورتلاند فا ايش افضل مطار بين الثلاثه

- - - Updated - - -

سمعت لوفتهانزا الالمانيه شنطه شحن وحده ٢٣ كيلو ولو زاد تدفعي وبالطباره حقيبه وحده امكن سبعه كيلو ولابتوب او ظهر

حابه اسال كمان عن افضل طيران داخلي المتاح هوا امريكان يونايتيد وسكاي وست حسب معلومات الترانزيت بالموقع

بما انو محد جاوب انا بجاوب بعد ما بحثت لقيت اجوبه افضل مطار لوس انجلوس كاتبين اغلبهم تفتيشهم طيب ومعاملتهم حسنه افضل طيران داخلي كل الخطوط الامريكيه زي بعض صغيره ومنها قديمه بس يقولو دلتا وبلو مدري ايش ويونايتد كويسه مهي بطاله